ນາຍົກລັດຖະມົນຕີປະເທດ Denmark ແລະ Norway ໄດ້ຮ່ວມ
ກັນ ເປີດສະຖານທູດປະເທດຂອງເຂົາເຈົ້າ ໃນວັນອາທິດວານນີ້
ທີ່ຢ່າງກຸ້ງເມືອງໃຫຍ່ສຸດຂອງມຽນມາ.
ໃນລະຫວ່າງພິທີເປີດຢ່າງເປັນທາງການນັ້ນ ນາຍົກລັດຖະມົນຕີ
ນໍເວ ທ່ານ JensStoltenberg ໄດ້ຍ້ອງຍໍການປະຕິຮູບໃນພະມ້າ
ເປັນມີຊື່ໃໝ່ວ່າ ມຽນມານັ້ນ. ທ່ານກ່າວວ່າ:
“ຂັ້ນຕອນການສ້າງສັນຕິພາບ ຕ້ອງເປັນສິ່ງນຶ່ງທີ່ປະຊາຊົນ
ມຽນມາ ເປັນຜູ້ຮັບຜິດຊອບເອງ. ສິ່ງທີ່ພວກເຮົາ ຝ່າຍ
Denmark ແລະ Norway ສາມາດປະຕິບັດໄດ້ນັ້ນ ກໍຄືໃຫ້
ການສະໜັບສະໜູນແລະອໍານວຍຄວາມສະດວກໃຫ້. ແຕ່ສໍາ
ລັບຂັ້ນຕອນດ້ານການເມືອງເອງນັ້ນ ແມ່ນຈະຕ້ອງເກີດຂື້ນຈາກ
ພາຍໃນມຽນມາ ໂດຍປະຊາຊົນຂອງ ມຽນມາເອງ.”
ສ່ວນນາຍົກລັດຖະມົນຕີເດັນມາກ ທ່ານ Helle Thorning-Schmidt ກໍກ່າວວ່າ ທັງສອງປະເທດໃນເຂດ Scandinavia ຂອງພວກທ່ານ ມີຄວາມສົນໃຈໃນການຮ່ວມມືດ້ານເສດຖະກິດ ກັບມຽນມາ ຊຶ່ງທ່ານກ່າວວ່າ:
“ພວກເຮົາມີຄວາມສົນໃຈອັນແຮງກ້າ ໃນການລົງທຶນ. ລັດຖະມົນຕີການຄ້າ ແລະລົງທຶນຂອງພວກເຮົາ ຈະມາເຖິງໃນບໍ່ຊ້ານີ້ ພ້ອມກັບ ຄະນະຜູ້ແທນການຄ້າ. ແລະຂ້າພະເຈົ້າກໍຄິດວ່າ ທັງສອງປະເທດຂອງ ພວກເຮົາເປັນປະເທດມີບໍລິສັດທີ່ດີເລີດ ທີ່ທໍາການລົງທຶນໃນລັກສະນະທີ່ໜ້າເຊື່ອຖື ໄວ້ໃຈໄດ້ ມີຄວາມຮັບຜິດຊອບ ແລະຍືນຍົງ.”
ນາຍົກລັດຖະມົນຕີ ເດັນມາກ ໄດ້ພົບປະກັບຜູ້ນໍາຝ່າຍຄ້ານ ທ່ານນາງ Aung San Suu Kyi ໃນຕອນເຊົ້າຂອງວັນອາທິດ ແລະໄດ້ສະແດງການສະໜັບສະໜູນຂອງສອງປະເທດ Scandinavia ຕໍ່ການປ່ຽນແປງໄປສູ່ປະຊາທິປະໃຕ ຂອງມຽນມາ.
ທ່ານນາງ Aung San Suu Kyi ກ່າວວ່າ ທ່ານນາງເຊື່ອຢູ່ສະເໝີວ່າ ການປ່ຽນແປງໃນທາງທີ່ດີ ສາມາດເປັນໄປໄດ້ຢູ່ໃນມຽນມາ.
ກັນ ເປີດສະຖານທູດປະເທດຂອງເຂົາເຈົ້າ ໃນວັນອາທິດວານນີ້
ທີ່ຢ່າງກຸ້ງເມືອງໃຫຍ່ສຸດຂອງມຽນມາ.
ໃນລະຫວ່າງພິທີເປີດຢ່າງເປັນທາງການນັ້ນ ນາຍົກລັດຖະມົນຕີ
ນໍເວ ທ່ານ JensStoltenberg ໄດ້ຍ້ອງຍໍການປະຕິຮູບໃນພະມ້າ
ເປັນມີຊື່ໃໝ່ວ່າ ມຽນມານັ້ນ. ທ່ານກ່າວວ່າ:
“ຂັ້ນຕອນການສ້າງສັນຕິພາບ ຕ້ອງເປັນສິ່ງນຶ່ງທີ່ປະຊາຊົນ
ມຽນມາ ເປັນຜູ້ຮັບຜິດຊອບເອງ. ສິ່ງທີ່ພວກເຮົາ ຝ່າຍ
Denmark ແລະ Norway ສາມາດປະຕິບັດໄດ້ນັ້ນ ກໍຄືໃຫ້
ການສະໜັບສະໜູນແລະອໍານວຍຄວາມສະດວກໃຫ້. ແຕ່ສໍາ
ລັບຂັ້ນຕອນດ້ານການເມືອງເອງນັ້ນ ແມ່ນຈະຕ້ອງເກີດຂື້ນຈາກ
ພາຍໃນມຽນມາ ໂດຍປະຊາຊົນຂອງ ມຽນມາເອງ.”
ສ່ວນນາຍົກລັດຖະມົນຕີເດັນມາກ ທ່ານ Helle Thorning-Schmidt ກໍກ່າວວ່າ ທັງສອງປະເທດໃນເຂດ Scandinavia ຂອງພວກທ່ານ ມີຄວາມສົນໃຈໃນການຮ່ວມມືດ້ານເສດຖະກິດ ກັບມຽນມາ ຊຶ່ງທ່ານກ່າວວ່າ:
“ພວກເຮົາມີຄວາມສົນໃຈອັນແຮງກ້າ ໃນການລົງທຶນ. ລັດຖະມົນຕີການຄ້າ ແລະລົງທຶນຂອງພວກເຮົາ ຈະມາເຖິງໃນບໍ່ຊ້ານີ້ ພ້ອມກັບ ຄະນະຜູ້ແທນການຄ້າ. ແລະຂ້າພະເຈົ້າກໍຄິດວ່າ ທັງສອງປະເທດຂອງ ພວກເຮົາເປັນປະເທດມີບໍລິສັດທີ່ດີເລີດ ທີ່ທໍາການລົງທຶນໃນລັກສະນະທີ່ໜ້າເຊື່ອຖື ໄວ້ໃຈໄດ້ ມີຄວາມຮັບຜິດຊອບ ແລະຍືນຍົງ.”
ນາຍົກລັດຖະມົນຕີ ເດັນມາກ ໄດ້ພົບປະກັບຜູ້ນໍາຝ່າຍຄ້ານ ທ່ານນາງ Aung San Suu Kyi ໃນຕອນເຊົ້າຂອງວັນອາທິດ ແລະໄດ້ສະແດງການສະໜັບສະໜູນຂອງສອງປະເທດ Scandinavia ຕໍ່ການປ່ຽນແປງໄປສູ່ປະຊາທິປະໃຕ ຂອງມຽນມາ.
ທ່ານນາງ Aung San Suu Kyi ກ່າວວ່າ ທ່ານນາງເຊື່ອຢູ່ສະເໝີວ່າ ການປ່ຽນແປງໃນທາງທີ່ດີ ສາມາດເປັນໄປໄດ້ຢູ່ໃນມຽນມາ.
