ປະທານາທິບໍດີສະຫະລັດ ທ່ານບາຣັກ ໂອບາມາ ໄດ້ກ່າວໃນວັນຈັນວານນີ້ວ່າ “ມັນຍັງບໍ່ທັນມີຫຼັກຖານທີ່ຈະແຈ້ງ” ກ່ຽວກັບວ່າມືປືນທີ່ຍິງສັງຫານໝູ່ທີ່ຮ້າຍແຮງສຸດ ໃນປະຫວັດ ສາດ ຂອງປະເທດ ຢູ່ສະຖານທີ່ບັນເທີງ ຂອງພວກກະເທີຍ ໃນເມືອງ Orlando ລັດ Florida ໄດ້ຮັບຄຳສັ່ງໂດຍກົງຈາກກຸ່ມກໍ່ການຮ້າຍໃນຕ່າງປະເທດ.
ທ່ານໂອບາມາ ໄດ້ກ່າວກັບພວກນັກຂ່າວທີ່ທຳນຽບຂາວວ່າ “ເບິ່ງຄືວ່າມືປືນ ແມ່ນໄດ້ອ່ານ ຂໍ້ມູນທີ່ພິມເຜີຍແຜ່ໂດຍກຸ່ມຫົວຮຸນແຮງຈັດ ທາງອິນເຕີແນັຕ.”
ເຊີນຊົມ: ທັດສະນະຄະຕິກ່ຽວກັບການໂຈມຕີທີ່ Orlando
ທ່ານໄດ້ກ່າວວ່າ ທ້າວ Omar Saddiqui Mateen ຊາວອາເມຣິກັນທີ່ນັບຖືສາສະໜາອິສລາມ ໄວ 29 ປີ ທີ່ມີພໍ່ແມ່ນເປັນຊາວອັຟການິສຖານນັ້ນ ຊຶ່ງນີ້ແມ່ນເປັນໃນອັນທີ່ເອີ້ນວ່າ “ພວກຫົວຮຸນແຮງຈັດແບບທີ່ກໍ່ຮ່າງສ້າງຕົວຂຶ້ນພາຍໃນປະເທດ ທີ່ພວກເຮົາເຄີຍເປັນຫ່ວງເປັນໃຍກ່ຽວກັບເລື້ອງນີ້ມາໄດ້ດົນນານແລ້ວ,” ແຕ່ທ່ານໂອບາມາໄດ້ກ່າວວ່າ “ມັນໄດ້ສະແດງໃຫ້ເຫັນວ່າ ໃນວິນາທີສຸດທ້າຍ ລາວໄດ້ປະກາດຄວາມຈົງຮັກພັກດີ” ຕໍ່ກຸ່ມລັດອິສລາມ ໃນການໂທລະສັບໄປຫາໜ່ວຍຮັບມືກັບເຫດການສຸກເສີນເມືອງ Orlando.
ທ່ານໂອບາມາ ໄດ້ກ່າວວ່າ ເຈົ້າໜ້າທີ່ຮັກສາກົດໝາຍ “ຍັງຢູ່ໃນຂັ້ນເລີ້ມຕົ້ນ” ກ່ຽວກັບການສືບສວນສອບສວນ ແລະມັນຍັງມີ “ຫຼາຍສິ່ງຫຼາຍຢ່າງທີ່ພວກເຮົາຈະໄດ້ຮຽນຮູ້ຕື່ມອີກ.”
ພວກທີ່ເຫັນເຫດການກ່ຽວກັບການຍິງກັນ ທີ່ສະຖານບັນເທີງ
ທຳນຽບຂາວ ໄດ້ກ່າວວ່າ ປະທານາທິບໍດີ ຈະເດີນທາງໄປຍັງເມືອງ Orlando ໃນວັນພະ ຫັດຈະມານີ້ “ເພື່ອສະແດງອອກຊຶ່ງຄວາມເສົ້າສະຫລົດໃຈຕໍ່ບັນດາຄອບຄົວພວກເຄາະຮ້າຍ ແລະເພື່ອສະແດງຄວາມເປັນນ້ຳນຶ່ງໃຈດຽວກັນ ກັບປະຊາຄົມ ໃນຂະນະທີ່ພວກເຂົາເຈົ້າຍັງຈະສືບຕໍ່ຮຳບາດແຜໃນການດຳລົງຊີວິດຕໍ່ໄປຂ້າງໜ້ານັ້ນ.”
ທ່ານ James Corney ຫົວໜ້າອົງການສັນຕິບານກາງ ຫຼື FBI ຂອງສະຫະລັດ ໄດ້ກ່າວວ່າ “ພວກເຮົາກຳລັງກວດກາເບິ່ງປະຫວັດຂອງມືສັງຫານ” ຊຶ່ງຮວມທັງການນຳໃຊ້ອິນເຕີແນັຕນຳ.
ບັນດາຜູ້ອຸດໜຸນໃນສະຖານທີ່ບັນເທີງ Pulse Night Club ໄດ້ອ້າງວ່າ ເຫັນທ້າວ Mateen ດື່ມໃນບາຫຼາຍໆຄັ້ງ ກ່ອນທີ່ລາວຈະທຳການຍິງ. ພວກທີ່ເຫັນເຫດການໄດ້ລາຍງານວ່າ ພວກເຂົາເຈົ້າໄດ້ເຫັນລາວໂອ້ລົມກັບກະເທີຍທາງອິນເຕີແນັຕ ໂດຍໃຊ້ app ທີ່ເອີ້ນວ່າ “Jack'd.”
ກະລຸນາອ່ານຂ່າວນີ້ເພີ້ມຕື່ມເປັນພາສາອັງກິດ
ກຸ່ມກະເທີຍ ເດີນຮ້ອງເພງເປັນໝູ່ ໃນການໄວ້ອາໄລ ທີ່ທຳນຽບຂາວ