ລິ້ງ ສຳຫລັບເຂົ້າຫາ

ບັນຫາຂອງຜູ້ຍິງກຳປູເຈຍ ທີ່ໄປຊອກວຽກເຮັດຢູ່ ມາເລເຊຍ

  • Brian Calvert
  • ບົວສະຫວັນ

ນາງຈຳປີຜູ້ທີ່ກັບຄືນໄປກຳປູເຈຍ ດ້ວຍຄວາມລະທົມຂົມຂື່ນ ຈາກການຖືກທາລຸນ ທາງເພດ ແລະທຳຮ້າຍຮ່າງກາຍ ທີ່ມະເລເຊຍ.

ພວກຜູ້ຍິງກຳປູເຈຍ ພາກັນໄປຊອກຫາວຽກເຮັດເປັນຄົນຮັບໃຊ້ ຢູ່ໃນມາເລເຊຍຫລາຍ ຂຶ້ນນັບມື້. ແຕ່​ໃນ​ຄວາມຟ້າວຟັ່ງຢາກໄດ້ວຽກເຮັດນັ້ນ ບາງຄົນກໍບໍ່ໄດ້ ຮັບການປົກປ້ອງ ຈາກການຖືກຂົ່ມ​ເຫັງທາລຸນຢູ່ບ່ອນທຳງານນັ້ນ. ຄື​ກັນ​ກັບປະເທດທີ່ກຳລັງພັດທະນາທັງ ຫລາຍ ກຳປູເຈຍກຳລັງຊອກຫາວິທີທາງ ທີ່ຈະ ປົກປ້ອງ​ແຮງ​ງານຂອງຕົນທີ່​ໄປ​ຊອກ​ວຽກ ​ເຮັດ​ຢູ່​ຕ່າງປະ​ເທດ.

ງົວຄູ່ນຶ່ງ ກຳລັງແກ່ກວຽນໄປຫາທົ່ງນາ ຢູ່ທາງພາກເໜືອຂອງກຳປູເຈຍ ບ່ອນທີ່ຊີວິດ ຊາວຊົນນະບົດໝາຍ​ເຖິງວ່າ ໂອກາດຈະມີວຽກເຮັດງານທໍາ​ນັ້ນ ແມ່ນມີໜ້ອຍຫລາຍ.

ງົວສອງໂຕກໍາລັງແກ່ກວຽນ ໃຫ້ແກ່ຜົວເມຍຄູ່ນຶ່ງ ຢູ່ໃນ ເຂດຊົນະບົດແຫ່ງນຶ່ງໃນ ກຳປູເຈຍ
ງົວສອງໂຕກໍາລັງແກ່ກວຽນ ໃຫ້ແກ່ຜົວເມຍຄູ່ນຶ່ງ ຢູ່ໃນ ເຂດຊົນະບົດແຫ່ງນຶ່ງໃນ ກຳປູເຈຍ

ດຽວນີ້ ພວກຍິງສາວໃນແຂວງ Preah Vihear ພາກັນເວົ້າວ່າ ພວກເຂົາເຈົ້າ ພົບໂອກາດ ທີ່​ຈະ​ໄດ້​ໄປ​ເຮັດວຽກເປັນຄົນຮັບໃຊ້ໃນບ້ານເຮືອນຂອງຄົນ ຢູ່ໃນ ມາເລເຊຍ. ແຕ່ວ່າບາງ ຄົນທີ່​ໄດ້​ພົບ​ໂອກາດ​ອັນນັ້ນ ກັບ​ໄດ້​ພົບ​ກັບບັນຫາຫລາຍ ກວ່າການໄດ້ເງິນມາ.

ສາວອອນ ແລະ ສາມີຂອງນາງ, ນາຍ ໂຣສ ຈະເຮືອນ,
ແຕ່ລະຄັ້ງ ທີ່ໄດ້ອອກມາເຮັດວຽກຢູ່ທົ່ງນາ​ແຫ່ງນີ້ ກໍໄດ້
ໃຊ້ເວລາເປັນຫລາຍອາທິດ ເພື່ອເກັບກ່ຽວເອົາຜົນຜະ
ຫລິດເຂົ້າທີ່​ມີໜ້ອຍຫລາຍຈາກດິນທີ່ແຂັງແກ່ນນີ້. ເມື່ອ
ນາງຈຳປີ ລູກສາວຂອງພວກເຂົາເຈົ້າມາຫາພວກເຂົາເຈົ້າ ແລະບອກວ່າຢາກໄປເຮັດ
ວຽກຢູ່ມະເລເຊຍ ພວກເຂົາເຈົ້າກໍມີຄວາມຫວາດຫວັ່ນວິຕົກ ແບບໃດແບບນຶ່ງ.

ສາວອອນເວົ້າວ່າລາວ ຂໍຮ້ອງບໍ່ໃຫ້ລູກສາວລາວໄປ ເຖິງແມ່ນວ່າຄອບຄົວຂອງລາວຈະ
ທຸກຍາກປານໃດກໍຕາມ. ແຕ່ວ່ານາງຈຳປີຍັງດື້ດຶງຢາກໄປຢູ່.

ຄວາມຢ້ານກົວຕໍ່ສິ່ງເລວຮ້າຍຂອງສາວອອນນັ້ນ ໄດ້ເກີດເປັນຈິງເມື່ອນາງຈຳປີ ກັບຄືນ
ມາບ້ານໃນເຈັດເດືອນຕໍ່ມາ ດ້ວຍຄວາມລະທົມຂົມຂື່ນຈາກການຖືກທາລຸນທາງເພດ
ແລະທຳຮ້າຍຮ່າງກາຍ. ລູກສາວຂອງລາວໃນຕອນກັບຄືນມານີ້ ບໍ່ເໝືອນເດີມຄືແຕ່ກ່ອນ ໃນຕອນທີ່ນາງອອກຈາກບ້ານໄປນັ້ນ.

ທຸກວັນນີ້ ຈຳປີ ຢູ່ບ້ານ ແລະ ດູແລລ້ຽງໝູໃຫ້ຄອບຄົວ, ນາງບໍ່ສາມາດໄປເຮັດວຽກໄດ້. ແລະ ກໍບໍ່ເຊື່ອໃຜໄດ້ອີກ.

ນາງ​ຈົ່ມ​ວ່າ “ດຽວນີ້ ຜູ້ຄົນບໍ່ດີຫລາຍ. ຄົນຊົ່ວຫລາຍ, ພວກເຂົາສາມາດຕີຂ້ອຍ ແລະ ບໍ່ດີນໍາຄື​ກັນ”

ຄື​ກັນ​ກັບ​ຫລາຍໆປະເທດທີ່ກຳລັງພັດທະນາ ກຳປູເຈຍຕ້ອງການວຽກເຮັດງານ ທຳໃຫ້ ແກ່ປະຊາຊົນຂອງ​ຕົນ ທີ່ນັບມື້ນັບມີເພີ້ມຫລາຍຂຶ້ນນັ້ນ. ແລະມາເລເຊຍ​ເອງກໍຕ້ອງ ການຄົນໃຊ້ ​ໄປຮັບໃຊ້ພວກຊົນຊັ້ນປັນຍາຊົນຂອງ​ຕົນ ທີ່ນັບມື້ນັບ ເຕີບໃຫຍ່ຂຶ້ນນັ້ນ ເຊ່ນກັນ.

ພວກຜູ້ຍິງຄົນອິນໂດເນເຊຍຈຳນວນນຶ່ງທີ່ເປັນຄົນຮັບ ໃຊ້ໃນບ້ານເຮືອນຄົນມະເລເຊຍໄດ້ລົບໜີຈາກເຈົ້ານາຍ ທີ່ທາລຸນຂົ່ມເຫັງເຂົາເຈົ້າໄປຢູ່ໃນເຮືອນລົບໄພໃນ ສະຖານທູດອິນໂດເນເຊຍທີ່ນະຄອນກົວລາລຳເປີ ມະເລເຊຍໃນວັນທີ 26, 2009. (APPhoto/Thian)
ພວກຜູ້ຍິງຄົນອິນໂດເນເຊຍຈຳນວນນຶ່ງທີ່ເປັນຄົນຮັບ ໃຊ້ໃນບ້ານເຮືອນຄົນມະເລເຊຍໄດ້ລົບໜີຈາກເຈົ້ານາຍ ທີ່ທາລຸນຂົ່ມເຫັງເຂົາເຈົ້າໄປຢູ່ໃນເຮືອນລົບໄພໃນ ສະຖານທູດອິນໂດເນເຊຍທີ່ນະຄອນກົວລາລຳເປີ ມະເລເຊຍໃນວັນທີ 26, 2009. (APPhoto/Thian)

ຈຳນວນຄົນກຳປູເຈຍ ທີ່ຖືກ
ສົ່ງໄປທຳງານ ທີ່ມະເລເຊຍ
ເພີ້ມຂຶ້ນເກືອບຮອດ 4 ເທົ່າ
ໃນໄລຍະປີຜ່ານມານີ້ຕົກ​
ເ​ປັນເກືອບຮອດ 20 ພັນຄົນ
ຊຶ່ງການເພີ້ມຂຶ້ນຢ່າງໄວວານີ້
ແມ່ນມີຂຶ້ນພາຍຫລັງທີ່ອິນ
ໂດເນເຊຍ ໄດ້ເກືອດຫ້າມບໍ່
ໃຫ້ຄົນງານຂອງພວກເຂົາເຈົ້າ
ໄປເຮັດວຽກໃນມາ​ເລ​ເຊຍ
ຍ້ອນການຖືກຂົ່ມເຫັງທາລຸນ.

ຍ້ອນຖືກລໍ້ໃຈໂດຍຄຳສັນຍາ
ວ່າຈະໄດ້ເງິນດີ, ພວກຜູ້ຍິງ
ກໍາປູ​ເຈຍກໍພາກັນໄປຈົດຊື່
ນຳ ພວກທີ່ມາຂົນຂວາຍ
ຕິດຕໍ່ເອົາຄົນ ແຕ່ວ່າມີມາດ
ຕະການປ້ອງກັນໄວ້ຮອງຮັບ
ພວກເຂົາເຈົ້າ ໜ້ອຍ​ຫລາຍ
ແລະ ການຕິດຕໍ່ສື່ສານກັບ
ທາງບ້ານກໍ​ເກືອບ​ວ່າບໍ່ມີ​ເລີຍ.

ທ່ານ E Saro ຜູ້​ປົກຄອງເມືອງ ໂຣວຽງ ບ້ານ​ເກີດ​ຂອງຈຳປີເວົ້າວ່າ ລັດຖະບານຍັງບໍ່
ທັນມີລະບົບປ້ອງກັນໄວ້ຮອງຮັບເທື່ອ.

ລັດຖະບານ​ແຫ່ງ​ຊາດ​ກໍາປູ​ເຈຍ ກຳລັງຮ່າງກົດໝາຍໃໝ່ ທີ່ແນໃສ່ປົກປ້ອງ ພວກຍິງສາວ
ບໍ່ໃຫ້ຖືກຕົວະຍົວະ ໂດຍພວກຂົນຂວາຍເອົາຄົນ ທີ່ຂາດຄວາມ ຊື່ສັດນັ້ນ ແລະ​ໄດ້ຕັ້ງ
ກອງທຶນຂຶ້ນກອງນຶ່ງ ເພື່ອຊ່ວຍພວກເຂົາເຈົ້າ ຖ້າຫາກວ່າ ພວກເຂົາເຈົ້າປະສົບ​ກັບບັນ
ຫາຢູ່ໃນມາເລເຊຍ.

ແຕ່ວ່າສິ່ງເຫລ່ົານີ້ເປັນການປອບຂວັນແກ່ພໍ່ແມ່ຂອງຈຳປີ ໄດ້ໜ້ອຍຫລາຍ ເພາະວ່າດຽວ
ນີ້ ນອກຈາ​ກຈະ​ຕ້ອງ​ໄດ້​ສູ້​ຊົນຫາ​ຢູ່​ຫາ​ກິນ​ຕາມ​ປະສາ​ຊາວ​ໄຮ່ຊາວນາ​ເພື່ອ​ລ້ຽງ​ຕົນ​ເອງ​ແລ້ວ
ເຂົາເຈົ້າຍັງ​ຈະ​ຕ້ອງ​ໄດ້​ດູ​ແລ​ເບິ່ງ​ແຍງ ລູກສາວຂອງພວກເຂົາເຈົ້າອີກ.

ນາຍ ໂຣສ ຈະເຮືອນ, ພໍ່ຂອງຈຳປີ ກ່າວວ່າ ລາວຍັງໃຈຮ້າຍໃຫ້ພວກທີ່ມາຊັກຊວນເອົາ
ລູກລາວໄປນັ້ນຢູ່ ພວກນັ້ນໄດ້ໃຫ້ຄຳໝັ້ນສັນຍາວ່າຈະເຮັດໃຫ້ລູກສາວຂອງລາວ ຮັ່ງມີ
ແຕ່ສຸດທ້າຍ​ແລ້ວ ກໍປະຖິ້ມລູກຂອງລາວ ເມື່ອນາງມີຄວາມຕ້ອງການ ການຊ່ວຍເຫລືອ.
ລາວເວົ້າວ່າ “ຖ້າຫາກວ່າຂ້ອຍເຫັນພວກນັ້ນອີກ ຂ້ອຍຈະປາດຄໍພວກເຂົາ.”

XS
SM
MD
LG