ຢູ່ໃນສະຫະລັດ ພວກເດັກນ້ອຍອົບພະຍົບ ມັກຈະເຕີບໃຫຍ່ມາໂດຍບໍ່ມີໂອກາດ ໃນຂະ ນະທີ່ພໍ່ແມ່ເຂົາເຈົ້າພາກັນດິ້ນລົນ ປັບໂຕໃຫ້ເຂົ້າກັບຊີວິດໃໝ່ ແລະຊຸກຍູ້ຄອບຄົວ. ຫຼາຍຄົນຂອງພວກເດັກນ້ອຍເຫລົ່ານີ້ພາກັນເຮັດວຽກໜັກ ເພື່ອໃຫ້ບັນລຸ ຄວາມຝັນອາເມຣິ ກັນ ສຳລັບພໍ່ແມ່ຂອງເຂົາເຈົ້າ. ແມ່ຍິງຄົນນຶ່ງ ທີ່ພໍ່ແມ່ມາຈາກປະເທດລາວ ໄດ້ບັນລຸຜົນ ສຳເລັດໂດຍສ້າງ App ການຮຽນທີ່ຍົກຍ້າຍໄປມາໄດ້. ນັບແຕ່ຜະລິດຕະພັນນີ້ໄດ້ເລີ້ິມໃຊ້ຢ່າງເປັນທາງການກໍມີ ນາຍຄູຫຼາຍກວ່າ 900 ຄົນຢູ່ໃນແປດປະເທດໃຊ້ App ດັ່ງກ່າວ. Elizabeth Lee ນັກຂ່າວວີໂອເອ ລາຍງານຈາກ Silicon Valley ໃນເມືອງ Oakland ລັດ California ຊຶ່ງກິ່ງສະຫວັນ ຈະນຳລາຍລະອຽດມາສະເໜີທ່ານ.
ມັນອາດຍາກສຳລັບບັນດານັກຮຽນເຫລົ່ານີ້ທີ່ຈະວາດມະໂນພາບ ແຕ່ແມ່ຍິງຄົນນຶ່ງທີ່ເຂົາເຈົ້າຮູ້ ຊື່ນາງ Ching ເຕີບໃຫຍ່ຢູ່ໃນຄຸ້ມທີ່ມີພວກອັນຕະພານ ແລະໂຮງຮຽນບໍ່ດີ.
ນາງ Xiao Hoa Michelle Ching ນັກວິສະຫະກິດອາເມຣິກັນເຊື້ອສາຍລາວກ່າວວ່າ “ສິ່ງແວດລ້ອມ ຮູ້ສຶກວ່າຄືກັນກັບຄຸກ. ມີດີ້ວເຫລັກຢູ່ທຸກໆປ່ອງຢ້ຽມ. ພວກນາຍຄູມັກຈະບໍ່ມາປາກົດໂຕຢູ່ຫ້ອງຮຽນ.”
ນາງ Ching ມາຈາກຄອບຄົວອົບພະຍົບມາລາວ ຊຶ່ງນາງເປັນລູກສາວດຽວຂອງສາມເອື້ອຍນ້ອງເກີດຢູ່ໃນສະຫະລັດ. ຊີວິດການເປັນຢູ່ໃນອາເມຣິກາບໍ່ໄດ້ເປັນໄປຢ່າງງາຍດາຍສຳລັບພໍ່ແມ່ຂອງນາງເລີຍ.
ນາງ Ching ກ່າວວ່າ “ເຂົາເຈົ້າມາທີ່ນີ້ ແລະເຂົາເຈົ້າໄດ້ດິ້ນລົນແທ້ໆ. ຄວາມຈິງແລ້ວ ມາຈົນເຖິງເທົ້າທຸກວັນນີ້ ເຂົາເຈົ້າບໍ່ມີສິ່ງຂອງຫຍັງຫລາຍ.”
ຈາກປະສົບການແຕ່ຄາວຍັງເປັນເດັກນ້ອຍ ນາງ Ching ຕ້ອງການຢາກສົ່ງເສີມຊີວິດຂອງພວກທີ່ພາກັນດິ້ນລົນ ກ່ອນອຶ່ນໃນນາມເປັນນາຍຄູສອນ ແລະບັດນີ້ ເປັນຜູ້ຄົ້ນພົບເຄື່ອງ App ການສອນ ທີ່ຊ່ວຍແກ້ໄຂບັນຫາທີ່ພວກນາຍ ຄູຫລາຍຄົນພາກັນປະເຊີນໜ້າຢູ່.
ນາງ Chasmin Moses ນາຍຄູຊັ້ນ ປ. ສີ່ ກ່າວວ່າ “ພວກນັກຮຽນຢູ່ໃນຫ້ອງຮຽນຂອງຂ້າພະເຈົ້າ ພາກັນອ່ານຈາກຊັ້ນອານຸບານຈົນຮອດຊັ້ນ ປ. ຫ້າ” ມັນຫຍຸ້ງຍາກຫຼາຍທີ່ຈະເປັນນາຍຄູດີເລີດ ເທົ່າທີ່ສາມາດເຮັດໄດ້ສຳລັບພວກນັກ ຮຽນເຫລົ່ານີ້ ທີ່ອ່ານຢູ່ໃນລະດັບແຕກຕ່າງກັນ. ຂ້າພະເຈົ້າສອນປີທຳອິດ. ຂ້າພະເຈົ້າບໍ່ຮູ້ຈະເຮັດຢ່າງໃດ.”
ນັ້ນແມ່ນບ່ອນທີ່ app ຊື່ວ່າ Literator ສາມາດສະໜອງການໃຫ້ຄວາມສົນໃຈແກ່ບັນດານັກຮຽນແຕ່ລະຄົນໄດ້.
ນາງ Xiao Hoa Michelle Ching ກ່າວວ່າ “ນາຍຄູຈະໄດ້ຮັບຄຳແນະນຳ ໃນທັນທີ ແລະສາມາດຖາມຄຳຖາມຕ່າງໆ ແລະຊຸກຍູ້ນັກຮຽນຄົນນັ້ນ ແລະຕັ້ງເປົ້າໝາຍໃນເວລານັ້ນ ເພື່ອຊ່ວຍໃຫ້ເຂົາເຈົ້າຂຶ້ນຫ້ອງໄດ້.
ແຕ່ນາງ Ching ກ່າວວ່າ ຄວາມພະຍາຍາມ ທີ່ຈະເລີ້ມບໍລິສັດຢູ່ Silicon Valley ແລະຂໍທຶນຈາກພວກນັກລົງທຶນທາງທຸລະກິດ ສຳລັບບຸກຄົນທີ່ມີເບື້ອງຫລັງຄືນາງນັ້ນ ບໍ່ແມ່ນເລື້ອງງ່າຍເລີຍ.
ນາງ Ching ກ່າວວ່າ “ລັກສະນະທີ່ແທ້ຈິງຂອງ Silicon Valley ນັ້ນ ແມ່ນຄົນຜິວຂາວ ແລະເປັນຜູ້ຊາຍ ແລະສ່ວນໃຫຍ່ໄປເຂົ້າໂຮງຮຽນຢູ່ມະຫາວິທະຍາໄລ Stanford ຫລື Harvard. ຂ້າພະເຈົ້າບໍ່ມີຫຍັງເລີຍຂອງສິ່ງເຫລົ່ານັ້ນ. ຂ້າພະເຈົ້າບໍ່ໄດ້ໄປໂຮງຮຽນທີ່ມີຊື່ສຽງ ແລະບໍ່ໄດ້ເກີດມາເປັນຜູ້ຊາຍຜິວຂາວ ເພາະສະນັ້ນ ມັນຈຶ່ງເຮັດໃຫ້ຫຍຸ້ງຍາກແທ້ໆ ສຳລັບຂ້າພະເຈົ້າ ທີ່ຈະພົວພັນຕິດຕໍ່ປະ ເພດນັ້ນ.”
ແຕ່ວ່າຜົນງານທີ່ໄດ້ຮັບຂອງນາງ Ching ເປັນສິ່ງຈູງໃຈໃຫ້ແກ່ລາວ.
ນາງ Chasmin Moses ນາຍຄູສອນຂັ້ນ ປ. ສີ່ ກ່າວວ່າ “ພວກລູກຂ້າພະເຈົ້າ ປີກາຍນີ້ ຮຽນດີຂຶ້ນສ່ວນໃຫຍ່ຈາກໂຮງຮຽນ ກ່ຽວກັບການອ່ານ ແລະເລກ.”
ນາງ Ching ຍັງໄດ້ຮັບການກົດດັນຈາກການຕໍ່ສູ້ດິ້ນລົນຂອງພໍ່ແມ່ຂອງນາງ.
ນາງ Ching ກ່າວວ່າ “ເຂົາເຈົ້າເຮັດວຽກໜັກຫລາຍ ໃຫ້ແກ່ພວກຂ້າພະເຈົ້າ. ສິ່ງທີ່ເຮົາຕ້ອງການຢາກເຮັດກໍຄື ໃຫ້ເປັນທີ່ແນ່ນອນວ່າ ເຂົາເຈົ້າສາມາດຢູ່ຢ່າງມີຄວາມສຸກໄດ້.”
ແລະການພິສູດທີ່ວ່າ ການເຮັດວຽກໜັກນັ້ນແມ່ນໄດ້ຮັບຜົນຕອບແທນທີ່ຄຸ້ມຄ່າ ເພື່ອໃຫ້ລູກຂອງເຂົາເຈົ້າ ສາມາດບັນລຸຄວາມຝັນອາເມຣິກັນໄດ້.
