ເຈົ້າໜ້າທີ່ກະຊວງປ້ອງກັນປະເທດຂອງກຳປູເຈຍຂໍຊື້ກຳປັ່ນລົບ
ສອງລຳຈາກຈີນ ໂດຍເວົ້າວ່າ ຕົນຕ້ອງການເພື່ອຊ່ອຍກຳປູເຈຍ
ໃນການປົກປ້ອງເຂດແດນທາງທະເລຂອງຕົນ.
ພົນເຮືອເອກ Tea Vinh ແຫ່ງກອງທັບເຮືອກຳປູເຈຍໄດ້ຂໍຊື້ກຳ
ປັ່ນລົບ ທີ່ທັນສະໄໝສອງລຳ ໃນຂະນະທີ່ພົບປະ ກັບພົນເຮືອຕີ
Yu Manjian ແຫ່ງກອງທັບເຮືອຂອງຈີນ. ການເຈລະຈາຫາລື
ດັ່ງກ່າວນີ້ ໄດ້ມີຂຶ້ນລຸນຫຼັງການຝຶກຊ້ອມຮ່ວມກັນ ກ່ຽວກັບການ
ປະຕິບັດງານກູ້ໄພລະຫວ່າງກອງທັບເຮືອຂອງປະເທດທັງ 2 ທີ່
ສິ້ນສຸດລົງໃນວັນພຸດຜ່ານມານີ້.
ໃນລະຫວ່າງການຝຶກຊ້ອມນັ້ນ ກຳປັ່ນລົບຂອງຈີນ 3 ລຳ ປະກອບດ້ວຍ ເຮືອພິຄາດຕິດ
ລູກສອນໄຟນຳວິຖີ 2 ລຳ ແລະກຳປັ່ນສົ່ງກຳລັງບຳລຸງລຳນຶ່ງ ໄດ້ເຂົ້າຈອດທີ່ທ່າກຳປັ່ນສີ
ຫະນຸກວິລ.
ທ່ານ Tea Vinh ກ່າວຢູ່ໃນຖະແຫລງຂ່າວສະບັບນຶ່ງວ່າ ເວລາຂ້າພະເຈົ້າຂຶ້ນໄປກວດກາ
ກຳປັ່ນເຫຼົ່ານີ້ແມ່ນດີຫລາຍ.
ທ່ານ Meas Tang ໂຄສົກຂອງກອງທັບເຮືອກຳປູເຈຍກ່າວວ່າ ການຮ້ອງຂໍດັ່ງກ່າວແມ່ນ
ຄ້າຍຄືກັນ ກັບລາຍຊື່ຂອງຄວາມໄຝ່ຝັນ ແລະຍັງບໍ່ທັນເປັນທີ່ຈະແຈ້ງເທື່ອວ່າ ຈີນຈະຮັບ
ເອົາການຮ້ອງຂໍດັ່ງກ່າວຫຼືບໍ່.
ທ່ານ Tea Vinh ກ່າວວ່າ ເລື້ອງຄວາມເຄັ່ງຕຶງຢູ່ທະເລຈີນໃຕ້ກໍໄດ້ມີການຫາລືກັນໃນລະ
ຫວ່າງການພົບປະກັບນາຍພົນ Yu ແລະກຳປູເຈຍແມ່ນຍັງຮັກສາທ່າທີຄືເກົ່າ ກັບບັນດາ
ຜູ້ນຳກອງທັບເຮືອຂອງອາຊ່ຽນ ຮວມທັງບັນດາປະເທດທີ່ມີການຂັດແຍ້ງກັບຈີນ.
