ຄວາມບໍ່ພໍໃຈໃດໆ ໃນບັນດາຜູ້ນຳເອເຊຍກາງ ກ່ຽວກັບການກະທຳຂອງຈີນຕໍ່ຊົນເຜົ່າກຸ່ມນ້ອຍ ວີເກີ (Uyghur) ໄດ້ຖືກລົບລ້າງໃນລະຫວ່າງການຢ້ຽມຢາມພາກພື້ນດັ່ງກ່າວ ເມື່ອບໍ່ດົນມານີ້ ໂດຍປະທານເຂດປົກຄອງຕົນເອງ ຊິນຈຽງ ວີເກີ ແລະ ລັດຖະມົນຕີປ້ອງກັນຄວາມສະຫງົບຂອງຈີນ.
ການຕ້ອນຮັບອັນອົບອຸ່ນທີ່ມອບໃຫ້ກັບເຈົ້າໜ້າທີ່ຈີນ ໄດ້ສະທ້ອນໃຫ້ເຫັນເຖິງການເພີ້ມຂຶ້ນຂອງຄວາມສຳພັນດ້ານເສດຖະກິດຂອງພາກພື້ນດັ່ງກ່າວກັບປັກກິ່ງ ແລະ ຄວາມບໍ່ສະບາຍໃຈກັບຣັດເຊຍ ເຊິ່ງເປັນຜູ້ຮັບປະກັນໃນການຕໍ່ຕ້ານການກໍ່ກະບົດພາຍໃນປະເທດ ມາດົນນານຂອງພາກພື້ນ ໃນຂະນະທີ່ປະເທດດັ່ງກ່າວນັ້ນ ຕ້ອງດິ້ນຮົນຢູ່ສະໜາມລົບໃນຢູເຄຣນ.
ຄວາມຢ້ານກົວວ່າຄວາມທະເຍີທະຍານດ້ານອານາເຂດຂອງມົສກູ ອາດຈະຂະຫຍາຍໄປເຖິງອະດີດສາທາລະນະລັດໂຊວຽດອື່ນໆ ໄດ້ຮັບແຮງສະໜັບສະໜູນຈາກການຕອບໂຕ້ຊາວເອເຊຍກາງ ໃນຣັດເຊຍຫຼັງຈາກການໂຈມຕີ ໃສ່ສະຖານທີ່ສະແດງດົນຕີແຫ່ງນຶ່ງໃນມົສກູ ເມື່ອວັນທີ 22 ມີນາ, ເຊິ່ງເຮັດໃຫ້ມີຜູ້ເສຍຊີວິດຢ່າງນ້ອຍ 140 ຄົນແລະບາດເຈັບເກືອບ 100 ຄົນ.
ສື່ມວນຊົນຂອງຣັດເຊຍ ໄດ້ລາຍງານກ່ຽວກັບອາຊະຍາກຳທີ່ເກີດຈາກຄວາມກຽດຊັງ ແລະຄວາມຮຸນແຮງຕໍ່ພວກອົບພະຍົບຈາກເອເຊຍກາງ ທີ່ເພີ້ມສູງຂຶ້ນ ນັບຕັ້ງແຕ່ການໂຈມຕີດັ່ງກ່າວ, ເຊິ່ງໄດ້ເຮັດໃຫ້ເຈົ້າໜ້າທີ່ຣັດເຊຍ ຈັບຕົວຜູ້ຕ້ອງສົງໄສຫຼາຍກວ່າ 10 ຄົນ, ໂດຍສ່ວນໃຫຍ່ແລ້ວ ພວກເຂົາມີຄວາມກ່ຽວຂ້ອງກັບພາກພື້ນນີ້.
ຄວາມຮັບຜິດຊອບຕໍ່ການໂຈມຕີດັ່ງກາວ ໄດ້ຖືກອ້າງເອົາໂດຍ ກຸ່ມລັດອິສລາມຂອງແຂວງໂຄຣາຊານ ເຊິ່ງເປັນສາຂາຂອງກຸ່ມກໍ່ການຮ້າຍລັດອິສລາມ ທີ່ມີການເຄື່ອນໄຫວຢູ່ໃນພາກພື້ນເອເຊຍໃຕ້, ໂດຍສະເພາະແມ່ນໃນອັຟການີສຖານ, ແລະຮວມທັງພວກສະມາຊິກຂອງເອເຊຍກາງ.
ຟໍຣັມສະແດງຄວາມຄິດເຫັນ