ລິ້ງ ສຳຫລັບເຂົ້າຫາ

ບັງກລາແດັສ ປະທ້ວງ ມຽນມາ ທີ່ໄດ້ລະເມີດ ເຂດອາກາດ ຂອງຕົນ


ນາງ Zahida Banoo ແມ່ຍິງຊາວໂຣຮິງຢາ ພວມອູ້ມລູກຊາຍ ທ້າວ Mohammad Noor (ຊ້າຍ) ແລະລູກສາວ ນາງ Shah Heer ຂະນະທີ່ນາງຖ່າຍຮູບ ຢູ່ສູນອົບພະຍົບ.

ບັງ​ກລາ​ແດັສ ​ໄດ້​ທຳ​ການ​ປະ​ທ້ວງ ຕໍ່​ການ​ລ່ວງ​ລະ​ເມີດ​ເຂດ​ອາກາດ​ຂອງ​ຕົນ​ໂດຍ​ເຮືອ
ບິນ​ເຮຣີຄອບ​ເຕີ້ແລະ​ເຮືອບິນ​ບໍ່​ມີ​ຄົນ​ຂັບຂອງ​ມຽນມາ​ຂະນະ​ທີ່​ຄວາມ​ເຄັ່ງ​ຕຶງລະຫວ່າງ​
ປະ​ເທດ​ທັງ​ສອງ​ເພີ້​ມທະວີ​ຂຶ້ນ ຍ້ອນ​ການ​ຫຼັງ​ໄຫຼ ເປັນ​ຈຳນວນ​ຫລວງຫຼາຍຂອງ​ອົບ​ພະ
ຍົບ​ໂຣຮິງ​ຢາ ​ເຂົ້າ​ໄປ​ໃນ​ບັງ​ກລາ​ແດັສ.

ກະຊວງ​ການ​ຕ່າງປະ​ເທດ​ບັງ​ກລາ​ແດັສ ​ໄດ້​ຮຽກ​ຕົວ ​ອຸບ​ປະ​ທູດ​ມຽນມາ​ເຂົ້າພົບ ​ທີ່ນະ ຄອນຫຼວງດາ​ກາ​ ແລະ​ໄດ້​ເຕືອນ​ກ່ຽວ​ກັບການລ່ວງ​ລະ​ເມີດ ​ຕໍ່​ເຂດ​ອາກາດ​ຂອງ​ຕົນ​ ທີ່
ອາດ​ຈະ​ນຳ​ໄປ​ສູ່ “ຜົນ​ທີ່ຕິດຕາມ​ມາ​ແບບ​ຮັບປະກັນ​ບໍ່​ໄດ້.”

​ນີ້​ແມ່ນ​ເທື່ອ​ທີ 3 ​ໃນ​ໄລຍະ 3 ອາທິດ ທີ່​ບັງ​ກລາ​ແດັສ​ ໄດ້​ຮຽກ​ຕົວ​ ເຈົ້າໜ້າ​ທີ່​ການທູດ​
ຂອງ​ມຽນມາ​ເຂົ້າພົບໃນ​ຂະນະ​ທີ່​ວິ​ກິດ​ການ​ອົບ​ພະຍົບ​ໂຣຮິງ​ຢາທະວີ​ຄວາມ​ຮ້າຍ​ແຮງ​
ຂຶ້ນ.

ທ້າວ Bodi-Ur-Rehman ຜູ້ຊາຍຊາວມຸສລິມໂຣຮິງຢາ
ທ້າວ Bodi-Ur-Rehman ຜູ້ຊາຍຊາວມຸສລິມໂຣຮິງຢາ

ໂຄສົກ​ຂອງ​ອົງການ​ສະຫະ​ປະຊາ​ຊາດ ທ່ານ Stephane Dujarric ກ່າວ​ໃນ​ວັນ​ສຸກ​
ວານ​ນີ້ວ່າ ຈຳນວນ​ພວກ​ອົບ​ພະຍົບ​ໂຣຮິງ​ຢາ ທີ່​ຫລົບ​ໜີ​ຂ້າມ​ຊາຍ​ແດນຈາກ​ມຽນມາ
ເຂົ້າ​ໄປ​ໃນ​ບັງ​ກລາ​ແດັສນັ້ນ ​ໄດ້​ເພີ້​ມຂຶ້ນ​ເປັນ 391,000 ຄົນ​ແລ້ວ.

ພວກ​ອົບ​ພະຍົບ​ໂຣຮິງ​ຢາ ​ກ່າວ​ວ່າ ທະຫານ​ມຽນມາ ​ແລະ​ພວກ​ຊາວ​ພຸດ ຊຶ່ງ​ເປັນຄົນ​
ກຸ່ມ​ໃຫຍ່​ໃນ​ປະ​ເທດ​ດັ່ງກ່າວ ​ໄດ້​ໂຈມ​ຕີ​ໝູ່​ບ້ານ​ເຂົາ​ເຈົ້າຢູ່​ລັດ​ຣາ​ໄຄ​ນ໌ທາງພາກ​ເໜືອ
ຂອງ​ປະ​ເທດ ໂດຍ​ໄດ້​ບັງຄັບ​ໃຫ້​ພວກ​ເຂົາ​ເຈົ້າຫຼົບໜີ. ມີ​ລາຍ​ງານ​ວ່າ ບ້ານ​ຕ່າງໆ​ໄດ້​
ຖືກຈູດ​ເຜົາ ​ແລະ​ພວກ​ທະຫານ​ໄດ້​ແນ​ເປົ້າໝາຍ​ໃສ່​ພົນລະ​ເຮືອນ ດ້ວຍ​ຄວາມ​ຕັ້ງ​ໃຈ
​ແຕ່​ການ​ເຂົ້າ​ໄປ​ເຖິງ​ເຂດ​ເຫຼົ່ານັ້ນ ​ແມ່ນ​ໄດ້​ຖືກ​ຈຳກັດ ​ແລະ​ລາຍ​ງານ​ຕ່າງໆ​ກໍ​ຍັງ​ບໍ່​ສາ
ມາດ​ໄດ້​ຮັບການ​ພິສູດ​ຢ່າງ​ເປັນ​ອິດສະຫຼະ​ໄດ້.

ທ່ານ Dujarric ​ເວົ້າວ່າ ລົດ​ບັນທຸກ 15 ຄັນ ຂອງ​ຈຳນວນ​ທັງ​ໝົດ 35 ຄັນ​ທີ່​ລຳລຽງ​
ການ​ຊ່ອຍ​ເຫຼືອ ຂອງ​ອົງການ​ອົບ​ພະຍົບສະຫະ​ປະຊາ​ຊາດ​ ໄດ້​ໄປ​ເຖິງ​ເຂດ Cox’s
Bazaar ​ໃນ​ວັນ​ສຸກ​ວານ​ນີ້ໃນ​ຂະນະ​ທີ່​ອົງການ​ໃຫ້​ຄວາມ​ຊ່ອຍ​ເຫຼືອອື່ນໆ​ໄດ້​ຈັດ​ສົ່ງ
ການ​ຊ່ອຍ​ເຫລືອ​ຂອງ​ພວກ​ເຂົາ​ເຈົ້າ​ໄປ​ຍັງ​ບັງ​ກລາ​ແດັສ​ໂດຍ​ທາງ​ເຮືອ ບິນ.

​ໂຄສົກກ່າວ​ວ່າ ອົງການ​ອະນາ​ໄມ​ໂລກ​ເລີ້ມການ​ຊັກ​ຢາ​ວັກ​ຊີ​ນ​ໃຫ້​ພວກ​ເດັກນ້ອຍ
ອົບ​ພະຍົບ​ໃນ​ວັນ​ເສົາ​ມື້ນີ້ ​ເພື່ອ​ປ້ອງ​ກັນ​ໂຮ​ກ​ໄຂ້​ອອກ​ຕຸ່ມ ​ແລະ​ໂປ​ລີ​ໂອ.

ອ່ານຂ່າວນີ້ຕື່ມເປັນພາສາອັງກິດ

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG