ກຳປູເຈຍ ກ່າວວ່າ ຕົນໄດ້ຈັດຕັ້ງມາດຕະການກວດສອບ ຢູ່ຕາມ
ເດີ່ນບິນສາກົນ ແລະຕາມດ່ານຂ້າມຊາຍແດນຕ່າງໆຂອງຕົນ
ເພື່ອກວດເບິ່ງ ພະຍາດຮ້າຍແຮງຕ່າງໆ ລວມທັງ ອີໂບລາ ຊຶ່ງຍັງ
ສືບຕໍ່ລະບາດຢູ່ໃນບາງເຂດ ຂອງອາຟຣິກາຕາເວັນຕົກ.
ເວລານີ້ ໄດ້ມີການຕິດຕັ້ງອຸປະກອນຕ່າງໆ ທີ່ກວດອຸນຫະພູມຂອງ
ຮ່າງກາຍ ຢູ່ທີ່ເດີ່ນບິນໃນນະຄອນຫລວງພະນົມເປັນ ແລະໃນ
ນະຄອນ Siem Reap ແລະດ່ານກວດຂ້າມຊາຍແດນ ທີ່ເມືອງ
Poipet ໃກ້ກັບໄທ ແລະດ່ານ Bavet ໃກ້ກັບຫວຽດນາມ.
ຫົວໜ້າຄວບຄຸມໂຣກຕິດຕໍ່ ຂອງກະຊວງທາລະນະສຸກ ທ່ານ Ly
Sovann ບອກຜູ້ສື່ຂ່າວວີໂອເອພາສາຂະແມວ່າ ມາດຕະການຕ່າງໆນັ້ນ ແມ່ນເພື່ອກວດ
ຫາໂຣກອີໂບລາ ໂຣກລະບົບຫາຍໃຈຈາກຕາເວັນອອກກາງ ແລະ ໂຣກໄຂ້ຫວັດສັດປີກ
ຊຶ່ງໂຣກເຫຼົ່ານີ້ສາມາດເປັນອັນ ຕະລາຍແກ່ຊີວິດຕໍ່ມວນມະນຸດ.
ສະໄລດ໌ ການລະບາດ ຂອງອີໂບລາ:
ການລະບາດ ຂອງ ອີໂບລາ
ທ່ານ Ly Sovann ເວົ້າວ່າ “ບັນດາຜູ້ໂດຍສານໃດໆຈາກຈີນ ແລະຕາເວັນອອກກາງ ທີ່ມີອຸນຫະພູມຮ່າງກາຍ ສູງກວ່າ 38 ອົງສາ Celsius ມີອາການເຈັບຄໍ ພວກເຂົາຕ້ອງໄປທີ່ໂຮງໝໍ ເພື່ອລາຍງານກ່ຽວກັບການເດີນທາງ ຂອງພວກເຂົາເຈົ້າ.”
ທ່ານ Ly Sovann ກ່າວຕື່ມວ່າ ບໍ່ມີຮ່ອງຮອຍວ່າມີການລະບາດຂອງເຊື້ອໂຣກເຫຼົ່ານີ້ຢູ່
ໃນກຳປູເຈຍ ໃນຂະນະນີ້ແຕ່ຢ່າງໃດ ແຕ່ທ່ານເວົ້າວ່າຊາວກຳປູເຈຍ “ຕ້ອງມີຄວາມ
ລະມັດລະວັງໃນຂະນະທີ່ເດີນທາງໄປປະ ເທດເຫຼົ່ານັ້ນ” ບ່ອນທີ່ໂຣກຕ່າງໆ
ລະບາດຢູ່ນັ້ນ.
ເບິ່ງວີດີໂອ ການລະບາດ ຂອງ ອີໂບລາ:
