ສະພາຕ່ຳຂອງ Brazil ໄດ້ລົງຄະແນນສຽງ ໃນວັນຈັນວານນີ້ ທີ່ຈະປົດອອກຈາກຕຳແໜ່ງ ສະມາຊິກສະພາສູງ ຊຶ່ງເປັນຜູ້ນຳພາໃນການຟ້ອງຮ້ອງ ອະດີດປະທານາທິບໍດີ ທ່ານນາງ Dilma Rousseff.
ການລົງຄະແນນສຽງ ເພື່ອປົດທ່ານ Eduado Cunha ອອກຈາກຕຳແໜ່ງ ແມ່ນຖ້ວມລົ້ນ 450 ຕໍ່ 10 ຄະແນນ.
ທ່ານໄດ້ຖືກກ່າວຫາວ່າ ຕົວະກ່ຽວກັບບັນຊີລັບໃນທະນາຄານທີ່ປະເທດ Switzerland
ທ່ານ Cunha ໄດ້ກ່າວວ່າ ຊັບສິນຂອງທ່ານໄດ້ຖືກເກັບໄວ້ໃນບັນຊີ ທີ່ທ່ານເອງບໍ່ໄດ້ເປັນ
ຜູ້ຄວບຄຸມ.
ໃນອີກເລື້ອງນຶ່ງນັ້ນ ທ່ານ Cunha ແມ່ນມີສ່ວນກ່ຽວຂ້ອງກັບການສໍ້ລາດບັງຫຼວງ ທີ່ມີການກ່າວຫາວ່າພົວພັນກັບບໍລິສັດນ້ຳມັນລັດວິສາຫະກິດ Petrobas.
ການລົງຄະແນນສຽງຂອງສະພາສູງ Brazil ໄດ້ລົງຄະແນນສຽງໃນເດືອນແລ້ວນີ້ ປົດທ່ານ Rousseff ອອກຈາກໜ້າທີ່ ຍ້ອນລະເມີດກົດງົບປະມານຂອງລັດຖະບານກາງ.
ທ່ານນາງ Rousseff ໄດ້ຖືກກ່າວຫາວ່າ ໃຊ້ເງິນຢ່າງຜິດກົດໝາຍຈາກທະນາຄານຂອງລັດ ເພື່ອໄປຖົມຂຸມງົບປະມານຂອງລັດຖະບານກາງ ໃນຄວາມພະຍາຍາມທີ່ຈະຫາສຽງ ຄວາມນິຍົມຊົມຊອບ ກ່ອນໜ້າການເລືອກຕັ້ງປະທານາທິບໍດີ ໃນປີ 2014. ທ່ານນາງໄດ້ປະຕິເສດຕໍ່ການກະທຳຜິດໃດໆ ແລະໄດ້ກ່າວວ່າ ຝ່າຍຄ້ານທາງການເມືອງຂອງທ່ານນາງ ໄດ້ໃຊ້ການຟ້ອງຮ້ອງດຳເນີນຄະດີ ເພື່ອປົດທ່ານນາງອອກຈາກ ຕຳແໜ່ງ ແລະເປັນບ່ອນທຳລາຍປະຊາທິປະໄຕໃນ Brazil.
ອ່ານຂ່າວນີ້ເພີ້ມຕື່ມເປັນພາສາອັງກິດ
