ອະດິດນາຍຊ່າງຄອມພິວເຕີຄົນນຶ່ງ ຂອງອົງການສືບລັບ CIA
ຂອງສະຫະລັດ ທີ່ໄດ້ເຮັດວຽກເປັນພະນັກງານສັນຍາຈ້າງຂອງ
ອົງການປ້ອງກັນຄວາມໝັ້ນຄົງແຫ່ງຊາດ ຫລື NSA ໄດ້ອອກ
ມາເປີດເຜີຍໂຕເອງ ໃນວັນອາທິດວານນີ້ວ່າ ເປັນແຫລ່ງຂ່າວ
ຂອງພວກໜັງສືພິມ ທີ່ລາຍງານຂ່າວວ່າ ລັດຖະບານສະຫະລັດ
ທໍາການຕິດຕາມຟັງໂທລະສັບ ແລະການຊົມໃຊ້ອິນເຕີແນັດ
ຂອງປະຊາຊົນນັ້ນ.
ທ້າວ Edward Snowden ອາຍຸ 29 ປີ ກ່າວວ່າ ລາວໄດ້ຕິດຕໍ່
ກັບ ໜັງສືພິມ The Guardian ແລະThe Washington Post
ທີ່ໄດ້ລາຍງານຂ່າວດັ່ງກ່າວ ໃນອາທິດແລ້ວນີ້.
ທ້າວ Snowden ທີ່ໄດ້ຫລົບໜີຈາກ ສະຫະລັດ ໄປຮົງກົງ
ເດືອນແລ້ວນີ້ ກ່າວວ່າ ລາວຈະບໍ່ຫລົບລີ້ ເພາະວ່າ ລາວບໍ່ໄດ້
ເຮັດຫຍັງຜິດ.
ລາວເວົ້າອີກວ່າ ລາວຮູ້ດີເຖິງຄວາມສ່ຽງອັນໃຫຍ່ຫລວງ ຈາກ
ຂ່າວທີ່ລາວເຜີຍແບອອກມາ ກ່ຽວກັບໂຄງການຕິດຕາມເບິ່ງບັນທຶກໂທລະສັບແລະໂຄງ
ການຊອກຄົ້ນຂໍ້ມູນທາງອິນເຕີແນັດ ທີ່ລັດຖະບານສະຫະລັດໄດ້ອອກແບບເຮັດຂຶ້ນມາ
ເພື່ອຕິດຕາມເບິ່ງໄພຂົ່ມຂູ່ຈາກພວກກໍ່ການຮ້າຍນັ້ນ.
ລາວຍັງໄດ້ບອກໜັງສືພິມ Washington Post ອີກວ່າ ລາວຈະຂໍລີ້ໄພຢູ່ໃນປະເທດໃດ
ກໍຕາມທີ່ມີຄວາມເຊື່ອຖື ໃນເສລີພາບໃນການປາກເວົ້າ ແລະຄວາມເປັນສ່ວນໂຕ ຢູ່ໃນ
ທົ່ວໂລກ.
ໜັງສືພິມ The Guardian ໄດ້ລາຍງານໃນອາທິດແລ້ວນີ້ວ່າ ອົງການປ້ອງກັນຄວາມ
ໝັ້ນຄົງແຫ່ງຊາດ NSA ໄດ້ເກັບກໍາບັນທຶກໂທລະສັບ ຂອງປະຊາຊົນອາເມຣິກັນ
ຫລາຍລ້ານຄົນ. ໝັງສືພິມສະບັບນີ້ ພ້ອມດ້ວຍໜັງສືພິມ Washington Post ຍັງໄດ້
ລາຍງານວ່າ ໂຄງການນຶ່ງອີກຕ່າງຫາກອີກ ທີ່ຮ້ອງວ່່າ PRISM ໄດ້ອໍານວຍໃຫ້ອົງ
ການ NSA ແລະຫ້ອງການສືບສວນກາງ ສະຫະລັດ ຫລື FBI ສາມາດເຂົ້າໄປສູ່
server ຂອງບັນດາບໍລິສັດບໍລິການອິນເຕີແນັດທີ່ສໍາຄັນໆ.
ບັນດາເຈົ້າໜ້າທີ່ສະຫະລັດ ບໍ່ໄດ້ປະຕິເສດລາຍງານຂ່າວເຫລົ່ານັ້ນ ແລະເວົ້າວ່າ ບໍ່ມີ
ໃຜລັກຟັງໂທລະສັບຂອງໃຜໝົດ ແລະລາຍລະອຽດທີ່ເຂົາເຈົ້າເກັບກໍາມາໄດ້ນັ້ນ ໄດ້
ຢຸດຢັ້ງແຜນການກໍ່ການຮ້າຍ ຫລາຍເທຶ່ອແລ້ວ.
ກະຊວງຍຸຕິທໍາສະຫະລັດ ກ່າວວ່າ ຕົນໄດ້ເປີດສາກທໍາການສືບສວນທາງຄະດີອາຍາ
ກ່ຽວກັບການຮົ່ວໄຫລຂອງຂ່າວນັ້ນ ແຕ່ບໍ່ໄດ້ໃຫ້ລາຍລະອຽດອຶ່ນໃດ.
ທາງດ້ານລັດຖະມົນຕີຕ່າງປະເທດອັງກິດ ທ່ານ William Hague ນັ້ນ ກ່າວວ່າ ການ
ລັກຟັງໂທລະສັບໂດຍ GCHQ ທີ່ເປັນອົງການປ້ອງກັນຄວາມໝັ້ນຄົງຂອງອັງກິດນັ້ນ
ຖືກຕ້ອງຕາມກົດໝາຍ ແລະບໍ່ເປັນໄພຂົ່ມຂູ່ຕໍ່ຄວາມເປັນສ່ວນໂຕ. ແຕ່ທ່ານບໍ່ຍອມຮັບ
ຮູ້ຫລືປະຕິເສດ ລາຍງານຂ່າວທີ່ວ່າທາງ GCHQ ໄດ້ຮັບຂໍ້ມູນຈາກໂຄງການລັບຂອງ
ອົງການ NSA ຂອງສະຫະລັດ.
ເບິ່ງວີດິໂອ ທ່ານໂອບາມາກ່າວປ້ອງກັນໂຄງການລັກເກັບກໍາຂໍ້ມູນໂທລະສັບ:
ຂອງສະຫະລັດ ທີ່ໄດ້ເຮັດວຽກເປັນພະນັກງານສັນຍາຈ້າງຂອງ
ອົງການປ້ອງກັນຄວາມໝັ້ນຄົງແຫ່ງຊາດ ຫລື NSA ໄດ້ອອກ
ມາເປີດເຜີຍໂຕເອງ ໃນວັນອາທິດວານນີ້ວ່າ ເປັນແຫລ່ງຂ່າວ
ຂອງພວກໜັງສືພິມ ທີ່ລາຍງານຂ່າວວ່າ ລັດຖະບານສະຫະລັດ
ທໍາການຕິດຕາມຟັງໂທລະສັບ ແລະການຊົມໃຊ້ອິນເຕີແນັດ
ຂອງປະຊາຊົນນັ້ນ.
ທ້າວ Edward Snowden ອາຍຸ 29 ປີ ກ່າວວ່າ ລາວໄດ້ຕິດຕໍ່
ກັບ ໜັງສືພິມ The Guardian ແລະThe Washington Post
ທີ່ໄດ້ລາຍງານຂ່າວດັ່ງກ່າວ ໃນອາທິດແລ້ວນີ້.
ທ້າວ Snowden ທີ່ໄດ້ຫລົບໜີຈາກ ສະຫະລັດ ໄປຮົງກົງ
ເດືອນແລ້ວນີ້ ກ່າວວ່າ ລາວຈະບໍ່ຫລົບລີ້ ເພາະວ່າ ລາວບໍ່ໄດ້
ເຮັດຫຍັງຜິດ.
ລາວເວົ້າອີກວ່າ ລາວຮູ້ດີເຖິງຄວາມສ່ຽງອັນໃຫຍ່ຫລວງ ຈາກ
ຂ່າວທີ່ລາວເຜີຍແບອອກມາ ກ່ຽວກັບໂຄງການຕິດຕາມເບິ່ງບັນທຶກໂທລະສັບແລະໂຄງ
ການຊອກຄົ້ນຂໍ້ມູນທາງອິນເຕີແນັດ ທີ່ລັດຖະບານສະຫະລັດໄດ້ອອກແບບເຮັດຂຶ້ນມາ
ເພື່ອຕິດຕາມເບິ່ງໄພຂົ່ມຂູ່ຈາກພວກກໍ່ການຮ້າຍນັ້ນ.
ລາວຍັງໄດ້ບອກໜັງສືພິມ Washington Post ອີກວ່າ ລາວຈະຂໍລີ້ໄພຢູ່ໃນປະເທດໃດ
ກໍຕາມທີ່ມີຄວາມເຊື່ອຖື ໃນເສລີພາບໃນການປາກເວົ້າ ແລະຄວາມເປັນສ່ວນໂຕ ຢູ່ໃນ
ທົ່ວໂລກ.
ໜັງສືພິມ The Guardian ໄດ້ລາຍງານໃນອາທິດແລ້ວນີ້ວ່າ ອົງການປ້ອງກັນຄວາມ
ໝັ້ນຄົງແຫ່ງຊາດ NSA ໄດ້ເກັບກໍາບັນທຶກໂທລະສັບ ຂອງປະຊາຊົນອາເມຣິກັນ
ຫລາຍລ້ານຄົນ. ໝັງສືພິມສະບັບນີ້ ພ້ອມດ້ວຍໜັງສືພິມ Washington Post ຍັງໄດ້
ລາຍງານວ່າ ໂຄງການນຶ່ງອີກຕ່າງຫາກອີກ ທີ່ຮ້ອງວ່່າ PRISM ໄດ້ອໍານວຍໃຫ້ອົງ
ການ NSA ແລະຫ້ອງການສືບສວນກາງ ສະຫະລັດ ຫລື FBI ສາມາດເຂົ້າໄປສູ່
server ຂອງບັນດາບໍລິສັດບໍລິການອິນເຕີແນັດທີ່ສໍາຄັນໆ.
ບັນດາເຈົ້າໜ້າທີ່ສະຫະລັດ ບໍ່ໄດ້ປະຕິເສດລາຍງານຂ່າວເຫລົ່ານັ້ນ ແລະເວົ້າວ່າ ບໍ່ມີ
ໃຜລັກຟັງໂທລະສັບຂອງໃຜໝົດ ແລະລາຍລະອຽດທີ່ເຂົາເຈົ້າເກັບກໍາມາໄດ້ນັ້ນ ໄດ້
ຢຸດຢັ້ງແຜນການກໍ່ການຮ້າຍ ຫລາຍເທຶ່ອແລ້ວ.
ກະຊວງຍຸຕິທໍາສະຫະລັດ ກ່າວວ່າ ຕົນໄດ້ເປີດສາກທໍາການສືບສວນທາງຄະດີອາຍາ
ກ່ຽວກັບການຮົ່ວໄຫລຂອງຂ່າວນັ້ນ ແຕ່ບໍ່ໄດ້ໃຫ້ລາຍລະອຽດອຶ່ນໃດ.
ທາງດ້ານລັດຖະມົນຕີຕ່າງປະເທດອັງກິດ ທ່ານ William Hague ນັ້ນ ກ່າວວ່າ ການ
ລັກຟັງໂທລະສັບໂດຍ GCHQ ທີ່ເປັນອົງການປ້ອງກັນຄວາມໝັ້ນຄົງຂອງອັງກິດນັ້ນ
ຖືກຕ້ອງຕາມກົດໝາຍ ແລະບໍ່ເປັນໄພຂົ່ມຂູ່ຕໍ່ຄວາມເປັນສ່ວນໂຕ. ແຕ່ທ່ານບໍ່ຍອມຮັບ
ຮູ້ຫລືປະຕິເສດ ລາຍງານຂ່າວທີ່ວ່າທາງ GCHQ ໄດ້ຮັບຂໍ້ມູນຈາກໂຄງການລັບຂອງ
ອົງການ NSA ຂອງສະຫະລັດ.
ເບິ່ງວີດິໂອ ທ່ານໂອບາມາກ່າວປ້ອງກັນໂຄງການລັກເກັບກໍາຂໍ້ມູນໂທລະສັບ:
