ລິ້ງ ສຳຫລັບເຂົ້າຫາ

ວັນອັງຄານ, ໒໕ ມິຖຸນາ ໒໐໒໔

ແມ່ຄົນໜຶ່ງ ທີ່ເມືອງ Baltimore ໄດ້ຮັບຄຳຍ້ອງຍໍ ຫຼັງຈາກ ເອົາມາດຕະການ ກັບລູກຊາຍ ທີ່ເຂົ້າຮ່ວມ ການຈະລາຈົນ


ຮູບພາບທີ່ ຕາໜ່າງຂ່າວ CBS ສະແດງໃຫ້ເຫັນ ນາງ
Toya Graham ທີ່ Baltimoreດຶງລູກຊາຍອອກຈາກການກໍ່ການຈະລາຈົນ
ຮູບພາບທີ່ ຕາໜ່າງຂ່າວ CBS ສະແດງໃຫ້ເຫັນ ນາງ Toya Graham ທີ່ Baltimoreດຶງລູກຊາຍອອກຈາກການກໍ່ການຈະລາຈົນ

ແມ່​ຄົນ​ໜຶ່ງ​ໃນ​ສະຫະລັດ ກຳລັງ​ໄດ້​ຮັບ​ຄວາມ​ຍ້ອງຍໍ​ສັນລະ​ເສີນ​
ຢ່າງ​ແຜ່​ຫຼາຍ ທີ່​ນາງ​ໄດ້​ຕີ​ລູກ​ຊາຍ​ໄວ​ລຸ້ນຄົນ​ນຶ່ງຂອງ​ນາງ​ຊ້ຳ
​ແລ້ວ​ຊ້ຳ​ອີກ ແລະ​ດຶງ​ຜູ້ກ່ຽວ​ອອກ​ຈາກ​ຖະໜົນ​ຫົນທາງ ​ໃນ​ນະ
ຄອນ Baltimore ຫຼັງ​ຈາກ​ແມ່​ຄົນ​ນີ້​ເຫັນ​ລູກ​ຊາຍ​ຂອງ​ລາວ​
ແກວ່ງ​ກ້ອນ​ຫິນ​ໃສ່​ຕຳຫຼວດ​ໃນ​ລະຫວ່າງ​ເກີດ​ຄວາມ​ວຸ້ນວາຍ
ໃນ​ຕົ້ນ​ສັບປະດາ​ນີ້.

ມີ​ບາງ​ຄົນ​ໃນ​ສື່​ສັງຄົມ ​ເອີ້ນ​ນາງ Toya Graham ຊຶ່ງ​ເປັນ​ແມ່​
ຂອງ​ລູກ 6 ຄົນນັ້ນວ່າ ​ເປັນ “ແມ່​ປະຈຳ​ປີ.”

ຫຼັງ​ຈາກ​ລາວ​ຫຼຽວ​ເຫັນ​ລູກ​ຊາຍ ທ້າວ Michael ​ໄວ 16 ປີ ​ກຳ
ລັງແກວ່ງ​ກ້ອນ​ຫິນຢູ່ ນາງ Graham ​ໄດ້ແລ່ນ​ໄລ່​ລູກ​ຊາຍ​ຂອງ​ລາວ​ໃນ​ກາງ​ຖະໜົນ ໂດຍ​ເອົາ​ຝາ​ມື​ຟາດ​ໜ້າ​ລູກ​ຊາຍ​ຫຼາຍບາດ ​ແລະ​ດຶງ​ຜູ້ກ່ຽວ​ອອກ​ຈາ​ກການ​ກໍ່​ການ​ຈະລາຈົນ. ສະຖານີ​ໂທລະພາບ​ທ້ອງ​ຖິ່ນ ​ໄດ້​ຖ່າຍ​ພາບ​ນາງ​ກຳລັງ​ຕຳ​ໜິລູກ​ຊາຍ​ຢ່າງ​ໂກດ​ແຄ້ນ​ນັ້ນ.

ນາງ​ຖາມລູກ​ຊາຍ​ວ່າ “​ເຈົ້າເຮັດ​ແທ້ໆ​ບໍ?"ແມ່ນ​ອີ​ຫລີ​ບໍ? ອັນ​ນີ້​ແມ່ນ​ສິ່ງ​ທີ່​ເຈົ້າ​ຢາກ​ເຮັດ​ບໍ?

ທ່ານ Anthony Batts ຫົວໜ້າ​ຕຳຫຼວດ​ນະຄອນ Baltimore ກ່າວຫຼັງ​ຈາກ​ເກີດ​ການ​ຈະ
ລາຈົນໃນ​ວັນ​ຈັນ​ຜ່ານ​ມາ​ນີ້​ວ່າ “ຂ້ອຍ​ຫວັງ​ຢາກ​ມີ​ແມ່​ແບບ​ນີ້​ຫລາຍ​ຄົນ​ຕື່ມ​ອີກ ທີ່​ກຳ​ກັບ​ນຳພວກ​ລູກ​ເຕົ້າ​ຂອງ​ເຂົາ​ເຈົ້າຢູ່​ຂ້າງນອກ ໃນ​ຄືນ​ນີ້​.”

ຫຼັງ​ຈາກ​ເຫດການ​ງຽບ​ສະຫງົບ​ລົງ​ແລ້ວ ​ນາງ Toya Graham ແມ່​ຂອງ​ທ້າວ Michael ກ່າວ​ຕໍ່ອົງການ​ຂ່າວ CBS ວ່າ “ຂ້ອຍ​ຫາ​ກໍ​ເສຍ​ເລື້ອງ​ນີ້ ຂ້ອຍ​ໄດ້​ຕື່ນ​ຕົກ​ໃຈ ຂ້ອຍ​ເກີດ​ໂມ​ໂຫຫຼາຍ ​ເພາະວ່າ ​ເຮົາ​ບໍ່​ຢາກ​ເຫັນລູກ​ເຮົາ​ກະທຳ​ເຊັ່ນ​ນັ້ນ​ຈັກ​ເທື່ອ. ຂ້ອຍ​ເປັນ​ແມ່​ທີ່​ບໍ່​ມີການໂຍະຍານ ທຸກໆ​ຄົນຮູ້​ຈັກ​ຂ້ອຍ​ດີ ​ແລະ​ຮູ້ຈັກ​ວ່າ​ ຂ້ອຍ​ບໍ່​ເຮັດ​ແນວ​ນັ້ນ.”

Baltimore Mother Son
please wait
Embed

No media source currently available

0:00 0:00:21 0:00

XS
SM
MD
LG