ເລຂາທິການໃຫຍ່ ອົງການສະຫະປະຊາຊາດ ທ່ານ Ban Ki-moon
ກ່າວວ່າ ອົງການ ສະຫະປະຊາຊາດ “ຈະເປັນຜູ້ນຳ” ໃນການ
ດຳເນີນຄວາມພະຍາຍາມເພື່ອຕໍ່ສູ້ກັບເຊື້ອໄວ ຣັສອີໂບລາ ທີ່ກຳລັງ
ແຜ່ລະບາດ ຢູ່ໃນອາຟຣິກາຕາເວັນຕົກ.
ທ່ານໄດ້ບອກກັບບັນດານັກຂ່າວ ໃນວັນອັງຄານວານນີ້ວ່າ
ທ່ານແລະທ່ານນາງ Margaret Chan ຜູ້ອຳນວຍການອົງການ
ອະນາໄມໂລກ ຫຼື WHO ຈະກ່າວເຖິງແຜນ ການນາໆຊາດ
ໃນວັນພະຫັດມື້ອື່ນນີ້ ໃນລະຫວ່າງກອງປະຊຸມສຸກເສີນຂອງ
ສະພາຄວາມໝັ້ນຄົງອົງການສະຫະປະຊາຊາດ.
ສະພາດັ່ງກ່າວ ມີກຳນົດຈະລົງຄະແນນສຽງໃນມື້ດຽວກັນ ກ່ຽວກັບຮ່າງຍັດຕິທີ່ນຳສະເໜີ ໂດຍສະຫະລັດທີ່ ໄດ້ຮຽກຮ້ອງໃຫ້ບັນດາປະເທດສະມາຊິກ ສົ່ງການຊ່ອຍເຫຼືອໃນທັນທີ ໂຮງພະຍາບານສະໜາມ ແລະພະນັກງານສາທາລະນະສຸກ ໄປຍັງບັນດາປະເທດທີ່ໄດ້ ຮັບຜົນກະທົບ ພ້ອມທັງການການຍົກເລີກ ການຫ້າມເດີນທາງໄປຍັງຂົງເຂດດັ່ງກ່າວນຳ.
ທ່ານ Ban ໄດ້ກ່າວວ່າ ກອງປະຊຸມສະມັດຊາໃຫຍ່ອົງການສະຫະປະຊາຊາດ ຍັງຈະຈັດກອງປະຊຸມລະດັບສູງ ກ່ຽວກັບສະຖານະການໃນສັບປະດາໜ້າ. ທ່ານໄດ້ເອີ້ນ ການແຜ່ລະບາດຂອງອີໂບລານີ້ວ່າ “ເປັນວິກິດການທີ່ຮ້າຍແຮງແລະຕ້ອງການ ການຕອບຮັບ
ທີ່ ດີເປັນພິເສດຂອງໂລກ.”
ອີໂບລາ - ວັນທີ 16 ກັນຍາ, 2014
ທ່ານ Ban ກ່າວວ່າ: “ໃນແຕ່ລະມື້ ທີ່ພວກເຮົາໄດ້ຊັກຊ້າ ງົບປະມານການໃຊ້ຈ່າຍ
ແລະພວກທີ່ໄດ້ຮັບຄວາມທຸກທໍລະມານ ແມ່ນຍິ່ງເພີ້ມທະວີຂຶ້ນສູງຢ່າງຫຼວງຫຼາຍ.
ພວກເຮົາບໍ່ປ່ອຍໃຫ້ການຫ້າມເດີນທາງ ຫຼືການຂົນສົ່ງໃດໆ ເຮັດໃຫ້ພວກເຮົາມີ
ການຊັກຊ້າພວກເຮົາລົງ. ພວກເຮົາຕ້ອງໄດ້ໂດດດ່ຽວພວກທີ່ໄດ້ຮັບຜົນກະທົບ
ຈາກອີໂບລາ ບໍ່ແມ່ນບັນດາປະເທດຕ່າງໆ ທີ່ພວມດີ້ນຮົນເພື່ອຮັບມືກັບບັນຫາດັ່ງກ່າວ.”
ປະທານາທິບໍດີສະຫະລັດ ບາຣັກ ໂອບາມາ ໄດ້ປະກາດໃນວັນອັງຄານວານນີ້ ກ່ຽວກັບການ
ສົ່ງທະຫານສະຫະລັດຫຼາຍພັນຄົນ ຊຶ່ງໝາຍຄວາມວ່າເພື່ອຊ່ອຍເພີ້ມຄວາມສາມາດໃນການ
ໃຫ້ບໍລິການທາງດ້ານສາທາລະນະສຸກໃນເຂດອາຟຣິກາຕາເວັນຕົກ ບ່ອນທີ່ເກືອບ 2 ພັນ 5 ຮ້ອຍຄົນແລ້ວ ໄດ້ເສຍຊີວິດຍ້ອນການແຜ່ລະບາດຂອງໂຣກອີໂບລານີ້.
