ພັກຝ່າຍຄ້ານທີ່ສຳຄັນ 2 ພັກຂອງກຳປູເຈຍ ໄດ້ຕັດສິນໃຈທີ່ຈະເຕົ້າໂຮມກຳລັງກັນກ່ອນການ
ເລືອກຕັ້ງໃນປີໜ້າ ເພື່ອໃຫ້ມີໂອກາດຫຼາຍຂຶ້ນໃນການທີ່ຈະເອົາຊະນະພັກປະຊາຊົນກຳປູເຈຍ
ຊຶ່ງເປັນພັກລັດຖະບານປົກຄອງປະເທດໃນເວລານີ້.
ພັກແຊມຣັງສີຈະໂຮມເຂົ້າກັນກັບພັກສິດທິມະນຸດພາຍໃຕ້ການນຳພາຂອງທ່ານແຊມຣັງສີຜູ້
ຊຶ່ງໃນປັດຈຸບັນ ພວມລີ້ໄພຢູ່ທີ່ປະເທດຝຣັ່ງ. ພັກການເມືອງໃໝ່ທີ່ມີຊື່ວ່າ ຊ່ອຍກອບກູ້ໃຫ້ພົ້ນ
ໄພແຫ່ງຊາດຫຼື National Salvation ຈະຈົດທະບຽນຢ່າງເປັນທາງການໃນເດືອນໜ້ານີ້.
ໃນລະຫວ່າງເດີນທາງມາຢ້ຽມຢາມນະຄອນວໍຊິງຕັນໃນສັບປະດານີ້ ທ່ານແຊມ ຣັງສີກ່າວຕໍ່ວີ
ໂອເອພະແນກພາສາຂະແມວ່າສະມາຊິກຂອງພັກການເມືອງໃໝ່ຈະພາກັນຕໍ່ສູ້ເພື່ອໃຫ້ມີການ
ປະຕິຮູບລະບົບການເລືອກຕັ້ງຂອງກຳປູເຈຍ ກ່ອນການເລືອກຕັ້ງໃນປີ 2013.
ທ່ານແຊມຣັງສີເວົ້າວ່າ ການໂຮມກຳລັງຂອງພັກຝ່າຍຄ້ານຈະອຳນວຍໃຫ້ມີການແກ້ໄຂຕໍ່ຫຼາຍ
ບັນຫາຂອງກຳປູເຈຍທີ່ທ່ານກ່າວວ່າ ຍັງຂາດສິດເສລີພາບທາງ ດ້ານການເມືອງ ປະຊາຊົນຍັງ
ທຸກຍາກ ມີການຍາດແຍ່ງເອົາດິນ ມີລະບົບການປິ່ນປົວສຸຂະພາບ ແລະການສຶກສາທີ່ບໍ່ດີ.
ທ່ານເວົ້າວ່າ ພັກການເມືອງໃໝ່ ທີ່ຫາກໍຕັ້ງຂຶ້ນນີ້ ຈະທຳການຕໍ່ສູ້ ຕ້ານການສໍ້ລາດບັງຫຼວງທີ່
ທ່ານກ່າວວ່າ ເຮັດໃຫ້ເສດຖະກິດຂອງກຳປູເຈຍເປັນອຳມະພາດໄປນັ້ນ.
ຂະນະທີ່ຫຼາຍໆປະເທດໃນເອເຊຍ ຮວມທັງມຽນມາຊຶ່ງເປັນເພື່ອນບ້ານຂອງກຳປູເຈຍໄດ້ປະ
ສົບກັບຄວາມກ້າວໜ້າ ໃນການເຄື່ອນໄຫວໄປສູ່ປະຊາທິປະໄຕ ທ່ານແຊມຣັງສີເວົ້າວ່າ ກຳປູ
ເຈຍຊໍ້າພັດກາຍເປັນປະເທດຜະເດັດການຫຼາຍຂຶ້ນ.
ພັກປະຊາຊົນກຳປູເຈຍ ໄດ້ຊະນະສຽງສ່ວນຫຼາຍ ໃນການເລືອກຕັ້ງສະພາແຫ່ງ ຊາດ ໃນປີ
2008.