ນາຍົກລັດຖະມົນຕີ ອັງກິດ ທ່ານ David Cameron ກ່າວວ່າ ກຸ່ມທາລິບານບໍ່ຄວນຈະມີ
ຄວາມສົງໄສໃດໆເລີຍ ທີ່ກໍາລັງທະຫານນາໆຊາດຈະມອບໂອນຄວາມຮັບຜິດຊອບກ່ຽວ
ກັບການຮັກສາຄວາມປອດໄພ ໃຫ້ແກ່ທະຫານອັຟການິສຖານ ທີ່ມີຄວາມສາມາດເອົາຊະ
ນະພວກກະບົດໄດ້ນັ້ນ.
ທ່ານ Cameron ກ່າວໃນກອງປະຊຸມຖະແຫຼງຂ່າວຮ່ວມກັບປະທານາທິບໍດີອັຟ ການິສຖານ
ທ່ານ Hamid Kazai ທີ່ກຸງກາບູລ ໃນວັນພະຫັດມື້ນີ້ວ່າ ບັນດາ ປະເທດພາຄີໃນໂລກ ໄດ້
ມີຄວາມໝາຍໝັ້ນ ທີ່ຈະປົກປ້ອງອັຟການິສຖານ ດົນໄປກວ່າການຖອນກໍາລັງສູ້ລົບຂອງຕ່າງ
ປະເທດອອກໄປ ໃນປີ 2014.
ທ່ານ Cameron ກ່າວວ່າ ອັຟການິສຖານຈະປະສົບກັບຄວາມກ້າວໜ້າຕື່ມຖ້າການກໍ່ກະບົດ
ຫາກຍຸຕິລົງ ໂດຍຜ່ານການເຈລະຈາທາງດ້ານການເມືອງແລະການຮ່ວມມືກັນ ລະຫວ່າງ
ອັຟການິສຖານແລະປາກິສຖານ ແຕ່ການປ່ຽນແປງດັ່ງກ່າວບໍ່ໄດ້ກາງຕໍ່ອົງປະກອບເຫຼົ່ານີ້.
ທ່ານ Kazai ກ່າວວ່າ ຂັ້ນຕອນການສ້າງສັນຕິພາບ ແມ່ນບູລິມະສິດສຳຄັນສຸດສຳຫຼັບປະເທດ
ຂອງທ່ານ.
ພວກຜູ້ນໍາທັງສອງຍັງໄດ້ສົນທະນາຫາລືກັນໃນວັນພະຫັດມື້ນີ້ ກັບນາຍົກລັດ ຖະມົນຕີ
ປາກິສຖານ ທ່ານ Raja Pervez Ashraf.
ອັງກິດ ມີກໍາລັງທະຫານປະມານ 9,500 ຄົນປະຈໍາການຢູ່ໃນອັຟການິສຖານ.