ພວກນັກສັງເກດການຈາກຢູໂຣບ ກ່າວວ່າ ການເລືອກຕັ້ງປະທານາທິບໍດີຣັດເຊຍ ແມ່ນ
ແລເຫັນໄດ້ຢ່າງຈະແຈ້ງວ່າ ໄດ້ຖືກຈັດແຈງເພື່ອໃຫ້ນາຍົກລັດຖະມົນຕີ Vladimir Putin
ໄດ້ຊະນະການເລືອກຕັ້ງດ້ວຍຄະແນນສຽງຢ່າງຖ້ວມລົ້ນ.
ຖະແຫລງການສະບັບນຶ່ງຈາກອົງການເພື່ອຄວາມໝັ້ນຄົງແລະການຮ່ວມມືໃນຢູໂຣບ ຫລື
OSCE ກ່າວວ່າ ບໍ່ມີການແຂ່ງຂັນຢ່າງແທ້ຈິງໃດໆ ແລະກ່າວຕື່ມວ່າ ການນໍາໃຊ້ຊັບພະ
ຍາກອນຂອງລັດຖະບານຢ່າງເກີນຂອບເຂດ ໄດ້ຮັບປະກັນໃຫ້ທ່ານພູຕິນໄດ້ຮັບໄຊຊະ
ນະຢ່າງບໍ່ມີຂໍ້ສົງໄສໃດໆເລີຍ.
ອົງການ OSCE ກ່າວວ່າ ທ່ານພູຕິນໄດ້ປຽບຢ່າງຈະແຈ້ງໃນການເຂົ້າຫາສື່ມວນຊົນ
ແລະພວກປ່ອນບັດເລືອກຕັ້ງມີທາງເລືອກຢ່າງຈໍາກັດ ສໍາລັບເລືອກເອົາຜູ້ເຂົ້າແຂ່ງຂັນ
ໃນການເລືອກຕັ້ງ ຍ້ອນຂໍ້ບັງຄັບໃນການໄປລົງທະບຽນສະໝັກເລືອກຕັ້ງທີ່ເຂັ້ມງວດ
ເກີນຂອບເຂດ. ອົງການ OSCE ຍັງລາຍງານອີກວ່າ ມີການລະເມີດກົດລະບຽບການ
ເລືອກຕັ້ງ ຢູ່ໃນ 1 ສ່ວນ 3 ຂອງໜ່ວຍປ່ອນບັດເລືອກຕັ້ງທັງໝົດໃນທົ່ວປະເທດນັ້ນ.
ພວກຜູ້ນໍາຝ່າຍຄ້ານຣັດເຊຍວາງແຜນຈະໂຮມຊຸມນຸມກັນຢູ່ໃກ້ໆກັບວັງ Kremlin ໃນ
ວັນຈັນມື້ນີ້ ເພື່ອປະທ້ວງຕໍ່ອັນທີ່ເຂົາເຈົ້າເວົ້າວ່າ ເປັນການເລືອກຕັ້ງທີ່ຫລອກລວງນັ້ນ.
ຜົນຂອງການເລືອກຕັ້ງຂັ້ນຕົ້ນສະແດງໃຫ້ເຫັນວ່າ ທ່ານພູຕິນໄດ້ຮັບ ຄະແນນສຽງ 64
ເປີເຊັນຂອງຈໍານວນຄະແນນສຽງທັງໝົດ ແລະຄູ່ແຂ່ງທີ່ໃກ້ຊິດ ທ່ານ Gennady Zyu
ganov ຫົວໜ້າພັກປະຊາຄົມ ໄດ້ຮັບຄະແນນສຽງ 17 ເປີເຊັນ ແລະຄູ່ແຂງອີກ 3 ຄົນ
ໄດ້ຮັບຄະແນນສຽງບໍ່ຮອດ 10 ເປີເຊັນ.
ເບິ່ງວີດີໂອລາຍງານ ກ່ຽວກັບພວກສະໜັບສະໜຸນທ່ານພູຕິນພາກັນ
ສະເຫລີມສະຫລອງ:
ທ່ານພູຕິນກ່າວວ່າ ທ່ານໄດ້ຮັບໄຊຊະນະໃນອັນທີ່ທ່ານເອີ້ນວ່າ ການຕໍ່ສູ້ທີ່ເປີດກວ້າງ
ແລະຊື່ສັດ. ທ່ານເຖິງກັບນໍ້າຕາໄຫລ ເວລາກ່າວຕ້ອນຮັບພວກສະໜັບສະໜຸນທ່ານ
ຫລາຍພັນຄົນຢູ່ນອກວັງ Kremlin ໃນແລງວັນອາທິດວານນີ ໂດຍກ່າວຂອບອົກຂອບ
ໃຈພວກເຂົາເຈົ້າ ທີ່ໄດ້ຢຸດປະເທດໄວ້ ຈາກອັນທີ່ທ່ານໃຊ້ຄວາມເວົ້າວ່າ ການຕົກຢູ່ໃນກໍາ
ມື ຂອງພວກສັດຕູທີ່ພະຍາຍາມຈະຊີງອໍານາດນັ້ນ. ມື້ລາງປະທານາທິບໍດີ Boris Yeltsin
ແຫ່ງຣັດເຊຍໄດ້ແຕ່ງຕັ້ງທ່ານ ພູຕິນໃຫ້ຂຶ້ນດໍາ ລົງຕໍາແໜ່ງແທ່ນທ່ານໃນວັນຂຶ້ນປີໃໝ່
ຂອງປີ 2000. ຕໍ່ມາ ທ່ານພູຕິນໄດ້ຊະນະການເລືອກຕັ້ງປະທານາທິບໍດີໃນທ້າຍປີດຽວ
ກັນນັ້ນ ແລະ ໄດ້ຊະນະການເລືອກຕັ້ງໃນປີ 2004 ຕື່ມອີກ. ກົດໝາຍລັດຖະທໍາມະນູນ
ຫ້າມທ່ານ ພູຕິນດໍາລົງຕໍາແໜ່ງຕື່ມອີກເປັນ ສະໄໝທີສາມ. ທ່ານພູຕິນໄດ້ດໍາລົງຕໍາແໜ່ງ
ນາຍົກ ລັດຖະມົນຕີໃນຊ່ວງ 4 ປີຜ່ານມານີ້ ພາຍໃຕ້ປະທານາທິບໍດີ Dmitry
Medvedev ທີ່ກໍາລັງຈະພົ້ນຈາກຕໍາແໜ່ງນັ້ນ.
