ລິ້ງ ສຳຫລັບເຂົ້າຫາ

20 ກ່ວາຄົນເສຍຊີວິດ​ ​ໃນການ​​ໂຈມ​ຕີ ​ທີ່ບູຣຸນດີ

  • ສິງ ບຸຣົມມະວົງ

ສາກສົບຂອງພວກເຄາະຮ້າຍທີ່ ບຸຣຸນດີ

ຄົນ​ຮ້າຍຈໍານວນ​ນຶ່ງໄດ້ເປີດ​ສາກຍິງ​ປືນໃສ່ຜູ້​ຄົນ​ໃນບາ​ແຫ່ງ​ນຶ່ງ ​ໃນ​ພາກ​ຕະ​ເວັນຕົກ ຂອງ
ປະ​ເທດ​ບູຣຸນດີ ​ໃນ​ທະວີບອາ​ຟຣິກາ ໂດຍ​ໄດ້​ສັງຫານ 20 ກ່ວາຄົນ​ ​ໃນການໂຈມ​ຕີ​ທີ່
ຮຸນ​ແຮງ​ທີ່​ສຸດ​ໃນ​ປະ​ເທດ​ດັ່ງກ່າວ​ໃນ​ປີ​ນີ້.

ການໂຈມ​ຕີໄດ້​ເກີດ​ຂຶ້ນ​ໃນ​ແລງ​ວັນ​ອາທິດ​ວານນີ້ ​ໃນ​ເມືອງ Gatumba ປະມານ 15
ກິ​ໂລ​ແມັດ ຫ່າງ​ຈາກນະຄອນຫຼວງ Bujumbura ​ໄປ​ທາງ​ທິດຕາເວັນ​ຕົກ​.

ຍັງ​ບໍ່​ທັນ​ເປັນ​ທີ່​ຈະ​ແຈ້ງ​ເທື່ອ​ວ່າ​ແມ່ນໃຜ​ເປັນ​ຄົນ​ຮັບຜິດ​ຊອບ​ໃນ​ການໂຈມ​ຕີກັນ​ຄັ້ງ​ນີ້.

Burundi ​ແມ່ນຖື​ວ່າ​ເປັນ​ປະ​ເທດ​ທີ່​ຂ້ອນ​ຂ້າງ​ສະຫງົບ ຫຼັງຈາກ​ທີ່ພວກກະບົດກຸ່ມ​ກໍາລັງ
ປົດ​ປ່ອຍ​ຊາດ ​ໄດ້​ວາງອາວຸດ​ໃນ​ປີ 2009 ຫຼັງຈາກ​ໄດ້​ກໍ່​ການ​ກະບົດ ມາ​ເປັນ​ເວລາ 20 ປີ.

ລັດ​ຖະບານ​ໄດ້​ກ່າວ​ຖີ້ມ​ໂທດການໂຈມ​ຕີ​ ທີ່​ເກີດ​ຂຶ້ນ​ຫຼາຍໆ​ບັ້ນ​ໃນ​ປີ​ນີ້ ໃສ່ພວກຜູ້​ຮ້າຍ​ຊາຍ​
ໂຈນ​ທີ່​ຖື​ອາວຸດ ​ແລະ​ຄວາມ​ຮຸນ​ແຮງ​ໄດ້ພາ​ໃຫ້​ມີ​ການ​ຢ້ານກົວກັນວ່າ ​ປະ​ເທດ​ຊາດ​ຈະກັບ​ຄື​ນ
ໄປສູ່​ສົງຄາມ​ກາງ​ເມືອງອີ​ກຄັ້ງ.

XS
SM
MD
LG