ລິ້ງ ສຳຫລັບເຂົ້າຫາ

ວັນອັງຄານ, ໒໓ ເມສາ ໒໐໒໔

ປັກກິ່ງ ເສັດສິ້ນ ການຢຶດເອົາ ດິນແດນ ທີ່ຂັດແຍ້ງກັນ ໃນທະເລຈີນໃຕ້ ຂັ້ນ​ທຳ​ອິດ


ກຳປັ່ນລົບ ຂອງກອງທັບເຮືອ ສະຫະລັດ ເຫັນໄດ້ຈາກ ຫ້ອງຄວບຄຸມ ຂອງກຳປັ່ນພິຄາດ ຕິດລູກສອນໄຟນຳວິຖີ ຊື່ວ່າ USS Spruance, ຢູ່ໃນທະເລຈີນໃຕ້, ວັນທີ 17 ຕຸລາ 2016, ພາບສະໜອງໂດຍ ກອງທັບເຮືອສະຫະລັດ.
ກຳປັ່ນລົບ ຂອງກອງທັບເຮືອ ສະຫະລັດ ເຫັນໄດ້ຈາກ ຫ້ອງຄວບຄຸມ ຂອງກຳປັ່ນພິຄາດ ຕິດລູກສອນໄຟນຳວິຖີ ຊື່ວ່າ USS Spruance, ຢູ່ໃນທະເລຈີນໃຕ້, ວັນທີ 17 ຕຸລາ 2016, ພາບສະໜອງໂດຍ ກອງທັບເຮືອສະຫະລັດ.

ເຮືອ​ບິນ​ລົບ​ບີ 52 ຂອງ​ສະ​ຫະ​ລັດ ໄດ້​ບິນ​ຜ່ານ​ເຂດ​ທະ​ເລ​ຈີນ​ໃຕ້ ໃນ​ການບິນປະ​ຕິ​ບັດ
​ງານ​ຝຶກ​ຊ້ອມ​ເມື່ອ​ວັນ​ພຸດ​ທີ່ຜ່ານນີ້ ຊຶ່ງ​ເປັນ​ເທື່ອ​ທີ 2 ໃນ​ໄລ​ຍະ 10 ມື້ ​ອັນເປັນ​ການ​ກະ
​ທຳ​ທີ່​ປັກ​ກິ່ງ​ຖື​ວ່າ ເປັນ​ການ​ທ້າ​ທາຍນັ້ນ. ​ເຈົ້າ​ໜ້າ​ທີ່​ຈີນ​ໄດ້​ສະແດງ​ຄວາມ​ບໍ່​ພໍ​ໃຈ ໃນ
​ການ​ທ້າ​ທາຍ​ໃດໆ​ກໍ​ຕາມ ຕໍ່​ການ​ຄວບ​ຄຸມ ບັນ​ດາເກາະ​ດອນ​ນ້ອຍໆ ຈຳ​ນວນ​ຫຼາຍ
​ຮ້ອຍ​ເກາະ​ດອນ​ ຢູ່​ໃນ​ເຂດ​ທະ​ເລ​ຈີນ​ໃຕ້ ຊຶ່ງ​ປະ​ເທດ​ອື່ນໆກໍ​ອ້າງ​ເອົາ​ກຳ​ມະ​ສິດ​ຄື​ກັນ.

ໝູ່ເກາະດອນ ທີ່ເອີ້ນວ່າ Paracel Islands
ໝູ່ເກາະດອນ ທີ່ເອີ້ນວ່າ Paracel Islands

ແຕ່​ກໍ​ເປັນ​ທີ່​ປາ​ກົດ​ວ່າ ຈີນ ຊຶ່ງ​ຢ່າງ​ນ້ອຍ​ກໍ​ໃນ​ເວ​ລານີ້ ແມ່ນ​ສຳ​ເລັດ​ເປັນ​ທີ່​ຮຽບ​ຮ້ອຍ
​ແລ້ວ ໃນ​ການ​ຖົມ​ເກາະ​ດອນ​ຂອງ​ຕົນຢູ່​ໃນ​ທະ​ເລ ​ທີ່​ຈີນ​ໄດ້​ອ້າງ​ເອົາ​ກຳ​ມະ​ສິດທັງ​ໝົດ
ຫຼື​ເປັນ​ບາງ​ສ່ວນ​ ຂອງ​ລັດ​ຖະ​ບານ​ອື່ນໆ​ອີກ 5 ປະ​ເທດ ທີ່​ພວກ​ນັກ​ຊ່ຽວຊານ​ທາງ​ດ້ານ
​ທະ​ເລ​ ຕ່າງ​ກໍ​ເຫັນ​ພ້ອມ​ນຳ​ກັນ. ເຂົາ​ເຈົ້າ​ກ່າວ​ວ່​າ ຄວາມ​ພະ​ຍາ​ຍາມ​ໃນ​ການ​ຖົມ​ເກາະ
​ດອນເພື່ອ​ສ້າງ​ທີ່​ໝັ້ນ​ຂອງ​ຕົນ​ໃສ່​ເກາະ​ຫີນ​ນ້ອຍໆ ຊຶ່ງ ​ຄັ້ງ​ນຶ່ງ​ບໍ່​ເຄີຍ​ມີ​ຜູ້​ຄົ​ນ​ອາ​ໄສ​ຢູ່ນັ້ນ
ໄດ້​ມີ​ການ​ຢຸດ​ເຊົາ​ແບບ​ບໍ່​ມີ​ກຳ​ນົດ​ມາ​ໄດ້ 2 ປີ ​ແລ້ວ ຍ້ອນ​ວ່າ​ປັກ​ກິ່ງ ​ໄດ້​ບັນ​ລຸ​ລະ​ດັບ​
ການ​ຄວບ​ຄຸມ​ທີ່​ຕົນ​ຕ້ອງ​ການ​ເໜືອ​ບໍ​ລິເວນ ​ເຂດ​ທະ​ເລ​ດັ່ງ​ກ່າວ.

ສິ່ງປຸກສ້າງຂອງຈີນ ແມ່ນຢູ່ໃນພາບຖ່າຍ ໃນເຂດທີ່ມີການຂັດແຍ້ງກັນຂອງໝູ່ເກາະ Spratlys ໃນທະເລຈີນໃຕ້, ວັນທີ 21 ເມສາ 2017.
ສິ່ງປຸກສ້າງຂອງຈີນ ແມ່ນຢູ່ໃນພາບຖ່າຍ ໃນເຂດທີ່ມີການຂັດແຍ້ງກັນຂອງໝູ່ເກາະ Spratlys ໃນທະເລຈີນໃຕ້, ວັນທີ 21 ເມສາ 2017.

ທ່ານ​ຢຸນ​ ຊຸນ ເຈົ້າ​ໜ້າ​ທີ່​ອະ​ວຸ​ໂສ​ຂອງ​ໂຄງ​ການ​ເອ​ເຊຍ​ຕາ​ເວັນ​ອອກ ປະ​ຈຳ​ສູນກາງ
ວິ​ເຄາະ​ສ​ຕິມ​ຊັນ ທີ່​ນະ​ຄອນ​ຫຼວງວໍ​ຊິງ​ຕັນ​ກ່າວ​ວ່າ “ຈີນໂດຍ​ພື້ນ​ຖານ​ແລ້ວ ຮູ້​ວ່​າ ຕົນ
​ໄດ້​ສຳ​ເລັດ​ເສັດ​ສິ້ນ ໃນ​ອັນ​ທີ່​ຈີນ​ເອີ້ນ​ວ່າ ການ​ຖົມ​ເກາະ​ດອນ​ຂັ້ນ​ທີ 1 ໃນ​ທະ​ເລ​
ຈີນ​ໃຕ້.”

ການ​ຖົມ​ເກາະ​ດອນ​ທີ່​ເລີ້ມ​ມາ​ແຕ່​ປີ 2010 ໄດ້​ພາ​ໃຫ້​ມີ​ການ​ກໍ່​ສ້າງ​ບ່ອນ​ເກັບ​ເຮືອ​ບິນ
ລະ​ບົບ​ເຣ​ດ້າ ແລະ​ສະ​ຖານ​ທີ່​ໃຫ້​ການ​ສະ​ໜັບ​ສະ​ໜຸ​ນ​ການ​ຫາ​ປາ ແລະ​ການສຳ​ຫຼວດ ​
ນ້ຳ​ມັນ. ມີ​ປະ​ຊາ​ຊົນ​ພົນ​ລະ​ເຮືອນ​ອາ​ໄສ​ຢູ່​ຕາມ​ເກາະ​ດອນ​ນ້ອຍໆ​ເຫຼົ່າ​ນີ້ ຈຳ​ນວນ​ນຶ່ງ.
ຈີນ​ຄວບ​ຄຸມໝູ່​ເກາະ​ພາ​ຣາ​ແຊ​ລແຕ່​ພຽງ​ຜູ້​ດຽວ ຊຶ່ງ​ມີ​ທັງ​ໝົດ 130 ເກາະ​ດອນ ແລະ
​ເກາະ​ໃຫຍ່ 7 ເກາະ ຂອງ​ໝູ່​ເກາະ​ສ​ແປ​ຣັດ​ລີ.

ອ່ານຂ່າວນີ້ຕື່ມ ເປັນພາສາອັງກິດ

XS
SM
MD
LG