ລິ້ງ ສຳຫລັບເຂົ້າຫາ

ວັນອາທິດ, ໐໓ ທັນວາ ໒໐໒໓

ສະຫະພາບອາຟຣິກາ ຍັງບໍ່ສາມາດເລືອກເອົາ ຫົວໜ້າຄະນະກໍາມາທິການຕັດສິນໃຈ ຂອງຕົນ


ບັນດາຜູ້ນໍາປະເທດໃນສະຫະພາບອາຟຣິກາ ຖ່າຍຮູບຮ່ວມກັນ
ທ່ານພັນກີມູນ ເລຂາທິການໃຫຍ່ສະຫະປະຊາຊາດທີ່ນະຄອນຫລວງ Addis Ababa, ອິທີໂອເປຍ.
ວັນທີ 30 ມັງກອນ 2012.
ບັນດາຜູ້ນໍາປະເທດໃນສະຫະພາບອາຟຣິກາ ຖ່າຍຮູບຮ່ວມກັນ ທ່ານພັນກີມູນ ເລຂາທິການໃຫຍ່ສະຫະປະຊາຊາດທີ່ນະຄອນຫລວງ Addis Ababa, ອິທີໂອເປຍ. ວັນທີ 30 ມັງກອນ 2012.

ບັນດາຜູ້ນໍາປະເທດຂອງສະຫະພາບອາຟຣິກາບໍ່​ສາມາດ​ຕົກລົງ​ກັນ​ໄດ້​ໃນ​ການເລືອກ
ເອົາຫົວໜ້າອົງ​ກອນ​ທີ່​ມີໜ້າ​ທີ່​ທໍາ​ການຕັດສິນໃຈຂອງກຸ່ມ ຍ້ອນ​ວ່າ​ຜູ້​ແຂ່ງຂັນ​ທັງ​ສອງ​
ບໍ່ໄດ້​ຮັບ​ຄະ​ແນນ​ສຽງ​ພຽງພໍ ​ໃນ​ການ​ລົງມະຕິ​ກັນໃນມື້ນີ້ ຊຶ່ງ​ເປັນ​ມື້ສຸດທ້າຍຂອງກອງ
ປະຊຸມສຸດຍອດ 2 ມື້ນັ້ນ.

ການແຂ່ງຂັນກັນໃນນະຄອນຫລວງ Addis Ababa ຂອງອີທີໂອເປຍແມ່ນລະຫວ່າງທ່ານ
Jean Ping ຈາກປະເທດ Gabon ຊຶ່ງເປັນປະທານທີ່​ກໍາລັງ​ຈະ​ພົ້ນ​ຈາກ​ຕໍາ​ແໜ່ງຂອງ
ຄະນະກໍາມາທິການສະຫະພາບອາຟຣິກາ ແລະທ່ານ Nikosazana Dlamini-Zuma
ລັດຖະມົນຕີກະຊວງພາຍໃນຂອງອາຟຣິກາໃຕ້. ການແຂ່ງຂັນກັນດັ່ງກ່າວໄດ້ຕົກຢູ່ໃນສະ
ພາບບໍ່ໄປບໍ່ມາ ຫລັງຈາກມີການລົງມະຕິກັນ 3 ຄັ້ງ ຊຶ່ງບໍ່ມີຜູ້ສະມັກຄົນໃດໄດ້ຮັບຄະແນນ
ສຽງໃນຈໍານວນ 2 ສ່ວນ 3 ທີ່ຕ້ອງການເພື່ອໃຫ້ໄດ້ຮັບເລືອກນັ້ນ.

ຮອງ​ຫົວໜ້າ​ຄະນະ​ກໍາມາ​ທິການ​ດັ່ງກ່າວ​ຂອງ AU ທ່ານ Erastus Mwencha ຈາກ​ປະ
ເທດ​ເຄັນ​ຢາ ຈະ​ກໍາ​ຕໍາ​ແໜ່​ງປະທານ​ຊໍາ​ຊາ​ໄປຈົນ​ຮອດ​ວັນ​ເລືອກ​ຕັ້ງ​ໃໝ່ ​ໃນ​ເດືອນ​ມີ​ຖຸນາ.

ບັນດາຜູ້ນໍາຂອງສະຫະພາບອາຟຣິກາໄດ້ເລີ້ມກອງປະຊຸມສຸດຍອດໃນວັນອາທິດວານນີ້ໂດຍ
ເລືອກເອົາປະທານາທິບໍດີ Thomas Yayi Boni ​ແຫ່ງ Benin ເປັນຫົວໜ້າໝຸນວຽນ
ຂອງສະຫະພາບອາຟຣິກາ ສໍາລັບປີຕໍ່ໜ້າ.

ບັນຫາຂັດແຍ່ງກັນລະຫວ່າງຊູ​ແດນ ແລະຊູ​ແດນໃຕ້ ຫາກໍໄດ້ຮັບເອກະລາດໃໝ່ໆພ້ອມກັບ
ວິກິດການໃນປະເທດໂຊມາເລຍທີ່ໄດ້ຖືກແບ່ງແຍກກັນຍ້ອນສົງຄາມໄດ້ເປັນປະເດັນສໍາຄັນ
ທີ່ສຸດໃນກອງປະຊຸມສຸດຍອດຄັ້ງນີ້.

ທ່ານພັນກີມູນ ເລຂາທິການໃຫຍ່ສະຫະປະຊາຊາດ ​ໄດ້​ກ່າວເຕືອນໃນວັນອາທິດວານນີ້ວ່າ ບັນຫາຂັດແຍ່ງກັນລະຫວ່າງຊູ​ແດນແລະຊູ​ແດນໃຕ້ ໄດ້ມາເຖິງຂັ້ນວິ​ກິດແລ້ວລະໄດ້ກາຍ
ເປັນໄພຂົ່ມຂູ່ຕໍ່ສັນຕິພາບແລະຄວາມໝັ້ນຄົງຂອງພາກພື້ນ.

ນອກນັ້ນ ທ່ານພັນກີມູນຍັງໄດ້ສະແດງຄວາມເປັນຫ່ວງອອກມາ ກ່ຽວກັບວິກິດການດ້ານ
ມະນຸດສະທໍາຢູ່ເລາະຕາມຊາຍແດນທີ່ເປັນບັນຫາ ຂັດແຍ່ງກັນ ທີ່ແບ່ງແຍກສອງປະເທດ
ອອກຈາກກັນນັ້ນ.

ຊູແດນ​ໃຕ້​ໄດ້​ປະຕິບັດ​ຕາມ​ຄໍາ​ຂູ່​ຂອງ​ຕົນ​ ແລະ​ອັດ​ການ​ຜະລິດ​ນໍ້າມັນ ​ຂອງ​ຕົນ​ທັງ​ໝົດ.
ຊູ​ແດນໃຕ້ຄວບຄຸມນໍ້າມັນໃນປະລິມານຫລາຍກວ່າ 70 ເປີເຊັນ ຂອງ​ນໍ້າມັນ​ທັງ​ໝົດທີ່ 2
ປະເທດຜະລິດອອກ ແຕ່ຕ້ອງການທໍ່ລໍາລຽງນໍ້າມັນ ຜ່ານຊູ​ແດນ ເພື່ອລໍາລຽງນໍ້າມັນໄປ
ຍັງທ່າເຮືອ​ເພື່ອ​ສົ່ງ​ອອກນັ້ນ.

XS
SM
MD
LG