ດ້ວຍການເກັບກຳຂໍ້ມູນຈາກການວິໄຈ ຄົ້ນຄວ້າ ມາໄດ້ 2 ປີ
ນັ້ນລາຍງານຂອງອົງການກອງທຶນເດັກນ້ອຍຫຼື UNICEF
ກ່າວວ່າການຕິດຕໍ່ໂຣກ HIV ໃນກຸ່ມໄວລຸ້ນ ໄດ້ເຕືອນເຖິງ
ໂຣກລະບາດແນວໃໝ່.
ທ່ານ Wing-Sie Cheng ທີ່ປຶກສາຂອງອົງການ UNICEໃນຂົງເຂດກ່ຽວກັບເລື້ອງໂຣກ HIV ແລະ AIDS ກ່າວວ່າ ສາເຫດຂອງຄວາມເປັນຫ່ວງເປັນໄຍ ແມ່ນນອນຢູ່ໃນການເສຍ
ຊີວິດ ເພີ້ມຂຶ້ນ 120 ເປີເຊັນ ໃນກຸ່ມໄວລຸ້ນ ນັບຕັ້ງແຕ່ປີ 2000 ເປັນຕົ້ນມາ.
ທ່ານນາງ Wing-Sie Cheng ກ່າວວ່າ: “ເອເຊຍປາຊີຟິກ ກຳລັງປະເຊີນກັບໂຣກລະ
ບາດທີ່ປິດບັງ ເຊັ່ນ HIV ໃນກຸ່ມໄວຮຸ້ນ ແລະມັນປິດບັງ ກໍເພາະວ່າ ການຕວດສອບບໍ່ສາ
ມາດ ຈະນຳເອົາບັນດາໄວລຸ້ນ ໂດຍສະເພາະພວກທີ່ມີອາຍຸຕ່ຳກວ່າ 18 ປີຍ້ອນລະບຽບ
ການທີ່ຈະຕ້ອງໄດ້ຮັບການຍິນຍອມແລະອະນຸຍາດ ຈາກຜູ້ປົກຄອງເສຍກ່ອນ.”
ລາຍງານຍັງໄດ້ກ່າວວ່າ ໃນຂະນະທີ່ຜູ້ຄົນສ່ວນໃຫຍ່ ທີ່ມີອາຍຸຕ່ຳກວ່າ 20 ປີ ນັ້ນແມ່ນມີຄວາມສ່ຽງຕໍ່າ ຕໍ່ໂຣກ HIV ແຕ່ການຕິດເຊື້ອໂຣກດັ່ງກ່າວແມ່ນມີສູງຫຼາຍໃນໝູ່ຄົນໄວລຸ້ນ ໃນຂົງເຂດທີ່ມີຊຸມຊົນໜາແໜັ້ນ ໃນຮາໂນ້ຍ ບາງກອກ ຊຽງໃໝ່ ມຸມບາຍ ແລະຫຼາຍໆເມືອງໃນຈີນ.
ກຳປູເຈຍ ຈີນ ອິນເດຍ ມຽນມາ ປາກິສຖານ Papua New Guinea ຟິລິບປີນ ແລະຫວຽດນາມ ແມ່ນເປັນບ່ອນທີ່ຮັບພາລະໜັກຂອງການຕິດໂຣກ HIV ໃນກຸ່ມໄວລຸ້ນ.
ໃນອິນໂດເນຍເຊຍ ອົງການສະຫະປະຊາຊາດ ຄາດຄະເນວ່າ ຈຳນວນຂອງໄວລຸ້ນໜຸ່ມທີ່ເປັນໂຣກ HIV ນັ້ນທີ່ຫຼາຍກວ່າ 40 ພັນ ຕາມຫຼັງມາ ໂດຍປະເທດໄທ ທີ່ມີເກືອບ 10 ພັນຄົນ.
ອົງການສະຫະປະຊາຊາດ ກ່າວວ່າ ໃນທົ່ວຂົງເຂດ ມີໄວລຸ້ນ ປະມານ 220 ພັນຄົນ ທີ່ໃຊ້ຊີວິດ ຢູ່ກັບການມີໂຣກ HIV.
ທ່ານນາງ Wing-Sie Cheng ກ່າວວ່າ ແນວໂນ້ມສະແດງໃຫ້ເຫັນວ່າໂຣກລະບາດ ມີຢູ່ໃນກຸ່ມຂອງໄວໜຸ່ມ ໃນການຕິດໂຣກໃໝ່ນີ້ ຊຶ່ງທ່ານກ່າວຕື່ມວ່າ:
“ຕາມຄວາມຈິງແລ້ວ ພວກເຂົາແມ່ນຮວມຢູ່ໃນສ່ວນນີ້ ຊຶ່ງມັນກໍເປັນພາກສ່ວນໃຫຍ່ພໍ
ໃນ 15 ເປີເຊັນ ຂອງຈຳນວນ 50 ພັນ ຄົນ ທີ່ສາມາດບອກ ທ່ານວ່າ ມັນແມ່ນ ເປັນໂຣກ ລະບາດໃນກຸ່ມອາຍຸ ໄວນີ້ ເພາະສະນັ້ນການທ້າທາຍ ກໍແມ່ນການເຮັດໃຫ້ລັດຖະບານ
ຂຶ້ນມາຮັບຜິດຊອບ ໃນເລື້ອງທີ່ລະອຽດອ່ອນຢ່າງຈິງຈັງ.”
ລາຍງານນີ້ຮຽກຮ້ອງ ໃຫ້ລັດຖະບານພັດທະນາສະຖິຕິທີ່ດີກວ່າ ກ່ຽວກັບຍຸດທະສາດການປ້ອງກັນ HIV ພ້ອມທັງກົດໝາຍແລະນະໂຍບາຍ ທີ່ຈະສາມາດໃຫ້ໄດ້ຮັບຄວາມເຫັນດີ
ເຫັນພ້ອມໃຫ້ໄດ້ເຂົ້າຫາພວກຊາວໜຸ່ມ ເພື່ອການກວດສອບຫາເຊື້ອ HIV ແລະການໃຫ້ບໍລິການຢ່າງອື່ນໆນຳ.
