ຜູ້ປົກຄອງລັດ Gombe ຂອງໄນຈີເຣຍ ໄດ້ປະກາດໃຊ້ການຫ້າມ
ອອກຈາກເຮືອນຊານ ເປັນເວລາ 24 ຊົ່ວໂມງ ໃນການຮັບມືກັບ
ການໂຈມຕີຂອງພວກ Boko Haram ທີ່ໄດ້ພາໃຫ້ເກີດການຍິງ
ຕໍ່ສູ້ກັນຢ່າງໜັກ ໃນວັນເສົາວານນີ້.
ໂຄສົກຂອງເຈົ້າຄອງລັດດັ່ງກ່າວ ໄດ້ປະກາດການຫ້າມສັນຈອນ
ໃນວັນເສົາວານນີ້ ແລະເວົ້າວ່າ ເຖິງແມ່ນການຕໍ່ສູ້ກັນກຳລັງເກີດ
ຂຶ້ນຢູ່ໃນເມືອງ Gombe ກໍຕາມ ແຕ່ຫາກການຫ້າມອອກຈາກ
ເຮືອນຊານ ມີກຳນົດໃຊ້ໃນທົ່ວລັດ ຊຶ່ງຊື່ Gombe ຄືກັນກັບ
ເມືອງນັ້ນ. ທ່ານກ່າວວ່າ ໃຫ້ປະຊາຊົນຢູ່ພາຍໃນເຮືອນ ຈົນກວ່າ
ຈະມີແຈ້ງການເພີ້ມຕື່ມອີກ ໃນຂະນະທີ່ກອງກຳລັງຮັກສາຄວາມປອດໄພ ພະຍາຍາມ
ຊອກຫາພວກມືປືນ ແລະ ນຳເອົາຄວາມເປັນລະບຽບຮຽບຮ້ອຍ ກັບຄືນມາ.
ບໍ່ມີການປະກາດວ່າ ມີຜູ້ເສຍຊີວິດໃດໆ.
ລາຍງານຈຳນວນ ນຶ່ງກ່າວວ່າ ການປິດລ້ອມແມ່ນສິ້ນສຸດລົງແລ້ວ
ແລະ ວ່າພວກມືປືນໄດ້ ຫລົບໜີໄປ ພ້ອມກັນກັບຊາກສົບຂອງ
ສະມາຊິກພວກເຂົາ ແລະ ພວກທີ່ໄດ້ຮັບບາດເຈັບ.
ລາຍງານຕ່າງໆຈາກບໍລິເວນທີ່ເກີດເຫດ ກ່າວວ່າ ພວກຫົວຮຸນແຮງ
ໄດ້ເຜີຍແຜ່ ໜັງສືເຕືອນພົນລະເມືອງ ບໍ່ໃຫ້ອອກໄປໃຊ້ສິດ ໃນ
ການເລືອກຕັ້ງທົ່ວໄປ ທີ່ໄດ້ກຳນົດຈະມີຂຶ້ນ ໃນວັນເສົາທີ 14 ວານ
ນີ້ ແຕ່ໄດ້ຖືກເລື່ອນອອກໄປເປັນເວລາ 6 ອາທິດ ຍ້ອນຄວາມກັງ
ວົນດ້ານຄວາມປອດໄພ.
ຢູ່ໃນໜັງສືທີ່ເຜີຍແຜ່ອອກໃນວັນເສົາວານນີ້ ພວກຫົວຮຸນແຮງ ສັນຍາວ່າ ຈະໂຈມຕີ ສູນໜ່ວຍປ່ອນບັດເລືອກຕັ້ງທຸກໆແຫ່ງ ໃນລະຫວ່າງການເລືອກຕັ້ງນັ້ນ. ໜັງສືດັ່ງກ່າວຍັງຮຽກຮ້ອງໃຫ້ພົນບະເມືອງຊາວມຸສລິມ ໃຫ້ຢູ່ໃນເຮືອນ ເພື່ອຄວາມປອດໄພຂອງພວກເຂົາເຈົ້າເອງ.
