ຊາວອະເມຣິກັນເຊື້ອສາຍເອເຊຍ ເປັນຊົນກຸ່ມນ້ອຍທີ່ມີຈໍານວນ
ເຕີບໂຕໄວ ທີ່ສຸດໃນສະຫະລັດ. ແຕ່ໃນປະວັດສາດຜ່ານມານັ້ນ
ການໂຄສະນາຫາສຽງ ທາງການເມືອງໂດຍສ່ວນໃນຢູ່ໃນສະຫະ
ລັດ ແມ່ນບໍ່ໄດ້ໃຫ້ຄວາມສົນໃຈແກ່ຊົນກຸ່ມນ້ອຍດັ່ງກ່າວນີ້ຫຼາຍ
ປານໃດ. ໃນຂະນະທີ່ການເລືອກຕັ້ງທົ່ວປະເທດກໍາລັງຄືບຄານ
ໃກ້ເຂົ້າມາ ໃນບໍ່ເທົ່າໃນອາທິດຕໍ່ໜ້ານີ້ ສອງອ້າຍນ້ອງເຊື້ອສາຍ
ຫວຽດນາມ ກໍາລັງພະຍາຍາມນໍາໃຊ້ການສະແດງຕະຫຼົກເພື່ອ
ຮຽກຮ້ອງຄວາມສົນໃຈຈາກບັນດາຜູ້ມີສິດປ່ອນບັດເລືອກຕັ້ງ
ໃນກຸ່ມຊົນຊາວໜຸ່ມອະເມຣິກັນເຊື້ອສາຍເອເຊຍ.
David ແລະ Andrew Fung ສອງອ້າຍນ້ອງ ເປັນນັກຮ້ອງເພງ
ແຣ໊ບ ແລະຕົວຕະຫຼົກ. ວິດີໂອທີ່ສອງອ້າຍນ້ອງນາສະກຸນຟັ້ງ ນໍາອອກປ່ອຍທາງຢູທູບ ກ່ຽວກັບຄຸ້ມ ນຶ່ງຂອງເມືອງລອສແອນຈີເເລສ ທີ່ມີຄົນເອເຊຍອາໄສຢູ່ເປັນສ່ວນໃຫຍ່ນັ້ນ ໄດ້ຮັບຄວາມສົນໃຈຈາກຄົນເບິ່ງເປັນຈໍານວນຫລວງຫລາຍ ທີ່ບອກໃຫ້ເບິ່ງກັນຕໍ່ໆໄປ. ພວກເຂົາເຈົ້າເອີ້ນຄຸ້ມນັ້ນວ່າ ຄຸ້ມ 626 ຕາມໝາຍເລກລະຫັດໂທລະສັບຂອງເຂດຄຸ້ມດັ່ງກ່າວ.
ເດວິດ ຟັ້ງ ເວົ້າວ່າ: “ຂ້ອຍຄິດວ່າ ພວກເຮົາເຫັນປະຊາຄົມນີ້ ເປັນປະຊາຄົມທີ່
ຕ້ອງການໜ້າຕາ. ພວກເຂົາເຈົ້າຕ້ອງການຜູ້ນໍາ ຢ່າງໜ້ອຍກໍໃນແງ່ຂອງຊາວ
ໜຸ່ມ. ພວກເຮົາຄິດວ່າ ພວກເຮົາສາມາດເຮັດໃຫ້ຄຸ້ມນີ້ມີໂສມໜ້າ ຂຶ້ນມາໄດ້
ແລະກໍເຮັດໃນລັກສະນະ ທີ່ເປັນທາງບວກແທ້ໆ.”
ນອກນີ້ແລ້ວ ສອງອ້າຍນ້ອງ Fung ຍັງຖືວ່າເຂົາເຈົ້າເປັນນັກເຄື່ອນໄຫວເພື່ອປະຊາຄົມນໍາດ້ວຍ. ເມື່ອບໍ່ດົນມານີ້ ເຂົາເຈົ້າໄດ້ສະແດງຢູ່ໃນຮູບເງົາ ວິດີໂອທີ່ເອົາລົງທາງເວັບໄຊ້ ເພື່ອຊຸກຍູ້ຊາວອະເມຣິກັນເຊື້ອສາຍເອເຊຍ ໃຫ້ພາກັນອອກໄປປ່ອນບັດເລືອກຕັ້ງ.
ສູນກາງກົດໝາຍສໍາລັບຊາວອະເມຣິກັນເຊື້ອສາຍເອເຊຍປາຊິຟິກ ເປັນຜູ້ໃຫ້ທຶນເຮັດຮູບເງົາວີດີໂອດັ່ງກ່າວ. ນາງ Tanzila Ahmed ຜູ້ຈັດການຝ່າຍພົວພັນພວກປ່ອນບັດເລືອກຕັ້ງຂອງອົງການດັ່ງກ່າວນີ້ ເວົ້າວ່າ ເປົ້າໝາຍຂອງອົງການ ກໍຄືພວກຊາວໜຸ່ມຢູ່ຄຸ້ມ 626.
ນາງ Tanzila ອາເມັດ ເວົ້າວ່າ: “ໂດຍທົ່ວໄປແລ້ວ ພວກຊາວໜຸ່ມບໍ່ຄ່ອຍຈະອອກ
ໄປປ່ອນບັດ ແລະຊາວອະເມຣິກັນເຊື້ອສາຍເອເຊຍທົ່ວໄປກໍບໍ່ຄ່ອຍພາກັນໄປ
ປ່ອນບັດ. ສະນັ້ນ ມັນກໍເລີຍເຮັດໃຫ້ຊາວໜຸ່ມອະເມຣິກັນເຊື້ອສາຍເອເຊຍ ບໍ່ພາກັນອອກໄປເລືອກຕັ້ງ.”
ແຕ່ຕົກມາໃນປີ 2008, ກໍປາກົດວ່າ ຊາວໜຸ່ມທັງໝົດ ແມ່ນແຕ່ຊາວໜຸ່ມອະເມຣິກັນເຊື້ອສາຍເອເຊຍ ກໍພາກັນອອກມາປ່ອນບັດໃນຈໍານວນທີ່ໜ້າປະຫຼາດໃຈ. Morley Winograd ແລະ Mike Hais ກ່າວວ່າ ຊາວໜຸ່ມເປັນຜູ້ຕັດສິນຊີ້ຂາດຜົນການເລືອກຕັ້ງໃນປີນັ້ນ. ທັງສອງທ່ານທີ່ກ່າວຊື່ມານີ້ ໄດ້ຮ່ວມກັນຂຽນປື້ມສອງຫົວ ກ່ຽວກັບພວກມີສິດປ່ອນບັດເລືອກຕັ້ງ ທີ່ເກີດໃນລະຫວ່າງປີ 1982 ຫາ 2003 ທີ່ເອີ້ນກັນວ່າ “ພວກລຸ້ນ
ຂຶ້ນສະຫັດສະຫວັດ” ຊຶ່ງ Mike Hais ອະທິບາຍຕໍ່ໄປວ່າ:
ທ່ານ ເຮສ ເວົ້າວ່າ: “ການປ່ອນບັດເລືອກຕັ້ງຂອງພວກຄົນລຸ້ນຂຶ້ນສະຫັດ
ສະຫວັດໃໝ່ນີ້ ຈະສໍາຄັນຫຼາຍໃນປີ 2012 ເທົ່າໆກັບໃນປີ 2008 ເຖິງ
ແມ່ນຈໍານວນສ່ວນຮ້ອຍຂອງຜູ້ປ່ອນບັດ ຈະບໍ່ເທົ່າກັບຜ່ານມາກໍຕາມ.”
ສ່ວນທ່ານ Winograd ກໍກ່າວວ່າ ທ່າອຽງແມ່ນກໍາລັງປ່ຽນແປງໄປຢ່າງຊ້າໆ ຢູ່ພາຍໃນປະຊາຄົມຊາວອະເມຣິກັນເຊື້ອສາຍເອເຊຍ.
ທ່ານ Winograd ເວົ້າວ່າ: “ປະຊາຄົມອະເມຣິກັນເຊື້ອສາຍຈີນ ຫາກໍຮູ້ສຶກ
ໃໝ່ໆ ໃນພະລັງທາງການເມືອງຂອງພວກຕົນ ແລະກໍພາກັນອອກໄປປ່ອນ
ບັດໃນຈໍານວນຫຼາຍຂຶ້ນ ແລະໃນຈໍານວນທີ່ຄ້າຍຄືກັນຫຼາຍຂຶ້ນ ກັບພາກ
ສ່ວນອື່ນໆຂອງປະຊາຄົມຊາວອະເມຣິກັນເຊື້ອສາຍເອເຊຍ.”
ນາງ Tanzila Ahmed ກ່າວວ່າ ແຕ່ກໍຍັງມີຊາວອະເມຣິກັນເຊື້ອສາຍເອເຊຍ ຜູ້ທີ່ມີສິດເລືອກຕັ້ງແຕ່ບໍ່ໄປປ່ອນບັດນັ້ນ ຫຼາຍຢູ່ ຊຶ່ງນາງຖິ້ມໂທດໃສ່ໜ່ວຍໂຄສະນາຫາສຽງຂອງພວກພັກການເມືອງໃຫຍ່ ທີ່ບໍ່ສຸມຄວາມພະຍາ ຍາມໃສ່ການເອື້ອມມືໄປຫາພວກຊົນກຸ່ມນ້ອຍເຫລົ່ານີ້ ເພາະມັນເປັນວຽກໜັກຂຶ້ນ.
ນາງ ອາເມັດ ກ່າວວ່າ: “ເວົ້າໃນແງ່ຂອງຄວາມຕ້ອງການເອກກະສານທີ່
ເປັນສອງພາສາເນາະ ມັນມີຫຼາຍພາສາແຕກຕ່າງກັນຢູ່ໃນປະຊາຄົມຂອງ
ພວກເຮົາ ແຕ່ວ່າແທ້ໆແລ້ວ ໜ່ວຍໂຄສະນາຫາສຽງຂອງພັກການເມືອງ
ໃຫຍ່ ບໍ່ຢາກສຸມຄວາມພະຍາຍາມໃສ່ການປຸກລະດົມປະຊາຄົມຂອງ
ພວກເຮົາ.”
ແຕ່ແທນທີ່ຈະເຮັດເຊ່ນນັ້ນ ພວກໜ່ວຍໂຄສະຫາສຽງກັບສຸມຄວາມເພ່ງເລັງຂອງຕົນໄປ
ໃສ່ໃນກຸ່ມຊົນຊາວ Hispanics ແລະຊາວອະເມຣິກັນເຊື້ອສາຍອາຟຣິກາ ຫຼາຍກວ່າ ຊຶ່ງ ເປັນສອງກຸ່ມທີ່ໃຫຍ່ທີ່ສຸດໃນພວກຊົນກຸ່ມນ້ອຍທີ່ມີສິດເລືອກຕັ້ງ. ເວລານີ້ ສູນກາງກົດ
ໝາຍສໍາລັບຊາວອະເມຣິກັນເຊື້ອສາຍ ເອເຊຍປາຊິຟິກ ກໍາລັງພະຍາຍາມສະໜອງຄວາມຕ້ອງການອັນນັ້ນ ໂດຍການຍື່ນມືໄປຫາພວກຊົນກຸ່ມນ້ອຍເຊື້ອສາຍເອເຊຍປາຊີຟິກນັ້ນ ເຊ່ນພິມປື້ມໂທລະສັບທີ່ມີ 11 ພາສາ ພ້ອມທັງວີດີໂອຊັກຊວນ ທີ່ເຮັດກັບສອງ ອ້າຍນ້ອງ Fung. ພວກຊ່ຽວຊານການເມືອງ ກ່າວວ່າ ເຄືອຂ່າວອິນເທີເນັດ ແລະຕາໜ່າງສັງຄົມ ອາດເປັນເຄຶ່ອງມືທີ່ມີປະສິດທິຜົນສູງທີ່ສຸດສໍາ ລັບເຂົ້າຫາເຂົ້າເຖິງ ພວກລຸ້ນຂຶ້ນສະຫັດສະຫວັດ ຜູ້ທີ່ບາດແລ້ວກໍອາດຈະຊ່ວຍຊຸກຍູ້ໃຫ້ພວກພໍ່ແມ່ຂອງເຂົາເຈົ້າ ໄປປ່ອນບັດ
ເລືອກຕັ້ງນໍາ.
ເຕີບໂຕໄວ ທີ່ສຸດໃນສະຫະລັດ. ແຕ່ໃນປະວັດສາດຜ່ານມານັ້ນ
ການໂຄສະນາຫາສຽງ ທາງການເມືອງໂດຍສ່ວນໃນຢູ່ໃນສະຫະ
ລັດ ແມ່ນບໍ່ໄດ້ໃຫ້ຄວາມສົນໃຈແກ່ຊົນກຸ່ມນ້ອຍດັ່ງກ່າວນີ້ຫຼາຍ
ປານໃດ. ໃນຂະນະທີ່ການເລືອກຕັ້ງທົ່ວປະເທດກໍາລັງຄືບຄານ
ໃກ້ເຂົ້າມາ ໃນບໍ່ເທົ່າໃນອາທິດຕໍ່ໜ້ານີ້ ສອງອ້າຍນ້ອງເຊື້ອສາຍ
ຫວຽດນາມ ກໍາລັງພະຍາຍາມນໍາໃຊ້ການສະແດງຕະຫຼົກເພື່ອ
ຮຽກຮ້ອງຄວາມສົນໃຈຈາກບັນດາຜູ້ມີສິດປ່ອນບັດເລືອກຕັ້ງ
ໃນກຸ່ມຊົນຊາວໜຸ່ມອະເມຣິກັນເຊື້ອສາຍເອເຊຍ.
David ແລະ Andrew Fung ສອງອ້າຍນ້ອງ ເປັນນັກຮ້ອງເພງ
ແຣ໊ບ ແລະຕົວຕະຫຼົກ. ວິດີໂອທີ່ສອງອ້າຍນ້ອງນາສະກຸນຟັ້ງ ນໍາອອກປ່ອຍທາງຢູທູບ ກ່ຽວກັບຄຸ້ມ ນຶ່ງຂອງເມືອງລອສແອນຈີເເລສ ທີ່ມີຄົນເອເຊຍອາໄສຢູ່ເປັນສ່ວນໃຫຍ່ນັ້ນ ໄດ້ຮັບຄວາມສົນໃຈຈາກຄົນເບິ່ງເປັນຈໍານວນຫລວງຫລາຍ ທີ່ບອກໃຫ້ເບິ່ງກັນຕໍ່ໆໄປ. ພວກເຂົາເຈົ້າເອີ້ນຄຸ້ມນັ້ນວ່າ ຄຸ້ມ 626 ຕາມໝາຍເລກລະຫັດໂທລະສັບຂອງເຂດຄຸ້ມດັ່ງກ່າວ.
ເດວິດ ຟັ້ງ ເວົ້າວ່າ: “ຂ້ອຍຄິດວ່າ ພວກເຮົາເຫັນປະຊາຄົມນີ້ ເປັນປະຊາຄົມທີ່
ຕ້ອງການໜ້າຕາ. ພວກເຂົາເຈົ້າຕ້ອງການຜູ້ນໍາ ຢ່າງໜ້ອຍກໍໃນແງ່ຂອງຊາວ
ໜຸ່ມ. ພວກເຮົາຄິດວ່າ ພວກເຮົາສາມາດເຮັດໃຫ້ຄຸ້ມນີ້ມີໂສມໜ້າ ຂຶ້ນມາໄດ້
ແລະກໍເຮັດໃນລັກສະນະ ທີ່ເປັນທາງບວກແທ້ໆ.”
ນອກນີ້ແລ້ວ ສອງອ້າຍນ້ອງ Fung ຍັງຖືວ່າເຂົາເຈົ້າເປັນນັກເຄື່ອນໄຫວເພື່ອປະຊາຄົມນໍາດ້ວຍ. ເມື່ອບໍ່ດົນມານີ້ ເຂົາເຈົ້າໄດ້ສະແດງຢູ່ໃນຮູບເງົາ ວິດີໂອທີ່ເອົາລົງທາງເວັບໄຊ້ ເພື່ອຊຸກຍູ້ຊາວອະເມຣິກັນເຊື້ອສາຍເອເຊຍ ໃຫ້ພາກັນອອກໄປປ່ອນບັດເລືອກຕັ້ງ.
ສູນກາງກົດໝາຍສໍາລັບຊາວອະເມຣິກັນເຊື້ອສາຍເອເຊຍປາຊິຟິກ ເປັນຜູ້ໃຫ້ທຶນເຮັດຮູບເງົາວີດີໂອດັ່ງກ່າວ. ນາງ Tanzila Ahmed ຜູ້ຈັດການຝ່າຍພົວພັນພວກປ່ອນບັດເລືອກຕັ້ງຂອງອົງການດັ່ງກ່າວນີ້ ເວົ້າວ່າ ເປົ້າໝາຍຂອງອົງການ ກໍຄືພວກຊາວໜຸ່ມຢູ່ຄຸ້ມ 626.
ນາງ Tanzila ອາເມັດ ເວົ້າວ່າ: “ໂດຍທົ່ວໄປແລ້ວ ພວກຊາວໜຸ່ມບໍ່ຄ່ອຍຈະອອກ
ໄປປ່ອນບັດ ແລະຊາວອະເມຣິກັນເຊື້ອສາຍເອເຊຍທົ່ວໄປກໍບໍ່ຄ່ອຍພາກັນໄປ
ປ່ອນບັດ. ສະນັ້ນ ມັນກໍເລີຍເຮັດໃຫ້ຊາວໜຸ່ມອະເມຣິກັນເຊື້ອສາຍເອເຊຍ ບໍ່ພາກັນອອກໄປເລືອກຕັ້ງ.”
ແຕ່ຕົກມາໃນປີ 2008, ກໍປາກົດວ່າ ຊາວໜຸ່ມທັງໝົດ ແມ່ນແຕ່ຊາວໜຸ່ມອະເມຣິກັນເຊື້ອສາຍເອເຊຍ ກໍພາກັນອອກມາປ່ອນບັດໃນຈໍານວນທີ່ໜ້າປະຫຼາດໃຈ. Morley Winograd ແລະ Mike Hais ກ່າວວ່າ ຊາວໜຸ່ມເປັນຜູ້ຕັດສິນຊີ້ຂາດຜົນການເລືອກຕັ້ງໃນປີນັ້ນ. ທັງສອງທ່ານທີ່ກ່າວຊື່ມານີ້ ໄດ້ຮ່ວມກັນຂຽນປື້ມສອງຫົວ ກ່ຽວກັບພວກມີສິດປ່ອນບັດເລືອກຕັ້ງ ທີ່ເກີດໃນລະຫວ່າງປີ 1982 ຫາ 2003 ທີ່ເອີ້ນກັນວ່າ “ພວກລຸ້ນ
ຂຶ້ນສະຫັດສະຫວັດ” ຊຶ່ງ Mike Hais ອະທິບາຍຕໍ່ໄປວ່າ:
ທ່ານ ເຮສ ເວົ້າວ່າ: “ການປ່ອນບັດເລືອກຕັ້ງຂອງພວກຄົນລຸ້ນຂຶ້ນສະຫັດ
ສະຫວັດໃໝ່ນີ້ ຈະສໍາຄັນຫຼາຍໃນປີ 2012 ເທົ່າໆກັບໃນປີ 2008 ເຖິງ
ແມ່ນຈໍານວນສ່ວນຮ້ອຍຂອງຜູ້ປ່ອນບັດ ຈະບໍ່ເທົ່າກັບຜ່ານມາກໍຕາມ.”
ສ່ວນທ່ານ Winograd ກໍກ່າວວ່າ ທ່າອຽງແມ່ນກໍາລັງປ່ຽນແປງໄປຢ່າງຊ້າໆ ຢູ່ພາຍໃນປະຊາຄົມຊາວອະເມຣິກັນເຊື້ອສາຍເອເຊຍ.
ທ່ານ Winograd ເວົ້າວ່າ: “ປະຊາຄົມອະເມຣິກັນເຊື້ອສາຍຈີນ ຫາກໍຮູ້ສຶກ
ໃໝ່ໆ ໃນພະລັງທາງການເມືອງຂອງພວກຕົນ ແລະກໍພາກັນອອກໄປປ່ອນ
ບັດໃນຈໍານວນຫຼາຍຂຶ້ນ ແລະໃນຈໍານວນທີ່ຄ້າຍຄືກັນຫຼາຍຂຶ້ນ ກັບພາກ
ສ່ວນອື່ນໆຂອງປະຊາຄົມຊາວອະເມຣິກັນເຊື້ອສາຍເອເຊຍ.”
ນາງ Tanzila Ahmed ກ່າວວ່າ ແຕ່ກໍຍັງມີຊາວອະເມຣິກັນເຊື້ອສາຍເອເຊຍ ຜູ້ທີ່ມີສິດເລືອກຕັ້ງແຕ່ບໍ່ໄປປ່ອນບັດນັ້ນ ຫຼາຍຢູ່ ຊຶ່ງນາງຖິ້ມໂທດໃສ່ໜ່ວຍໂຄສະນາຫາສຽງຂອງພວກພັກການເມືອງໃຫຍ່ ທີ່ບໍ່ສຸມຄວາມພະຍາ ຍາມໃສ່ການເອື້ອມມືໄປຫາພວກຊົນກຸ່ມນ້ອຍເຫລົ່ານີ້ ເພາະມັນເປັນວຽກໜັກຂຶ້ນ.
ນາງ ອາເມັດ ກ່າວວ່າ: “ເວົ້າໃນແງ່ຂອງຄວາມຕ້ອງການເອກກະສານທີ່
ເປັນສອງພາສາເນາະ ມັນມີຫຼາຍພາສາແຕກຕ່າງກັນຢູ່ໃນປະຊາຄົມຂອງ
ພວກເຮົາ ແຕ່ວ່າແທ້ໆແລ້ວ ໜ່ວຍໂຄສະນາຫາສຽງຂອງພັກການເມືອງ
ໃຫຍ່ ບໍ່ຢາກສຸມຄວາມພະຍາຍາມໃສ່ການປຸກລະດົມປະຊາຄົມຂອງ
ພວກເຮົາ.”
ແຕ່ແທນທີ່ຈະເຮັດເຊ່ນນັ້ນ ພວກໜ່ວຍໂຄສະຫາສຽງກັບສຸມຄວາມເພ່ງເລັງຂອງຕົນໄປ
ໃສ່ໃນກຸ່ມຊົນຊາວ Hispanics ແລະຊາວອະເມຣິກັນເຊື້ອສາຍອາຟຣິກາ ຫຼາຍກວ່າ ຊຶ່ງ ເປັນສອງກຸ່ມທີ່ໃຫຍ່ທີ່ສຸດໃນພວກຊົນກຸ່ມນ້ອຍທີ່ມີສິດເລືອກຕັ້ງ. ເວລານີ້ ສູນກາງກົດ
ໝາຍສໍາລັບຊາວອະເມຣິກັນເຊື້ອສາຍ ເອເຊຍປາຊິຟິກ ກໍາລັງພະຍາຍາມສະໜອງຄວາມຕ້ອງການອັນນັ້ນ ໂດຍການຍື່ນມືໄປຫາພວກຊົນກຸ່ມນ້ອຍເຊື້ອສາຍເອເຊຍປາຊີຟິກນັ້ນ ເຊ່ນພິມປື້ມໂທລະສັບທີ່ມີ 11 ພາສາ ພ້ອມທັງວີດີໂອຊັກຊວນ ທີ່ເຮັດກັບສອງ ອ້າຍນ້ອງ Fung. ພວກຊ່ຽວຊານການເມືອງ ກ່າວວ່າ ເຄືອຂ່າວອິນເທີເນັດ ແລະຕາໜ່າງສັງຄົມ ອາດເປັນເຄຶ່ອງມືທີ່ມີປະສິດທິຜົນສູງທີ່ສຸດສໍາ ລັບເຂົ້າຫາເຂົ້າເຖິງ ພວກລຸ້ນຂຶ້ນສະຫັດສະຫວັດ ຜູ້ທີ່ບາດແລ້ວກໍອາດຈະຊ່ວຍຊຸກຍູ້ໃຫ້ພວກພໍ່ແມ່ຂອງເຂົາເຈົ້າ ໄປປ່ອນບັດ
ເລືອກຕັ້ງນໍາ.
