ທິມຟຸດບອລ Ravens ຂອງ Baltimore ຄອງຕໍາແໜ່ງແຊ້ມ Super Bowl 2013 (ສະໄລດ໌)

ໃນ​ການ​ແຂ່ງ​ຂຽນ​ເອົາ​ຕໍາ​ແໜ່​ງ​ແຊ້ມກິລາຟຸດ​ບອລອາຊີບ​ຂອງ
ອາ​ເມຣິ ການັ້ນ ທີ​ມ Ravens ຂອງ​ເມືອງ Baltimore ຫລື
Baltimore Ravens ​ຄ້ວາ​ເອົາ​ຂັນ Super Bowl ປີ 2013
ມາ​ໄດ້​ ​ໂດຍ​ໄດ້ຊະນະ ທີມ 49ers ຂອງ​ເມືອງ San Francisco
ຫລື San Francisco 49ers ໃນ​ແລງ​ວັນ​ອາທິດວານ​ນີ້ ຢ່າງ
ໝິ່ນໆ ດ້ວຍ​ຄະ​ແນນ 34-31.

ທີມ the Ravens ​ທໍາ​ຄະ​ແນນ​ນໍາໜ້າ​ຢ່າງ​ຫລວງຫລາຍ​ ​ເວລາ
ທ້າວ Jacoby Jones ສ້າງ​ສະ​ຖິຕິ Super Bowl ​ໂດຍ​ການ​
ຫອບ​ໝາກ ບານ​ ທີ່​ຮັບໄດ້ຈາກ​ການ​ເຕະ​ສົ່ງ​ມາຂອງ​ທີ​ມກົງກັນ
ຂ້າມ ໃນ​ຕອນ​ເລີ້ມ​ຕົ້ນການ​ຫລີ້ນເຄິ່ງເວລາ​ທີ​ສອງນັ້ນ ແລ່ນ 108
yard ​ໄປ​ສູ່​ໂກລ ​ທີ່​ເຮັດ​ໃຫ້ທິມ Baltimore ມີຄະ​ແນນນໍາ​ໜ້າ 28-6​ ​ແຕ່​ວ່າ ​ໃນ​ເວລາ​ບໍ່​ເທົ່າ​ໃດ​ນາທີ​ຕໍ່​ມາ ການ​ຫລີ້ນໄດ້ຢຸດ​ສະຫງັກລົງ ​ຍ້ອນເກີດໄຟຟ້າ​ມອດ​ມືດ​ໄປເຄິ່ງນຶ່ງ ຢູ່​ໃນ​ເດີ່ນ​ກິລາ ​Superdome ທີ່ມີ​ຫລັງ
ຄາປົກຄຸມຂອງ ນະຄອນ New Orleans. ການ​ແຂ່ງຂັນ​ໄດ້​ເລີ້ມ​ຂື້ນ​ອີກ​ຫລັງ​ຈາກ 35 ນາ​ທີ
ຕໍ່​ມາ.

Joe Flacco ຜູ້​ສົ່ງ​ບານຫລື Quarterback ຂອງ​ທິມ Baltimore ທີ່​ໄດ້ແກວ່ງ​ໝາກບານ
​ໃຫ້​ສະມາຊິກ​ທີ​ມຫອບ​ແລ່ນເຂົ້າ​ສູ່​ເສັ້ນໄຊຊະນະ​ໄດ້​ເຖິງ 3 ປະຕູ ​ໃນ​ການ​ຫລີ້ນ​ເຄິ່ງ​ເວລາ​
ທໍາ​ອິດນັ້ນ ໄດ້ຖືກເລືອກ​ເປັນ ​ນັກ​ກິລາ​ທີ່​ມີ​ຄຸນຄ່າ​ທີ່​ສຸດ.

ການ​ແຂ່ງຂັນ​ຄັ້ງ​ນີ້ ​ຍັງເປັນ​ການ​ແຂ່ງຂັນ​ໃນ​ຄອບຄົວອີກ ຄື​ເປັນ​ເທື່ອ​ທໍາ​ອິດຢູ່​ໃນ ສີ່ກິລາ​ອາ​ຊີບຂອງສະຫະລັດ ​ກໍ​ຄື ກິລາຟຸດ​ບອລ ​ເບ​ສະບອລ ບັດສະ​ເກັດ​ບອລ ​ແລະ​ຕີຄີ​ນໍ້າກ້ອນນັ້ນ
ທີ່​ອ້າ​ຍແລະນ້ອງເປັນ​ຄູ​ຝຶກຂອງ​ທີ​ມທີ່ແຂ່ງຂັນ​ກັນ​ເປັນ​ແຊມປ້ຽນ. John Harbaugh ຄູ​ຝຶກ​ຂອງທີ​ມ Baltimore ​ແລະ​ນ້ອງ​ຊາຍ Jim Harbaugh ຄູ​ຝຶກ​ຂອງ San Francisco ​ໄດ້​ຖືກ​ເບິ່ງ​ເຫັນ​ວ່າ ຮວມຢູ່​ໃນບັນດາ​ຄູ​ເຝິກ​ທີ່ມີ​ຄວາມ​ສາມ​າດທີ່​ສຸດ ໃນ​ກິລາ​ຟຸດ​ບອລ. ບັດ​ນີ້ John ​ຜູ້ເປັນອ້າຍ ​ແມ່ນໄດ້​ເປັນຜູ້ຊະນະໃນ​ການ​ແຂ່ງຂັນກັນ ທັງ​ສອງ​ຄັ້ງ ລະຫວ່າງ​ສອງ​ທິມນີ້.

ທີ​ມ San Francisco ​ໄດ້​ເສຍ​ໄຊ​ໃນ​ວັນ​ອາທິດ ​ເປັນ​ຄັ້ງ​ທໍາ​ອິດ ​ໃນ​ການເຂົ້າ​ແຂ່ງຂັນ Super Bowl ມາ​ 6 ​ເທື່ອ​. ສ່ວນທີ​ມ Baltimore ​ໄດ້​ເຂົ້າ​ແຂ່ງຂັນ​ Super Bowl ສອງ​ເທື່ອ ​ແລະ​ກໍ​ໄດ້​ຊະນະ​ທັງ​ສອງ​ເທື່ອ​.

​ຄາດ​ຄະ​ເນກັນ​ວ່າ ມີ​ປະມານ 100 ລ້ານ​ຄົນ​ຢູ່​ທົ່ວ​ໂລກ ​ໄດ້ຊົມ​ການແຂ່ງຂັນ Super Bowl ​ຄືນວານນີ້.