ລິ້ງ ສຳຫລັບເຂົ້າຫາ

logo-print

ຫົວໜ້າສູນ CDC ຍັງເຊື່ອໝັ້ນວ່າ ຈະສາມາດ ຢຸດການລະບາດຂອງ ອີໂບລາໄດ້ (ວີດີໂອ ພາສາລາວ)


ເບິ່ງວີດີໂອ ກ່ຽວກັບລາຍງານນີ້.

ຫລາຍ​ພັນ​ກິ​ໂລ​ແມັດ ​ໄກ​ຈາກ​ພວກປະຊາ​ຄົມ​ທີ່​ຖືກ​ກະທົບ​ໜັກທີ່
​ສຸດ ​ໂດຍ​ເຊື້ອ​ອີ​ໂບລາ​ນັ້ນ ບັນດານັກວິທະຍາ​ສາດຢູ່​ໃນ​ສະຫະລັດ
ກຳລັງ​ຂຸ້ນຂ້ຽວ​ທຳ​ງານ​ ​ເພື່ອ​ຫາ​ທາງ​ຍັບ​ຍັ້ງ​ການລະບາດ ບໍ່​ໃຫ້​ແຜ່​
ລາມ​ອອກ​ໄປ​ໃນ​ວົງ​ກວ້າງ​ຂຶ້ນ. ຜູ້​ສື່​ຂ່າວ​ວີ​ໂອ​ເອ Carol Pearson
ມີ​ລາຍ​ງານ​ກ່ຽວ​ກັບ​ເລື້ອງ​ນີ້ ຈາກ​ສຳນັກງານ​ໃຫຍ່​ຂອງ ສູນ​ກາງ
​ຄວບ​ຄຸມ​ແລະ​ປ້ອງ​ກັນ​ພະຍາດຂອງ​ສະຫະລັດ ທີ່​ນະຄອນ Atlanta
ລັດ Georgia ຊຶ່ງ​ດາຣາຈະ​ນຳ​ມາສະ​ເໜີ​ທ່ານ.

ເບິ່ງວີດີໂອ ພາສາລາວ:

ຢູ່​ທີ່ສູນ​ປະຕິບັດ​ການ​ສຸກ​ເສີນ ຂອງ​ສູນ​ກາງ​ຄອບ​ຄຸມ​ແລະ​ປ້ອງ​ກັນ​ພະຍາດຂອງ​ສະຫະລັດ ຫລື the Centers for Disease Control and Prevention ​ເອີ້ນ​ຫຍໍ້​ວ່າ CDC ນັ້ນ ພວກ​ພະ​ນັກງານ​ ພາກັນ​ຕິດຕາມ​ເບິ່ງ ໄພ​ຂົ່ມຂູ່​ດ້ານ​ສາ​ທາ​ລະນະ​ສຸກ​ຢູ່​ໃນ​ທົ່ວ​ໂລກ. ປີ​ນີ້ ພວກ​ເຂົາ​ເຈົ້າ​ໄດ້​ຕິດຕາມ​ເບິ່ງ​ເຊື້ອ​ໄວ​ຣັສ ອີ​ໂບລາ ນັບ​ແຕ່​ເດືອນ​ມີນາ​ ມາ​ແລ້ວ.

​ໃນ​ເດືອນ​ກັນຍາ ສູນ​ກາງ CDC ​ໄດ້​ອອກ​ການ​ຄາດ​ດະ​ເນ ທີ່​ພາ​ໃຫ້ຕົກໃຈ ​ໂດຍກ່າວ​ວ່າ ອາດ​ສາມາດ​ມີ​ຜູ້​ຄົນ​ຫລາຍ​ກ່ວາ ນຶ່ງ​ລ້ານຄົນຕິດ​ເຊື້ອ​ໄວຣັສອີ​ໂບລາ ພາຍ​ໃນ​ເດືອນ​ມັງ
ກອນ​ປີໜ້າ ຖ້າ​ຫາກ​ບໍ່​ມີ​ການເອົາ​ບາດກ້າວ​ໂດຍ​ທັນທີ ​ເພື່ອ​ຍຸດຕິການ​ແຜ່​ລະບາດ​ຂອງມັນ.

ພວກ​ນັກ​ຊ່ຽວຊານ​ຢູ່​ສູນ​ປະຕິບັດ​ການ​ສຸກ​ເສີນ ຂອງ CDC ທີ່​ນະຄອນAtlanta ສະໜອງ
​ຂໍ້​ມູນ​ທີ່​ສຳຄັນ ​ໃຫ້​ພວກ​ທີ່ຢູ່​ໃນ​ສະໜາມ ຊຶ່ງ​ໂຮມ​ທັງອົງການ​ອະນາ​ໄມ​ໂລກ​ WHO ແລະ​ບັນດາ​ລັດຖະບານ​ໃນ​ປະ​ເທດ

Liberia, Sierra Leone ​ແລະ Guinea ຊຶ່ງ​ທັງ​ສາມ​ປະ​ເທດ​ເປັນ​ຈຸດ​ໃຈກາງ​ຂອງ​ການ
ລະບາດ​ ຂອງ​ອີ​ໂບລາ​ນັ້ນ.

Dr. Thomas Frieden ຫົວໜ້າ CDC ​ໄດ້​ໄປເບິ່ງຈຸດ​ໃຈກາງບ່ອນ​ລະບາດຂອງ​ອີ​ໂບລາ ​ໃນ​ທ້າຍ​ລະດູ​ຮ້ອນຜ່ານ​ມາ.

Dr. Frieden ກ່າວ​ວ່າ “ສູນ​ກາງ CDC ​ແມ່ນ​ໄດ້​ໄປ​ຢູ່​ໃນ​ພື້ນ​ທີ່ ​ເພື່ອ​ຮັບ​ມື​ກັບ​ການລະບາດ​ຂອງ​ອີ​ໂບລາ ​ໃນ​ທຸກໆແຫ່ງ. ​ແລະ​ຂ້າພະ​ເຈົ້າ​ເອງ ກໍ​ໄດ້​ໃຫ້​
ຄວາມ​ໝັ້ນ​ໃຈ​ແກ່ ​ແຕ່ລະ​ປະ​ເທດ​ເຫລົ່າ​ນັ້ນ​ວ່າ ພວກ​ເຮົາ​ຈະ​ຢູ່​ຄຽງ​ຂ້າງ
​ພວກ​ເຂົາ​ເຈົ້າ ຈົນ​ກ່ວາ​ມັນ​ຈະ​ຍຸດຕິ​ລົງ.”


ຢູ່​ໃນ​ພວກ​ປະ​ເທດ​ທີ່​ຖືກ​ອີ​ໂບລາ​ຄຸກ​ຄາມ​ນັ້ນ ປ້າຍ​ໂຄສະນາ​ໃຫຍ່ໆ​ທີ່​ຕິດ​ຕັ້ງ​ໄວ້ຢູ່​ທົ່ວໄປ ປະກາດ​ວ່າ ອີ​ໂບລາ​ມີ​ແທ້. ບັນດາ​ນັກ​ຊ່ຽວຊານ​ດ້ານ​ການ​ສື່ສານ​ຂອງ CDC ຊ່ວຍ​ປະ​ເທດເຫລົ່າ​ນັ້ນ ສິດສອນ​ປະຊາຊົນຂ​ອງເຂົາ​ເຈົ້າ ກ່ຽວ​ກັບ​ວິທີ​ໃຊ້​ຊີວິດ​ປະຈຳ​ວັນ​ຢູ່​ຢ່າງປອດ​ໄພ ​
ແລະ​ຄວນ​ຈະ​ເຮັດ​ແນວ​ໃດ ຖ້າ​ຫາກໃຜ​ຜູ້​ນຶ່ງ​ຄີງ​ຮ້ອນ​ເປັນ​ໄຂ້ ຊຶ່ງ​ເປັນ​ຮ່ອງຮອຍຫລືອາການ
​ເຕືອນ​ອັນ​ທຳ​ອິດ ຂອງ​ເຊື້ອ​ອີ​ໂບລາ.

ສູນ CDC ບໍ່​ສົ່ງ​ນາຍ​ແພດ ​ໄປ​ຊ່ວຍດູ​ແລ​ຮັກສາພວກ​ຄົນ​ປ່ວຍ ​ແຕ່​ ເຝິກອົບ​ຮົມພວກພະນັກ
ງານຮັກສາ​ສຸຂະພາບ ກ່ຽວ​ກັບ​ວິທີ​ການ​ດູ​ແລ​ຄົນ​ປ່ວຍ​ຢ່າງ​ປອດ​ໄພ.

Dr. Frieden ກ່າວ​ວ່າ “ສູນ CDC ກຳລັງ​ເຮັດ​ວຽກ ຢູ່​ໃນ​ທຸກໆ​ດ້ານ ຂອງ​ການ
​ຕອບ​ຮັບ​ກັບ​ອິ​ໂບລາ ​ໃນ​ທຸກໆ​ປະ​ເທດ​ທີ່​ມັນລະບາດ. ເຮົາ​ຊ່ວຍ​ພວກຄົນ​ປ່ວຍ ​
ໃຫ້​ໄດ້​ຮັບ​ການກວດ​ຢ່າງ​ຖືກຕ້ອງ. ​ເຮົາ​ຊ່ວຍ​ຕິດ ຕາມ​ເບິ່ງ​ການລະບາດ. ​ເຮົາ
ຊ່ວຍ​ພວກ​ປະ​ເທດ​ເຫລົ່າ​ນັ້ນ ປັບປຸງ​ວິທີ ທີ່​ເຂົາ​ເຈົ້າ​ຮັບ​ມື​ກັບ​ມັນ ​ແລະ​ພວກ​
ເຮົາ​ຊ່ວຍ​ຄິດ​ພິຈາລະນາ​ວ່າ ມີ​ສິ່ງ​
ໃດ​ແດ່ທີ່​ສາມາດ​ເຮັດໄດ້ ​ເພື່ອ​ໃຫ້​ກ້າວ​ໄປ
ຂ້າງ​ໜ້າ​ມັນ.”


​ເຖິງ​ແມ່ນ​ວ່າການ​ໄດ້​ຮັບ​ການປິ່ນປົວ​ແຕ່​ຫົວທີ ຈະ​ຊ່ວຍ​ເພີ້​ມທະວີ​ອັດຕາການ​ລອດ​ຊີວິດ
ໄດ້ຢ່າງ​ຫລວງຫລາຍ​ກໍ​ຕາມ ​ແຕ່​ມັນ​ກໍ​ບໍ່​ມີ​ສູນປິ່ນປົວຢ່າງ​ພຽງພໍ ​ແລະ​ຫລາຍໆ​ຄົນ​ໄດ້​ຖືກ
ປະຕິ​ເສດ ​ຖືກ​ປ່ອຍໃຫ້​ລໍຖ້າ ຫລື​ປ່ອຍ​ໃຫ້​ຕາຍ​ຢູ່​ທາງ​ນອກ. Dr. Thomas Frieden
ຫົວໜ້າ​ສູນ​ຄວບ​ຄຸມ​ແລະ​ປ້ອງ​ກັນ​ພະຍາດຂອງ​ສະຫະລັດ ກ່າວ​ວ່າ ການ​ກໍ່ສ້າງ​ສູນ​ປິ່ນປົວ
ໃຫ້​ມີ​ຫລາຍ​ຂຶ້ນ​ຕື່ມ ​ແລະ​ຮັບ​ເອົາ​ຄົນ​ປ່ວຍ​ເຂົ້າ​ໄປ​ຮັກສາ ​ແມ່ນ​ລູກ​ກະ​ແຈ​ໄປ​ສູ່​ການ​ຢຸດ​ຢັ້ງ
ອີ​ໂບລາ.

Dr. Frieden ​ເວົ້າ​ວ່າ “​ເວລາ​ແມ່ນ​ສຳຄັນ​ທີ່​ສຸດ. ການເອົາ​ບາດ​ກ້າວ​ໃດໆ ທີ່​
ວ່າ​ດີ​ສົມຄວນ​ໃນ​ມື້​ນີ້ ​ແມ່ນ​ຈະ​ດີ​ຫລາຍ​ກ່ວາ ລໍຖ້າ​ການ​ເອົາ​ບາດກ້າວທີ່​ດີ​
ກ່ວາ​ຫລາຍ​ ໃນອາທິດ​ນຶ່ງ​ນັບ​ຈາກ​ມື້​ນີ້. ມັນ​ຮີບ​ດ່ວນ​ປາ​ນ ນັ້ນ​ພຸ້ນ​ແຫລະ.”


​ເວລາ​ນີ້ ກອງທະຫານ​ທີ່ສະຫະລັດສົ່ງ​ໄປ​ຊ່ວຍ ກຳລັງ​ພາກັນ​ກໍ່ສ້າງ ສູນປິ່ນ​ປົວ​ໃໝ່​ຫລາຍໆ​ແຫ່ງ ຢູ່ໃນ​ພວກ​ປະ​ເທດ​ທີ່​ຖືກ​ອີ​ໂບລາຄຸກ​ຄາມ. ຄາດ​ວ່າ ທະຫານ​ສະຫະລັດ
​ຈະ​ເດີນທາງ​ໄປ​ຮອດ​ອາ​ຟຣິກາ​ຕາ​ເວັນຕົກ ຕື່ມ​ອີກ ພາຍ​ໃນ​ທ້າ​ຍ​ເດືອນ​ຕຸລາ​ນີ້.

Dr. Frieden ກ່າວ​ວ່າ ທ່ານ​ຍັງ​ເຊື່ອໝັ້ນ​ຢູ່​ວ່າ ຈະ​ສາມາດ​ຢຸດ​ການລະບາດ​ຂອງ​ອີ​ໂບລາ​ໄດ້ ແຕ່ໃນ​ຂະນະ​ດຽວ​ກັນ ທ່ານກໍ​ກ່າວ​ວ່າ ສະຖານະ​ການ​ແມ່ນ​ຈະ​ຮ້າຍ​ແຮງ​ໜັກ​ລົງ​ໄປ​ອີກ ກ່ອນ​ທີ່​ມັນ​ຈະ​ດີ​ຂຶ້ນ.

Thousands of kilometers from the communities hit hardest by Ebola, scientists in the United States are working to stop the outbreak. VOA's Carol Pearson reports from the headquarters of the Centers for Disease Control and Prevention in Atlanta, Georgia.

This is the Emergency Operations Center at the Centers for Disease Control and Prevention - the CDC. It's here that workers track public health threats around the world. Since March, they have been tracking Ebola.
In September, the CDC issued a stunning projection: that more than a million people could get the virus by January if immediate action isn't taken to end the epidemic.
The experts at the Emergency Operations Center in Atlanta provides critical information to those in the field, including the World Health Organization and governments in Liberia, Sierra Leone and Guinea, the heart of the Ebola epidemic.
Dr. Thomas Frieden, the head of the CDC, visited Ebola's epicenter in late summer.
"CDC has been on the ground for every Ebola response. And I personally, assured each of the countries that we would be there with them until it was over."
In the Ebola-affected countries, billboards proclaim that the virus is real. CDC communications specialists help countries teach people how to stay safe and what to do if someone has a fever, the first warning sign of Ebola virus.
The CDC doesn't send doctors to care for the patients. Instead, it trains health care workers to do it safely.
"CDC is working in every aspect of the response in every country where the epidemic is present. We're helping patients get tested accurately. We're helping track the epidemic. We're helping countries improve the way they're responding to it. And we're helping to figure out what we can do to get ahead of it."
While early care dramatically increases survival rates, there aren't enough treatment centers, and many people are turned away, left to wait or die outside. Dr. Frieden says building more treatment centers and getting people into them is the key to stopping the epidemic.
"Time is absolutely of the essence. An action that is pretty good today is way better than an action that is great a week from today. It's that urgent."
U.S. troops are building new treatment facilitlies. More troops are expected to arrive in Africa in late October.
Dr. Frieden says he is still confident that the Ebola epidemic can be stopped.
But he also says it's going to get worse before it gets better.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG