ລິ້ງ ສຳຫລັບເຂົ້າຫາ

logo-print

ບໍລິສັດເສື້ອຜ້າ ຈະຂຶ້ນຄ່າແຮງ ແກ່ພວກຄົນງານຕັດຫຍິບ ໃນກໍາປູເຈຍ


ໂຮງງານຕັດຫຍິບແຫ່ງນຶ່ງ ໃນກໍາປູເຈຍ
​ເມື່ອ​ບໍ່​ດົນ​ມາ​ນີ້ ບໍ​ລິ​ສັດເສື້ອ​ຜ້າ​ຍັກ​ໃຫຍ່ H&M ຂອງ​ສະ​ວີ​ເດັນ
ໄດ້ປະກາດ ໂຄງການ​ນຶ່ງ ​ເພື່ອ​ຂຶ້ນ​ເງິນ​ເດືອນ​ ໃຫ້​ແກ່​ພວກ​ຄົນ​
ງານ​ຕັດຫຍິບ​ເສື້ອຜ້າ ​ໃນ​ບັນດາ​ໂຮງງານ​ຮັບ​ເໝົາ​ຜະລິດ​ເສື້ອ​
ຜ້າໃຫ້​ຕົນ​ຢູ່ໃນ​ທົ່ວ​ໂລກ​ ​ໂຮ​ມທັງ​ຢູ່​ໃນ​ກໍາປູເຈຍ ບ່ອນ​ທີ່​ບໍລິສັດ
H&M ​ເປັນ​ຜູ້​ຮັບ​ຊື້​ລະດັບນໍາໜ້ານັ້ນ. ຄໍາປະກາດ ​ຂອງ​ບໍລິສັດ
H&M ມີ​ຂຶ້ນ ​ໃນ​ຕອນທ້າຍ​ຂອງປີທີ່​ປັ່ນ​ປ່ວນ​ສໍາລັບ​ວົງ​ການ​ຕັດ
ຫຍິບ​ເສື້ອ​ຜ້າ​ ຢູ່ໃນ​ກໍາປູ​ເຈຍ ​ແລະ​ແຫ່ງ​ອື່ນ​ໆ. ຜູ້​ສື່​ຂ່າວ​ວີ​ໂອ​ເອ
Robert Carmichael ມີ​ລາຍ​ງານ​ກ່ຽວ​ກັບ​ເລື້ອງ​ນີ້ ຊຶ່ງ​ທອງ​
ປານ ຈະ​ນໍາມາສະ​ເໜີ​ທ່ານ​ໃນອັນ​ດັບ​ຕໍ່​ໄປ


ໃນ​ອີກ​ບໍ່​ເທົ່າ​ໃດ​ອາທິດ​ຕໍ່ໜ້າ​ນີ້​ ລັດຖະບານ​ກໍາປູ​ເຈຍ ຈະປະ
ກາດ​ການຂຶ້ນ​ເງິນ​ເດືອນອັດຕາຕໍ່າ​ສຸດ ຈາກ 75 ​ໂດ​ລ່າຕໍ່​ເດືອນ
​ໃນປັດ​ຈຸ​ບັນ ສໍາລັບ​ພວກ​ຄົນ​ງານ​ຕັດຫຍິບ ​ຊຶ່ງຈະ​ຂຶ້ນ​ເປັນ​ຈໍານວນ​ເທົ່າໃດ​ນັ້ນ ຍັງ​ບໍ່​ຮູ້ເທື່ອ​
ໃນ​ເວລາ​ນີ້ ​ແຕ່​ທາງ​ການ​ກໍາປູ​ເຈຍ​ ແມ່ນກໍາລັງ​ຖືກ​ກົດ​ດັນຢ່າງ​ໜັກ​ໃຫ້ປັບປຸງ​ຄ່າ​ແຮງງານ​
​ແລະ​ສະພາບການ​ທໍາ​ງານ​ໃຫ້​ດີ​ຂຶ້ນ ຢູ່​ໃນ​ພາກສ່ວນ​ອຸດສາຫະກໍາ​ທີ່​ສໍາຄັນ​ທີ່​ສຸດ​ຂອງ​ປະ​ເທດ​ນັ້ນ.

ຄວາມ​ກົດ​ດັນ​ສ່ວນ​ນຶ່ງ ແມ່ນ​ທາງ​ການ​ເມືອງ. ຄືພັກ​ຝ່າຍ​ຄ້ານ​ໄດ້​ຮັບ​ຄະ​ແນນເກີນ​ຄາດ
ໝາຍ ​ໃນ​ການ​ເລືອກ​ຕັ້ງ​ເມື່ອ​ເດືອນ​ກໍລະກົດ​ຜ່ານ​ມາ​ນັ້ນ ສ່ວນ​ນຶ່ງແມ່ນເປັນ​ຍ້ອນ​ພັກ​
ຝ່າຍ​ຄ້ານ​ໄດ້​ໃຫ້​ຄໍາ​ໝັ້ນ​ສັນ​ຍາ​ວ່າ​ ຈະ​ປັບ​ຄ່າ​ແຮງງານ​ຕໍ່າ​ສຸດ​ປະ​ຈໍາ​ເດືອນ​ ຂຶ້ນ​ເປັນ​ສອງ​
ເທົ່າ ຊຶ່ງ​ຄໍາ​ສັນຍາ​ດັ່ງກ່າວ​ໄດ້ໂນ້ມນ້າວ​ຈິດ​ໃຈ​ຂອງຫຼາຍໆ​ຄົນ ​ໃນພວກ​ຄົນ​ງານ​ຕັດຫຍິບ
ສີ່​ແສນ​ຄົນ​ຂອງ​ກໍາປູ​ເຈຍ ສ່ວນ​ຫຼາຍເປັນພວກ​ຍິງ​ໜຸ່ມ​ທີ່​ຫາ​ເງິນ​ລ້ຽງ​ດູ​ຄອບຄົວ​ຢູ່​ໃນເຂດ
ຊົນນະບົດ​ທີ່​ຍາກຈົນຂອງ​ປະ​ເທດ.
ພາບໂຮງງານຕັດຫຍິບແຫ່ງນຶ່ງ ພັງໃນກໍາປູເຈຍ, ວັນທີ 16 ພຶດສະພາ 2013. ມີຄົນຕາຍ 2 ຄົນ ແລະບາດເຈັບ 7 ຄົນ.
ພາບໂຮງງານຕັດຫຍິບແຫ່ງນຶ່ງ ພັງໃນກໍາປູເຈຍ, ວັນທີ 16 ພຶດສະພາ 2013. ມີຄົນຕາຍ 2 ຄົນ ແລະບາດເຈັບ 7 ຄົນ.

​ແຕ່​ຂະນະ​ດຽວ​ກັບ ກໍ​ມີ​ປັດ​ໃຈ​ອື່ນໆ​ອີກແຊກ​ຢູ່ນໍາ. ຄື​ປີ​ນີ້ປ​ະກົດ
​ວ່າ ເປັນ​ປີ​ທີ່ມີ​ຄວາມ​ປັ່ນ​ປ່ວນ​ທີ່​ສຸດ​ຢູ່​ໃນ​ວົງ​ການ​ເສື້ອ​ຜ້າ​ຂອງ
​ກໍາປູ​ເຈຍທີ່​ໄດ້​ເຫັນການ​ນັດຢຸດ​ງານ​ຫລາຍໆ​ຄັ້ງ ​ແລະ​ບາງ​ຄັ້ງ
​ກໍ​ມີ​ການ​ປະທ້ວງ​ຂັ້ນ​ຮຸນ​ແຮງ​ກ່ຽວ​ກັບ​ຄ່າ​ແຮງ​ງານ ທີ່​ໃນ​ມູນ​ຄ່າ​
ໂຕ​ຈິງ​ແລ້ວ ​ແມ່ນ​ບໍ່​ໄດ້​ມີ​ການ​ເພິ່ມຂຶ້ນ​ເລີຍ ​ໃນ​ໄລຍະ​ຫຼັງໆ​ນີ້.

​ເມື່ອ​ເດືອນ​ຕຸລາ​ຜ່ານ​ມາ ທ່ານ Karl-Johan Persson ຫົວໜ້າ
​ບໍລິຫານ ຫຼື​ຊີ​ອີ​ໂອ​ຂອງ​ບໍ​ລິ​ສັດ H&M ​ໄດ້​ປຶກສາ​ຫາລື​ກັບ​ນາຍົກ
ລັດຖະມົນຕີຮຸນເຊ​ນ ຢູ່ກໍາປູ​ເຈຍ ​ແລະ​ກໍ​ໄດ້​ພົບ​ປະ​ກັບ​ສະຫະພັນ
​ກໍາ​ມະ​ບານ​ທ້ອງ​ຖິ່ນ. ບໍ່​ດົນຫຼັງ​ຈາກ​ການ​ຢ້ຽມຢາມ​ ບໍລິສັດ H&M
ກໍ​ໄດ້​ເປີດ​ເຜີຍ​ແຜນການ​ຫ້າ​ປີ ຊຶ່ງ​ເປົ້າ​ໝາຍ​ສ່ວນນຶ່ງ​ ​ກໍ​ແມ່ນ​ຕັ້ງ​ໃຈ​ທີ່​ຈະ​ຮັບປະກັນ​ຄ່າ​ແຮງ​ງານທີ່​ພຽງພໍ​ສໍາລັບ​ການ​ຄອງ​ຊີບ​ທີ່ຍຸຕິ​ທໍາ​ແກ່​ພວກ​ຄົນ​ງານ ​ແລະ​ພ້ອມກັນກໍ​ໃຫ້ມີ​ການ​ທົບທວນ​ກວດກາ​ຄ່າ​ແຮງ​ງານປະ​ຈໍາປີ​ຂອງພວກ​ຄົນ​ງານ​ອີກ​ດ້ວຍ.

​ແຜນການ​ດັ່ງກ່າວ​ ຈະມີການຈັດ​ຕັ້ງ​ປະຕິບັດ​ໃນ​ປີໜ້າ​ນີ້ ຢູ່​ໃນ​ໂຮງງານ​ແຫ່ງ​ນຶ່ງ​ໃນກໍາປູ​ເຈຍ ​ແລະ​ສອງ​ແຫ່ງ​ໃນ​ປະ​ເທດ​ບັງ​ກລາ​ແດັສ.

ທ່ານ​ນາງ Anna Gedda ຜູ້​ຈັດການ​ຝ່າ​ນຮັບຜິດຊອບຄວາມ​ຍືນ​ຍົງທາງ​ສັງຄົມ ຊີ້​ແຈງວ່າ ​
ໃນ​ຖານະ​ເປັນ​ຜູ້​ຮັບ​ຊື້ໃຫຍ່ລາຍ​ນຶ່ງ​ນັ້ນ ທາງ​ບໍລິສັດ H&M ​ແມ່ນ​ມີ​ຄວາມ​ສາມາດທີ່​ຈະກົດ​
ດັນ​ຜູ້​ຜະລິດ​ທັງຫຼາຍ​ໄດ້.

ທ່ານ​ນາງ ​ແອນ​ນາ ​ເວົ້າ​ວ່າ: “ພວກ​ເຮົາ​ເປັນ​ນຶ່ງ​ໃນບໍລິສັດ​ຍີ່​ຫໍ້​ລາຍ​ໃຫຍ່​ທີ່​ສຸດ​ຢູ່​ໃນ​
ວົງ​ການ​ອຸດສາຫະກໍາ​ນີ້ ​ແລະ​ແນ່ນອນ​ວ່າ ຄວາ​ມຮັບຜິດຊອບແມ່ນມາພ້ອມ​ກັບ
ຄວາມ​ໃຫຍ່​ດັ່ງ​ກ່າວນີ້​. ແລະ​ພວກ​ເຮົາ​ກໍຮູ້ສຶກ​ວ່າ ​ແທ້ໆ​ແລ້ວ ພວກ​ເຮົາຄວນ​
ຈະນໍາພາ​ໃນ​ບັນຫາ​ນີ້ ​ແລະເພາະສະ​ນັ້ນ ພວກ​ເຮົາ​ຈຶ່ງໄດ້​ພັດທະນາແຜນການ
ແບບ​ຄົບ​ຖ້ວນນີ້ ​ໄປ​ສູ່​ການ​ຊຸກຍູ້​ໃຫ້​ມີ​ຄ່າແຮງ​ງານທີ່​ຍຸຕິ​ທໍາ ຢູ່​ໃນ​ໂຮງ​ຈັກ​ໂຮງ
ງານ​ຂອງ​ພວກຜະລິດເສື້ອ​ຜ້າ​ ໃຫ້​ພວກ​ເຮົາ.”


ພາຍ​ໃຕ້​ແຜນ​ງານ​ດັ່ງກ່າວ ບໍລິສັດ H&M ຈະ​ຈ່າຍ​ເງິນ​ໃຫ້​ແກ່​ບໍລິສັດ​ຜູ້ຮັບ​ເໝົາ​ຜະລິດເສື້ອ​ຜ້າ​ໃຫ້​ຕົນ​ຢ່າງພຽງພໍ ​ເພື່ອ​ຮັບປະກັນ​ວ່າ​ ພວກ​ຄົນ​ງານ​ໄດ້​ຮັບ​ເງິນ​ຄ່າ​ແຮງງານ​ພຽງພໍ​ ກັບ​ຄວາມ​ຕ້ອງການ​ພື້ນຖານ​ຂອງ​ພວກເຂົາ​ເຈົ້າ. ນອກ​ນີ້​ ທາງ​ບໍລິສັດ​ຍັງ​ຈະ​ເອົາ​ຫຼາຍໆ​ບາດກ້າວ ​ເພື່ອ​ປັບປຸງ​ຄວາມສໍາພັນ​ດ້ານ​ອຸດສາຫະກໍາ ພ້ອມ​ກັບ​ສ້າງ​ຄວາມ​ເຂັ້ມ​ແຂງ​ໃຫ້​ແກ່​ສະຫະພັນກໍາມະບານ ​ແລະ​ປະຕິບັດ​ງານ​ກັບ​ລັດຖະບານ ​ເພື່ອ​ຊຸກຍູ້​ສົ່ງ​ເສີມ​ສິດທິ ຂອງ​ພວກ​ແຮງ​ງານ​ໃຫ້​ດີ​ຂຶ້ນ.

ພວກຄົນງານຕັດຫຍິບຂະເໝັນພາກັນຂີ່ລົດ ເມືອບ້ານ ຫລັງຈາກເລີກການ ຢູ່ບ້ານ Sala Lek Pram ແຂວງ Kampong Chhnang.
ພວກຄົນງານຕັດຫຍິບຂະເໝັນພາກັນຂີ່ລົດ ເມືອບ້ານ ຫລັງຈາກເລີກການ ຢູ່ບ້ານ Sala Lek Pram ແຂວງ Kampong Chhnang.

ຂໍ້​ຂັດ​ແຍ້​ງກັນ​ດ້ານ​ອຸດສາ​ຫະກໍາ ບໍ່​ແມ່ນ​ເລື່ອງ​ໃໝ່ຫຼື​ເລຶ່ອງ
​ແປກແຕ່ຢ່າງ​ໃດສໍາລັບວົງການອຸດສາຫະ​ກໍາຜະລິດ​ເສື້ອ​ຜ້າ
ຂອງ​ກໍາປູ​ເຈຍ​ທີ່​ໃນໄລຍະ 2 ປີຜ່ານ​ມານີ້ ​ໄດ້​ເຕີບ​ໃຫຍ່ຈາກ
ເກືອບ​ວ່າ​ບໍ່​ມີ​ຫຍັງ​ເລີຍຂຶ້ນມາເປັນທຸລະ​ກິດ ສົ່ງ​ອອກ ​ມູນ​ຄ່າ
ສີ່​ພັນ​ລ້ານ​ໂດ​ລ່າຕໍ່​ປີ. ມັນ​ເປັນເສົາ​ຫຼັກ​ຂອງ​ເສດຖະກິດກໍ​ວ່າ​
ໄດ້ ​ແລະ​ເປັນ​ຕົວນໍາ​ເອົາ​ເງິນຕາຕ່າງປະເທດ​ທີ່ສໍາຄັນມາ​ໃຫ້​
ກໍ​ປູ​ເຈຍ. ຜະລິດຕະພັນເສື້ອ​ຜ້າສ່ວນ​ໃຫຍ່​ຂອງ​ກໍາປູ​ເຈຍ ແມ່ນ​ສົ່ງ​ໄປ​ຍັງສະຫະລັດ ແລະ​
ສະຫະພາບ​ຢູ​ໂຣບ.

ເຖິງ​ແມ່ນ​ສະພາບ​ການ​ທໍາ​ງານ​ມີ​ຄວາມ​ລໍາບາກ​ຫຼາຍ​ຢູ່​ໃນ​ກໍາປູ​ເຈຍ​ກໍ​ຕາມ ​ແຕ່​ມັນ​ອາດ​
ຂີ້ ​ຮ້າຍໄປ​ກວ່າ​ນັ້ນ​ອີກ ຢູ່​ໃນປະ​ເທດຜະລິດ​ເສື້ອ​ຜ້າບາງ​ແຫ່ງ ຊຶ່ງ​ໄດ້​ເນ້ນ​ໜັກ​ໃຫ້​ເຫັນໃນ​ເດືອນ​ເມສາ​ຜ່ານ​ມາ ​ເວລາພວກ​ຄົນ​ງານ​ຫຼາຍ​ກວ່າ 1,100 ຄົນ ​ເສຍ​ຊີວິດ​ ​ເວລາຕຶກ Rana Plaza ທີ່​ມີ​ໂຮງງານ​ຕັດຫຍິບຂອງ​ບັງ​ກລາ​ແດັສ ຕັ້ງ​ຢູ່​ຫຼາຍໆ​ໂຮງງານ​ນັ້ນ ພັງ​ລົງ. ​ເຫດ​ຮ້າຍ​ຄັ້ງ​ນັ້ນ ​ໄດ້​ສ້າງ​ຄວາມ​ສົນໃຈ​ໄປ​ທົ່ວ​ໂລກ ​ແລະ​ກໍ​ໄດ້ເກ້​ຍກ່ອມ​ໃຫ້​ພວກເຈົ້າ
ຂອງ​ເສື້ອ​ຜ້າ​ບາງ​ຍີ່​ຫໍ້​ ​ແລ​ເຫັນ​ເຖິງຄວາມຈໍາເປັນ ທີ່​ຈະຕ້ອງທໍາ​ການປ່ຽນ​ແປງສະພາບ​ການ​ທໍ​າງານ​ ໃຫ້​ດີ​ແລະ​ປອດ​ໄພ​ຂຶ້ນ.

ພາບຕຶກ Rana Plaza ທີ່​ຕັ້ງຂອງ​ໂຮງງານ​ຕັດຫຍິບ ຂອງ​ບັງ​ກລາ​ແດັສ ພັງ:


Dave Welsh ຜູ້ຕາງໜ້າ​ ສູນ​ກາງ​ເອກ​ກະພາບ ປະ​ຈໍາກໍາປູ​ເຈຍ ຊຶ່ງ​ເປັນ​ອົງການ​ບໍ່​ຫວັງ​
ຜົນ​ກໍາ​ໄລ ທີ່​ເປັນ​ສາຂາ​ຮ່ວມ​ງານ​ກັບ​ຂະ​ບວນການ​ເຄຶ່ອນໄຫວ​ດ້ານ​ແຮງ​ງານສະຫະລັດ ​ສະ​ແດງ​ຄວາມ​ຍິນ​ດີ​ກັບ​ການ​ຕັດສິນ​ໃຈ​ຂອງ ບໍລິສັດ H&M ​ໃນ​ຄັ້ງ​ນີ້ ຊຶ່ງ​ທ່ານ Welsh ​ເວົ້າ​ວ່າ ມັນ​ບໍ່​ແມ່ນ​ຄວາມ​ລັບ​ຫຍັງ​ເລີຍ ທີ່​ວ່າລັດຖະບານ​ກໍາປູ​ເຈຍຢ້ານ​ກົວ​ວ່າ ​ພວກ​ບໍລິ
ສັດ
​ຮັບ​ຊື້​ເສື້ອ​ຜ້າ ​ຢູ່​ໃນ​ວົງ​ການ​ການ​ຄ້າ​ເສື້ອ​ຜ້າທີ່​ມີ​ການ​ແຂ່ງຂັນ​ກັນ​ຢ່າງ​ຮຸນ​ແຮງ​ນັ້ນ ຈະ​ປະ​ຖິ້ມ
ກໍາປູ​ເຈຍ​ໄປ ​ຖ້າ​ຫາກ​ຄ່າແຮງ​ງານຖີບ​ຕົວ​ສູງ​ຂຶ້ນໄວເກີນ​ໄປ. ​ແຕ່​ວ່າ ​ແຜນ​ງານ​ທີ່​ວາງ​ອອກ
ໂດຍບໍລິສັດ H&M ຊຶ່ງ​ເປັນຜູ້​ມີ​ບົດບາດ​ສໍາຄັນ​ໃນ​ວົງ​ການ​ເສື້ອ​ຜ້າຢູ່​ໃນ​ກໍາປູ​ເຈຍນັ້ນ​ ຄວນ
​ຈະ​ຊ່ວຍຜ່ອນ​ເບົາ​ຄວາມ​ຢ້ານກົວ​ນັ້ນ​ລົງ​ໄປ​ໄດ້.

​ໃນ​ລະຫວ່າງ​ນີ້ ​ພວກ​ຄົນງານ​ຕັດຫຍິບ​ຂອງ​ກໍາປູ​ເຈຍ ກໍແມ່ນກໍາລັງ​ພາກັນ​ລໍຖ້າ​ຟັງ​ເບິ່ງ​ວ່າ ​ພວກ​ເຂົາ​ເຈົ້າ​ຈະໄດ້​ຂຶ້ນ​ເງິນ​ຄ່າ​ແຮງງານ​ຫຼາຍ​ປານ​ໃດ​ໃນ​ປີໜ້າ​ນີ້ ຊຶ່ງ​ເວລາ​ນີ້​ກໍ​ປະ ກົດ​ວ່າ ​ມີສະຫະພັນແຮງ​ງານອິດສະຫຼະ​ບາງ​ກຸ່ມ​ໄດ້ກ່າວ​ຄໍາຂູ່​ແລ້ວ​ວ່າ ​ຈະດໍາ​ເນີນການ​ຢ່າງ​ໃດ​ຢ່າງ​ນຶ່ງ​ຕື່ມອີກ​ ຖ້າ​ຫາກວ່າ ​ຄ່າ​ແຮງ​ງານຕໍ່າ​ສຸດ​ ບໍ່​ປັບຂຶ້ນ​ເປັນສອງ​ເທົ່າ​ຕົວ ຫຼື 150 ​ໂດ​ລ່າຕໍ່​ເດືອນ​ນັ້ນ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG