ລິ້ງ ສຳຫລັບເຂົ້າຫາ

ວັນອາທິດ, ໒໖ ພຶດສະພາ ໒໐໒໔

ຈີນ ກ່າວໂຈມຕີ ນາຍົກ Abe ຢ່າງໜັກ ທີ່ໄປຢ້ຽມຢາມ ສານ Yasukuni


ນາຍົກລັດຖະມົນຕີ Shinzo Abe ແຫ່ງຍີ່ປຸ່ນ ຍ່າງນຳຫຼັງພະShinto ເພື່ອສະແດງຄວາມເຄົາລົບຕໍ່ພວກທີ່ເສຍຊີວິດ ໄປໃນປາງສົງຄາມທີ່ສານYasukuni Shrine ທີ່ກຸງໂຕກຽວ
ວັນທີ 26 ທັນວາ 2013.
ນາຍົກລັດຖະມົນຕີ Shinzo Abe ແຫ່ງຍີ່ປຸ່ນ ຍ່າງນຳຫຼັງພະShinto ເພື່ອສະແດງຄວາມເຄົາລົບຕໍ່ພວກທີ່ເສຍຊີວິດ ໄປໃນປາງສົງຄາມທີ່ສານYasukuni Shrine ທີ່ກຸງໂຕກຽວ ວັນທີ 26 ທັນວາ 2013.
ທູດ​ຈີນ​ປະຈຳ​ສະຫະ​ປະຊາ​ຊາດ​ໄດ້​ກ່າວ​ໂຈມ​ຕີຍີ່ປຸ່ນ​ຢ່າງ​ໜັກ
​ໂດຍ​ກ່າວ​ຫາ​ນາຍົກລັດຖະມົນຕີ Zhinzo Abe ​ແຫ່ງ​ຍີ່ປຸ່ນທີ່
​ນຳພາ​ປະ​ເທດໄປ​ສູ່​ເສັ້ນທາງ​ທີ່​ເປັນ​ອັນຕະລາຍ​ທີ່​ສຸດ ​ໂດຍ
​ທຳ​ການ​ຢ້ຽມຢາມ​ສານ​ບັນພະ​ຊົນ​ແຫ່ງ​ນຶ່ງ​ທີ່​ເປັນ​ບັນຫາ​ໂຕ້​
ແຍ້​ງກັນ​ນັ້ນ.

ທ່ານ Liu Jieyi ກ່າວ​ຕໍ່​ບັນດາ​ນັກ​ຂ່າວ​ໃນ​ແລງ​ວັນ​ພຸດ​ວານ​ນີ້ວ່າ
ຕາມ​ຄວາມ​ຈິງ​ແລ້ວ​ທ່ານ Abe ​ໄດ້​ເຂົ້າ​ຂ້າງ​ກັບ​ພວກ​ອາ​ຊະ​ຍາ
ກ​ອນສົງຄາມ ​ໂດຍ​ທຳ​ການ​ຢ້ຽມຢາມສານ Yasukuni ​ໃນ​ກຸງ​
ໂຕ​ກຽວ ອັນ​ທີ່​ທ່ານ​ກ່າວ​ວ່າ ​ປິດ​ບັງ​ຂໍ້​ເທັດ​ຈິງ​ແລະ​ສັນລະ​ເສີນ
ການ​ຮຸກ​ຮານນັ້ນ​.

ທ່ານ Liu Jieyi ​ໄດ້​ຮຽກຮ້ອງ​ໃຫ້​ປະຊາ​ຄົມນາໆ​ຊາດ​ອອກ​ຄຳ​ເຕືອນ​ວ່າ " ທ່ານ​
Abe ຕ້ອງ​ກວດ​ແກ້​ທ່າ​ທາງ​ທີ່ຜິດພາດ​ທາງ​ປະຫວັດສາດ​ຂອງ​ທ່ານ ທ່ານ​
ຈະ​ຕ້ອງ​ກວດ​ແກ້ຄວາມ​ຜິດພາດ​ຂອງ​ທ່ານ ແລະ​ທ່ານ​ຈະ​ຕ້ອງ​ບໍ່​ທຳ​ການ​
ເຄື່ອນ​ໄຫວ​ໃ ນ​ທາງ​ທີ່​ຜິດພາດ​ໄປ​ຕື່ມ​ອີກ​.”


​ໃນ​ການ​ຕອບ​ໂຕ້​ນັ້ນ ທ່ານ Motohide Yoshikawa ​ເອກອັກຄະ​ລັດຖະທູດ​ຍີ່ປຸ່ນ​
ປະຈຳ ສະຫະ​ປະຊາ​ຊາດ​ກ່າວ​ວ່າ ການ​ຢ້ຽມຢາມ​ຂອງ​ທ່ານ Abe ນັ້ນ​ບໍ່​ແມ່ນ​ເປັນ
​ການ​ໃຫ້​ກຽດ ແກ່ພວກ​ອາ​ຊະ​ຍາກ​ອນສົງຄາມ ຫຼື​ຍ້ອງຍໍ​ສັນລະ​ເສິນ​ລັດທິ​ທະຫານ​
ແຕ່ເປັນ​ການສະ​ແດງ​ຄວາມ​ເຄົາລົບ​ນັບຖື ​ຕໍ່​ພວກ​ທີ່​ເສຍ​ຊີວິດ​ໄປ ໃນ​ປາງ​ສົງຄາມ​
ຂອງຍີ່ປຸ່ນ.

ນອກ​ນັ້ນ ທ່ານ​ຍັງ​ກ່າວ​ເຖິງ​ຄຳ​ຮຽກຮ້ອງ​ນາຍົກລັດຖະມົນຕີຍີ່ປຸ່ນ​ຄືນ​ອີກ ເພື່ອ​ໃຫ້ມີ
ການ​ໂອ້​ລົມ​ສົນທະນາ​ກັນ​ໂດຍ​ກົງ​ກັບ​ຈີນກ່ຽວ​ກັບ​ເລື້ອງ​ນີ້ຊຶ່ງ​ເປັນ​ເລື້ອງ​ທີ່​ໂກດ​ແຄ້ນ
​ຄັ້ງ​ຫຼ້າ​ສຸດ​ຕໍ່​ສາຍພົວພັນທີ່​ກຳລັງ​ເພີ່ມ​ຄວາມ​ເຄັ່ງ​ຕຶງ​ຂຶ້ນລະຫວ່າງຈີນ​ແລະ​ຍີ່ປຸ່ນ. ຈີນ​
ໄດ້​ປະຕິ​ເສດ​ຕໍ່​ຂໍ້​ສະ​ເໜີ​ດັ່ງກ່າວ​ນັ້ນ.
XS
SM
MD
LG