ລິ້ງ ສຳຫລັບເຂົ້າຫາ

ວັນຈັນ, ໑໕ ເມສາ ໒໐໒໔

ໃນກອງປະຊຸມ ທີ່ມີທູດ ສປຊ ເຂົ້າຮ່ວມ ສະຫະລັດກ່າວວ່າ ຕົນສະໜັບສະໜຸນການມີສ່ວນຮ່ວມກັບນາໆຊາດ ຂອງໄຕ້ຫວັນ


ນັກທ່ອງທ່ຽວຍ່າງຜ່ານຮູບພາບເທິງຝາ ເທິງເກາະ ກິນເໝິນ ຂອງໄຕ້ຫວັນ ໃນວັນທີ 21 ຕຸລາ, ປີ 2020.
ນັກທ່ອງທ່ຽວຍ່າງຜ່ານຮູບພາບເທິງຝາ ເທິງເກາະ ກິນເໝິນ ຂອງໄຕ້ຫວັນ ໃນວັນທີ 21 ຕຸລາ, ປີ 2020.

ສະຫະລັດຍັງຄົງມີຄວາມໝັ້ນໝາຍທີ່ຈະຂະຫຍາຍພື້ນທີ່ສໍາລັບການມີສ່ວນຮ່ວມລະຫວ່າງປະເທດຂອງໄຕ້ຫວັນ, ນັ້ນຄືຄຳເວົ້າຂອງນັກການທູດອະວຸໂສຂອງສະຫະລັດຄົນນຶ່ງກ່າວໃນງານພົບປະກັບລັດຖະມົນຕີການຕ່າງປະເທດຂອງໄຕ້ຫວັນ ເຊິ່ງລວມມີ ທ່ານຮອງເອກອັກຄະລັດຖະທູດສະຫະລັດປະຈໍາອົງການສະຫະປະຊາຊາດເຂົ້າຮ່ວມດ້ວຍ ອີງຕາມລາຍງານຂອງອົງການຂ່າວຣອຍເຕີ.

ຈີນເຊິ່ງອ້າງວ່າໄຕ້ຫວັນເປັນດິນແດນຂອງຕົນນັ້ນ, ຂັດຂວາງບໍ່ໃຫ້ປະເທດເກາະແຫ່ງນີ້ມີສ່ວນຮ່ວມໃນອົງການລະດັບໂລກເຊັ່ນ ອົງການສະຫະປະຊາຊາດ,ໂດຍກ່າວວ່າ ໄຕ້ຫວັນແມ່ນແຂວງນຶ່ງຂອງຈີນ ບໍ່ມີສິດທີ່ຈະເປັນປະເທດໄດ້.

ໃນການກ່າວຄໍາປາໄສ ຕໍ່ກອງປະຊຸມທາງອອນລາຍ ກ່ຽວກັບເປົ້າໝາຍການພັດທະນາທີ່ຍືນຍົງຂອງອົງການສະຫະປະຊາຊາດໃນມື້ວັນພຸດວານນີ້, ທ່ານເຈເຣມີ ຄອນຟອທ (Jeremy Cornforth), ຮອງຜູ້ອໍານວຍການ ຊຶ່ງທີ່ຈິງກໍຄືສະຖານເອກອັກຄະລັດຖະທູດສະຫະລັດ ປະຈໍາສະຖາບັນອາເມຣິກັນ ໃນໄຕ້ຫວັນ ຫຼື AIT ກ່າວວ່າ ໄຕ້ຫວັນ ຊຶ່ງມີຄວາມສາມາດທາງດ້ານເທັກໂນໂລຈີຢ່າງສູງນັ້ນ ແມ່ນມີຄວາມໝັ້ນໝາຍທີ່ຈະນຳໃຊ້ເທັກໂລໂລຈີ “ເພື່ອປະໂຫຍດສ່ວນລວມ.”

ທ່ານຄອນຟອທ ໄດ້ຕັ້ງຂໍ້ສັງເກດວ່າ ໄຕ້ຫວັນໄດ້ຖືກກີດກັນບໍ່ໃຫ້ມີສ່ວນຮ່ວມຢູ່ພາກສ່ວນທີ່ມີຄວາມໝາຍສໍາຄັນ ເຊິ່ງລວມເຖິງການປະຊຸມຂອງອົງການອະນາໄມໂລກ, ແຕ່ທ່ານກ່າວວ່າ ຢູ່ໃນທີ່ປະຊຸມດັ່ງກ່າວໄດ້ເນັ້ນເຖິງວິທີທາງຂອງໄຕ້ຫວັນ ໃນການນໍາໃຊ້ເທັກໂນໂລຈີຂອງຕົນຢ່າງກ້າຫານ ເພື່ອຊ່ວຍເຫຼືອປະຊາຄົມນານາຊາດ ແກ້ໄຂບັນຫາຕ່າງໆຮ່ວມກັນແນວໃດ.

“ສະຫະລັດຍັງຄົງມີຄວາມມຸ້ງໝັ້ນທີ່ຈະຂະຫຍາຍພື້ນທີ່ລະຫວ່າງປະເທດສໍາລັບໄຕ້ຫວັນ,” ທ່ານກ່າວຢູ່ໃນການສະແດງຄວາມຄິດເຫັນທີ່ນໍາອອກເຜີຍແຜ່ໂດຍສະຖາບັນ AIT ໃນມື້ວັນພະຫັດນີ້.

ສະຖາບັນ AIT ກ່າວວ່າ ຮອງເອກອັກຄະລັດຖະທູດສະຫະລັດ ປະຈໍາອົງການສະຫະປະຊາຊາດທ່ານເຈັຟຟຣີ ເພຣສະກັອດທ໌ (Jeffrey Prescott) ໄດ້ກ່າວປິດພິທີ, ຢ່າງໃດກໍ່ຕາມ ທ່ານບໍ່ໄດ້ໃຫ້ລາຍລະອຽດໃດໆ ໃນການປິດປະຊຸມດັ່ງກ່າວນັ້ນ.

ວໍຊິງຕັນ ບໍ່ໄດ້ມີການພົວພັນທາງການທູດຢ່າງເປັນທາງການກັບໄຕ້ຫວັນ, ແຕ່ເປັນຜູ້ສະໜັບສະໜຸນທີ່ເຂັ້ມແຂງທາງດ້ານນານາຊາດ ແລະປະນາມການກົດດັນຂອງຈີນ ທີ່ມີຕໍ່ປະເທດເກາະແຫ່ງນີ້.

ລັດຖະມົນຕີກະຊວງການຕ່າງປະເທດຂອງໄຕ້ຫວັນທ່ານໂຈເຊັຟ ວູ (Joseph Wu) ກ່າວຢູ່ໃນກອງປະຊຸມດຽວກັນວ່າ ໄຕ້ຫວັນເປັນສະມາຊິກ “ທີ່ຂາດບໍ່ໄດ້ເລີຍ” ຂອງປະຊາຄົມນານາຊາດ.

ອ່ານຂ່າວນີ້ເປັນພາສາອັງກິດ

XS
SM
MD
LG