ລິ້ງ ສຳຫລັບເຂົ້າຫາ

ທ່ານນາງ ອອງຊານ ຊູຈີ ຢ້ຽມຢາມ ປະຊາຄົມມຽນມາ ທີ່ລັດອິນເດຍນາ (ວີດິໂອກັບສະໄລດ໌)


ຜູ້ນໍາຝ່າຍຄ້ານມຽນມາ ທ່ານນາງ Aung San Suu Ki ກ່າວ ຄໍາປາໄສຕໍ່ສະມາຊິກຂອງປະຊາຄົມມຽນມາ ທີ່ເມືອງ Fort Wayne ລັດອິນເດຍນາ ໃນວັນອັງຄານ ວັນທີ 25 ກັນຍານີ້ (AP Photo/Michael Conroy)
ຜູ້ນໍາຝ່າຍຄ້ານມຽນມາ ທ່ານນາງ Aung San Suu Ki ໄດ້ກ່າວ
ຄໍາປາໄສຕໍ່ສະມາ ຊິກຂອງປະຊາຄົມມຽນມາ ຢູ່ໃນສະຫະລັດ
ໃນວັນອັງຄານວານນີ້ ໂດຍໄດ້ສະແດງ ຄວາມຮູ້ສຶກໃນແງ່ດີກ່ຽວ ກັບການຫັນປ່ຽນຂອງມຽນມາ ໄປສູ່ປະຊາທິປະໄຕ.

ພວກສະໜັບສະໜຸນນັກເຄື່ອນໄຫວດ້ານປະຊາທິປະໄຕທ່ານນີ້
ຈໍານວນຫລາຍພັນຄົນໄດ້ໄປເບິ່ງທ່ານນາງກ່າວຄໍາປາໄສ ທີ່ເມືອງ
Fort Wayne ລັດອິນເດຍນາ ທາງພາກ ກາງຂ້ອນໄປທາງທິດຕາ ເວັນຕົກຂອງສະຫະລັດ ບ່ອນທີ່ມີປະຊາຄົມມຽນມາຈໍານວນ
ຫລວງຫລາຍອາໄສຢູ່ ແລະເປັນບ່ອນຢຸດແຫວ່ທີ 4 ໃນລະຫວ່າງ
ການເຄື່ອນໄຫວຢ້ຽມ ຢາມສະຫະລັດເປັນເວລາ 17 ວັນຂອງ
ທ່ານນາງ.

ກ່ອນການກ່າວຄໍາປາໄສເປັນພາສາມຽນມາໂດຍສ່ວນໃຫຍ່ນັ້ນ
ທ່ານນາງຊູຈີ ໄວ 67 ປີ ທີ່ເຄີຍໄດ້ຮັບລາງວັນ Nobel ຂະແໜງສັນຕິພາບ ໄດ້ເວົ້າເປັນ ພາສາອັງກິດກ່ອນ ໂດຍ ໄດ້ກ່າວຍ້ອງຍໍສະຫະລັດວ່າ ເປັນປະເທດ ທີ່ມີປະຊາທິປະໄຕ ທີ່ຍິ່ງໃຫຍ່ທີ່ສຸດໃນໂລກ ແລະວ່າ ທ່ານນາງດີໃຈທີ່ປະຊາຊົນມຽນມາ ໄດ້ມີໂອກາດຮຽນຮູ້ ຈາກຊາວອາເມຣິກັນ.

ເບິ່ງວີດິໂອກ່ຽວກັບການຢ້ຽມຢາມປະຊາຄົມມຽນມາຂອງ
ທ່ານນາງ ອອງຊານ ຊູຈີ ທີ່ລັດອິນເດຍນາ:




ທ່ານນາງກ່າວວ່າ ຂອງຂວັນທີ່ດີທີ່ສຸດທີ່ສະຫະລັດມີຢູ່ ເພື່ອຈະມອບໃຫ້ແກ່ມຽນມານັ້ນ ແມ່ນການສຶກສາ.

ນອກນີ້ ຢູ່ທີ່ເມືອງ Fort Wayne ນັ້ນ ຜູ້ນໍາປະຊາທິປະໄຕມຽນມາ ຍັງໄດ້ຮຽກຮ້ອງຊໍ້າອີກ ໃຫ້ສະຫະລັດຍົກເລີກການລົງໂທດ ຕ່າງໆ ຕໍ່ມຽນມາ. ສະຫະລັດໄດ້ຜ່ອນຜັນການລົງໂທດ
ບາງຢ່າງແລ້ວ ເພື່ອເປັນການສະ ໜອງຕອບຕໍ່ການ ການປະຕິຮູບທາງການເມືອງ ແລະເສດຖະກິດຂອງລັດຖະບານມຽນມາ.

ເບິ່ງສະໄລດ໌ ກ່ຽວກັບການຢ້ຽມຢາມສະຫະລັດຂອງທ່ານນາງອອງຊານ ຊູຈີ
XS
SM
MD
LG