ລິ້ງ ສຳຫລັບເຂົ້າຫາ

ວັນເສົາ, ໑໕ ກຸມພາ ໒໐໒໕

ນັກການເມືອງກໍປູເຈຍ ຖືກປັບໄໝ 1.5 ລ້ານໂດລາ ໃນຂໍ້ຫາທໍາການວິຈານລະບອບປະຊາທິປະໄຕຂອງປະເທດ


ທ່ານ ທີບ ວານນົນ, ປະທານພັກແຄນໂດລໄລທ໌, ກ່າວປາໄສຢູ່ທີ່ກອງປະຊຸມສະພາພິເສດຂອງພັກ ໃນແຂວງ ຊຽມ ຣຽບ, ວັນທີ 11 ກຸມພາ 2023.
ທ່ານ ທີບ ວານນົນ, ປະທານພັກແຄນໂດລໄລທ໌, ກ່າວປາໄສຢູ່ທີ່ກອງປະຊຸມສະພາພິເສດຂອງພັກ ໃນແຂວງ ຊຽມ ຣຽບ, ວັນທີ 11 ກຸມພາ 2023.

ສານ​ກຳປູ​ເຈຍ​ໄດ້​ຕັດສິນ​ວ່າ ​ນັກ​ການ​ເມືອງ​ຝ່າຍ​ຄ້ານ ທ່ານ ທີບ ວານນົນ (Teav Vannol) ມີ​ຄວາມ​ຜິດ​ໃນ​ຂໍ້​ຫາ​ໝິ່ນປະໝາດ​ ແລະໄດ້​ປັບ​ໃໝ​ຄ່າ​ເສຍ​ຫາຍເປັນຈໍານວນເງິນ 1.5 ລ້ານ​ໂດ​ລາ ສໍາລັບການສະແດງຄວາມຄິດເຫັນຂອງທ່ານ​ຕໍ່​ສື່​ມວນ​ຊົນ​ຕ່າງປະ​ເທດ​ ກ່ຽວ​ກັບ​ສະຖານະ​ການ​ປະຊາທິປະ​ໄຕ​ຂອງ​ປະ​ເທດ.

ໃນ​ການ​ໃຫ້​ສໍາ​ພາດ​ກັບອົງການຂ່າວ ນິກເຄອິ (Nikkei) ລະຫວ່າງເດືອນ​ກຸມພາ​ທີ່ຜ່ານມາ, ທ່ານ ວານນົນ ເຊິ່ງເປັນປະ​ທານ​ຂອງ​ພັກ ແຄນໂດລໄລທ໌ (Candlelight) ກ່າວ​ວ່າ ​ປະ​ຊາ​ທິ​ປະ​ໄຕ​ໃນ​ປະ​ເທດ​ເອເຊຍຕາ​ເວັນ​ອອກ​ສ່ຽງ​ໃຕ້ແຫ່ງນີ້ຊຸດ​ໂຊມ​ລົງ​ພາຍ​ໃຕ້​ການ​ບໍ​ລິ​ຫານງານ​ຂອງ ​ທ່ານ ຮຸນ ມາເນດ ເຊິ່ງທ່ານ​ເປັນ​ລູກ​ຊາຍ​ຂອງ ​ທ່ານ ຮຸນ ເຊັນ ຜູ້ທີ່ເປັນຜູ້​ນຳ​ຂອງປະ​ເທດ​ມາ​ດົນ​ນານ ​ແລະ​ໄດ້ເຂົ້າມາກໍາອໍານາດໃນ​ປີ​ແລ້ວ​ນີ້.

ພັກ ແຄນໂດລໄລທ໌ ຖືກຫ້າມບໍ່ໃຫ້ເຂົ້າຮ່ວມໃນການເລືອກຕັ້ງທົ່ວໄປໃນປີແລ້ວນີ້, ເຊິ່ງເປັນພັກທີ່ໄດ້ຮັບໄຊຊະນະຢ່າງຖ້ວມລົ້ນຕໍ່ພັກປະຊາຊົນກໍາປູເຈຍຂອງ ທ່ານ ຮຸນ ມາເນດ.

ໃນວັນພະຫັດມື້ນີ້ ສານໃນນະຄອນຫຼວງພະນົມເປັນພົບເຫັນວ່າ ທ່ານ ວານນົນ ມີຄວາມຜິດໃນຂໍ້ຫາລະເມີດມາດຕາ 305 ໃນຂໍ້ຫາໝິ່ນປະໝາດ ແລະໄດ້ສັ່ງໃຫ້ທ່ານຈ່າຍຄ່າເສຍຫາຍເປັນເງິນຈໍານວນ 6 ຕື້ຮຽລ ຫຼືປະມານ 1.5 ລ້ານໂດລາ, ອີງຕາມການກ່າວຕໍ່ອົງການຂ່າວ Reuters ຂອງກຸ່ມປົກປ້ອງສິດທິມະນຸດ LICADHO ແລະອົງການກວດກາສິດທິອິດສະຫຼະ, ເຊິ່ງທັງສອງມີຕົວແທນເຂົ້າຮ່ວມຟັງການດໍາເນີນຄະດີຢູ່ໃນສານ.

ໂຄສົກຂອງສານ ແລະລັດຖະບານຍັງບໍ່ສາມາດຕິດຕໍ່ໄດ້ໃນທັນທີ. ປັດຈຸບັນ, ທ່ານ ວັນນົນ ອາໄສຢູ່ນອກປະເທດ, ແລະທະນາຍຄວາມຂອງທ່ານ ກໍບໍ່ໄດ້ຮັບໂທລະສັບຈາກ Reuters.

ລັດຖະບານກໍາປູເຈຍທີ່ສືບທອດຕໍາແໜ່ງກັນມາເລື້ອຍໆ ໄດ້ອອກມາປະຕິເສດການປາບປາມຝ່າຍຄ້ານ ແລະໄດ້ກ່າວວ່າ ນັກການເມືອງ ແລະນັກເຄື່ອນໄຫວທັງຫຼາຍ ຈະຖືກດໍາເນີນຄະດີ ຖ້າພົບວ່າພວກເຂົາເຈົ້າກະທຳຜິດເທົ່ານັ້ນ.

ຄວາມ​ກັງ​ວົນ​ກ່ຽວ​ກັບ​ສິດ​ເສລີ​ທາງ​ດ້ານ​ການ​ເມືອງ​ຢູ່​ກຳ​ປູ​ເຈຍ ຍັງຄົງມີຢູ່ຢ່າງ​ເລິກ​ເຊິ່ງ. ບັນດານັກວິ​ເຄາະ​ກ່າວ​ວ່າ ການ​ປົກຄອງ​ຂອງ ​ທ່ານ ຮຸນ ເຊັນ ​ໄດ້​ຖືກ​ກໍານົດ​ໄວ້​ໂດຍ​ການ​ປາບ​ປາມ​ຝ່າຍ​ຄ້ານ, ການ​ປິດ​ສື່​ມວນ​ຊົນ​ອິດສະຫຼະ ແລະ​ການ​ຈັບບັນດາ​ນັກ​ເຄື່ອນ​ໄຫວເຂົ້າຄຸກ.

ອ່ານຂ່າວດ້ານລຸ່ມນີ້ເປັນພາສາລອັງກິດ

PHNOM PENH, July 25 (Reuters) - A Cambodian court has found opposition politician Teav Vannol guilty of defamation and fined him $1.5 million in damages for comments he made to a foreign media outlet about the state of the country's democracy, rights monitors said.

In an interview with the Nikkei this February, Vannol, the president of the Candlelight Party, said democracy in the Southeast Asian nation had worsened under the administration of Hun Manet. He is the son of the country's long-time leader Hun Sen and assumed power last year.

The Candlelight Party was barred from participating in last year's general election that saw a landslide win for Hun's ruling Cambodian People's Party.

The court in Phnom Penh on Thursday found Vannol guilty of violating article 305 on defamation and ordered him to pay 6 billion riel (about $1.5 million) in damages, rights group LICADHO, and an independent rights monitor, told Reuters. Both had representatives in the court.

A spokesperson for the court and government could not immediately be reached. Vannol is currently out of the country, and his lawyer did not answer calls from Reuters.

Successive Cambodian governments have repeatedly denied cracking down on opponents and say politicians and activists are only prosecuted if they have committed offences.

Concerns about political freedom in Cambodia have continued to deepen. Analysts say Hun Sen's rule was marked by the suppression of the opposition, shuttering of independent media and the jailing of activists.

ຟໍຣັມສະແດງຄວາມຄິດເຫັນ

XS
SM
MD
LG