ລິ້ງ ສຳຫລັບເຂົ້າຫາ

ວັນພຸດ, ໒໔ ເມສາ ໒໐໒໔

ປ. ໄບເດັນ ປະກາດການຊ່ວຍເຫລືອ ດ້ານດິນຟ້າອາກາດ ​ແລະ​ພື້ນ​ຖານໂຄງ​ລ່າງ ແກ່ບັນດາປະເທດໝູ່ເກາະປາ​ຊີຟິກ


ປະທານາທິບໍດີໂຈ ໄບເດັນ ສົນທະນາກັບບັນດານາຍົກລັດຖະມົນຕີໝູ່ເກາະ Cook Islands ທ່ານr Mark Brown ທີສອງຈາກຊ້າຍ ທີ່ນະຄອນຫລວງວໍຊິງຕັນ ວັນທີ 25 ກັນຍາ 2023
ປະທານາທິບໍດີໂຈ ໄບເດັນ ສົນທະນາກັບບັນດານາຍົກລັດຖະມົນຕີໝູ່ເກາະ Cook Islands ທ່ານr Mark Brown ທີສອງຈາກຊ້າຍ ທີ່ນະຄອນຫລວງວໍຊິງຕັນ ວັນທີ 25 ກັນຍາ 2023

ປະທານາທິບໍດີສະຫະລັດ ທ່ານໂຈ ໄບເດັນ ໄດ້ເລີ້ມກອງປະຊຸມສຸດຍອດ ບັນ ດາປະເທດເກາະດອນປາຊິຟິກຂອງທ່ານ ​ໃນ​ວັນ​ຈັນ​ວານນີ້ ດ້ວຍການຂໍຂະມາໂທດ ແລະການຮັບຮູ້. ກ່ອນອື່ນ ທ່ານໄດ້ກ່າວສະ​ແດງຄວາມເສຍໃຈຂອງທ່ານ ຕໍ່ການຍົກ​ເລີກການ​ເດີນ​ທາງ​ໄປຢ້ຽມຢາມປາປົວ ນິວກີນີ ໃນຕົ້ນປີນີ້ ທ່າມກາງບັນຫາການເມືອງພາຍໃນ. ແລະຕໍ່ມາທ່ານໄດ້ສັນລະເສີນ ​ການຮັບຮູ້​ດ້ານການທູດສະຫະລັດຕໍ່ປະ​ເທດ​ໝູ່ເກາະ Cook ແລະປະເທດເກາະດອນນ້ອຍໆ Niue.

ທ່ານໄບເດັນ ຍັງໄດ້ເຈາະຈົງໃສ່ອັນຕະລາຍຈາກການຂົ່ມຂູ່ທີີມີຢູ່ ທີ່ບັນດາ 18 ປະເທດເຫລົ່ານີ້ໄດ້ຖືກ​ລະ​ບຸຊື່ເນື່ອງຈາກການປ່ຽນແປງ​ຂ​ອງດິນຟ້າອາກາດແລະ ໄດ້ປະກາດໃຫ້ທຶນການຊ່ວຍເຫລືອດ້ານດິນຟ້າອາກາດ ແລະ​ພື້ນ​ຖານໂຄງລ່າງ. ​ໂດຍທັງໝົດ​ແລ້ວ ທຳນຽບຂາວໄດ້ກ່າວວ່າ ທ່ານໄບເດັນ ໄດ້ປະກາດ​ເງິນທຶນປະມານ 200 ລ້ານໂດລາເພື່ອ “ສະແດງໃຫ້​ເຫັນເຖິງຄວາມໝັ້ນໝາຍ​ຂອງ​ສະ​ຫະລັດ ທີ່​ຈະເຮັດວຽກຮ່ວມກັນ ກັບບັນດາ​ປະ​ເທດເກາະດອນປາຊິຟິກ ເພື່ອຂະ ຫຍາຍ ແລະລົງເລິກການຮ່ວມມື ໃນຫລາຍປີຂ້າງໜ້າ.”

“ພວກເຮົາໄດ້ຍິນຄຳເຕືອນພວກທ່ານ ຂອງລະ​ດັບນໍ້າທະເລສູງຂຶ້ນແລະໄດ້ເປັນຂົ່ມຂູ່ ຕໍ່​ຄວາມ​ຢູ່​ລອດ​ ບັນດາປະເທດຂອງທ່ານ” ທ່ານໄບເດັນໄດ້ກ່າວ. “ພວກ ເຮົາໄດ້ຍິນຄວາມຮຽກຮ້ອງເພື່ອຄໍ້າປະກັນວ່າ ພວກທ່ານຈະບໍ່ເຄີຍ ບໍ່ເຄີຍ ບໍ່ເຄີຍ ສູນເສຍປະເທດຂອງພວກທ່າ ຫລືສະມາຊິກຢູ່ອົງການສະຫະປະຊາຊາດ ອັນເປັນຜົນມາຈາກວິກິດການດິນຟ້າອາກາດ.”

ບັນດາສະມາຊິກ 18 ປະເທດ ໄດ້ເປັນສະໜາມລົບຂອງການຍາດ​ແຍ່ງ​ອາ​ນາ​ນິ​ຄົມມາເປັນເວລາຫລາຍສັດຕະວັດ. ​ໝູ່ເກາະ Cook ໂດຍສະເພາະ ໄດ້ໃສ່ຊື່​ຕາມຄັບຕັນ ເຈມສ໌ ຄຸກ ຜູ້ບໍ່ມີຄວາມຢ້ານກົວ ນັກຜະຈົນໄພອັງກິດ ຜູ້ທີ່ໄດ້​ບຸກ
ເຂົ້າ​ຢຶດເອົາຢ່າງຮຸນແຮງ ດິນ​ແດນ​ໃນ​ຂອບ​ເຂດທີ່ກວ້າງຂວາງ ຂອງ​ພວກ​ຊົນ​ເຜົ່າ​ພື້ນ​ເມືອງ ໃນທົ່ວປາຊິຟິກ ນັບ​ແຕ່ອອສເຕເລຍ ໄປຫາການາດາ ເພື່ອປົກ ຄອງ. ທ່ານໄດ້ຖືກສັງຫານ ຍ້ອນ​ຄວາມ​ຮຸນ​ແຮງໃນປີ 1779 ໂດຍບັນດາ​ຊົນ​ເຜົ່າ​ພື້ນ​ເມືອງຮາວາຍ ທີ່ໄດ້ສະຫລອງກັນຢູ່ໃນເກາະດັ່ງກ່າວ ມາຈົນຮອດມື້ນີ້.

ອ່ານຂ່າວນີ້ເປັນພາສາອັງກິດ

XS
SM
MD
LG