ປະທານາທິບໍດີຊິເຣຍ ທ່ານ Bashar al-Assad ກ່າວໃນວັນ
ອັງຄານວານນີ້ ວ່າ ການຍຸດຕິເປັນປໍລະປັກຢູ່ໃນສົງຄາມ ທີ່ດຳ
ເນີນມາເປັນເວລາຫ້າປີຢູ່ໃນປະເທດຂອງທ່ານ ນັ້ນເປັນ
“ຄວາມຫວັງທີ່ຍັງມົວໆຢູ່.”
ໃນການໃຫ້ສຳພາດແກ່ໂທລະພາບເຢຣະມັນ ທ່ານ Assad
ກ່າວວ່າ ລັດຖະບານຂອງທ່ານ ຈະປະຕິບັດງານໃນພາກສ່ວນ
ຂອງຕົນ ເພື່ອຈະເຮັດໃຫ້ການຢຸດຍິງໄດ້ຜົນ.
ລັດຖະມົນຕີຕ່າງປະເທດສະຫະລັດ ທ່ານ John Kerry ຮ້ອງ
ສອງສາມມື້ຂ້າງໜ້ານີ້ວ່າ “ເປັນຊ່ວງເວລາທີ່ສຳຄັນ” ໃນການ
ສ້າງແຮງຊຸກຍູ້ໄປສູ່ເປົ້າໝາຍຂອງການຫລຸດຜ່ອນຄວາມເຄັ່ງຕຶງໃນບັນຫາຂັດແຍ້ງໃນ
ຊີເຣຍ.
ທ່ານໄດ້ກ່າວຕໍ່່ບັນດານັກຂ່າວໃນຕອນແລງວັນຈັນ ທີ່ນະຄອນຫລວງ ວໍຊິງຕັນ ໃນຂະ
ນະທີ່ຊີເຣຍ ພວມກ້າວເຂົ້າສູ່ມື້ທີສີ່ພາຍໃຕ້ການຍຸດຕິຄວາມເປັນປໍລະປັກ ທີ່ຮວມທັງ
ພວກນັກລົບສະໜັບສະໜູນລັດຖະບານ ແລະກຳລັງຝ່າຍຕໍ່ຕ້ານ ແຕ່ບໍ່ແມ່ນພວກຫົວ
ຮຸນແຮງລັດອິສລາມ ຫລືພວກກັບ Jabhat al-Nusra ທີ່ເປັນ ເຄືອຂ່າຍຂອງກຸ່ມກໍ່
ການຮ້າຍ al-Qadar.
ທ່ານ Kerry ໄດ້ກ່າວວ່າ ທ່ານແລະລັດຖະມົນຕີການຕ່າງປະເທດຣັດເຊຍ ທ່ານ Sergei
Lavrov ເຫັນພ້ອມນຳກັນທີ່ວ່າ ໄດ້ມີການລະເມີດຈຳນວນນຶ່ງເກີດຂຶ້ນ ນັບຕັ້ງແຕ່ການ
ຢຸດຍິງເລີ້ມ ຂຶ້ນໃນວັນເສົາຜ່ານມານີ້ ແຕ່ວ່າພວກທ່ານບໍ່ຕ້ອງການຍົກເອົາຂຶ້ນມາເວົ້າ
ຢ່າງເປັນການເປີດເຜີຍ. ແຕ່ແທນທີ່ພວກທ່ານຈະກາງຕໍ່ຄະນະກຳມະການທີ່ນຳພາໂດຍ
ປະເທດທັງສອງ ທີ່ຈະທຳການສືບສວນສອບສວນ ໃນທຸກໆກໍລະນີທີ່ໄດ້ຖືກລາຍງານ
ກ່ຽວກັບການລະເມີດ ແລະສົ່ງເສີມໃຫ້ມີການປະຕິບັດຕາມດ້ວຍການຢຸດຍິງ.
