ກອງທັບສະຫະລັດ ປະກາດໃນວັນຈັນວານນີ້ວ່າ ຕົນຈະດຳເນີນ
ຄະດີ ສິບໂທ Bowe Bergdahl ໂດຍສານທະຫານ ໃນຂໍ້ຫາ
ປະລະໜ້າທີ່ ແລະເຮັດໃຫ້ບັນ ດາເພື່ອນທະຫານຂອງລາວ ຕົກ
ຢູ່ໃນອັນຕະລາຍ ໃນອັຟການິສຖານ.
ສິບໂທ Bergdahl ໄດ້ໃຊ້ເວລາຫ້າປີ ໃນຖານະເປັນນັກໂທດຢູ່
ກັບພວກທາລິບານ ກ່ອນທີ່ລາວໄດ້ຖືກປ່ອຍໃນປີກາຍນີ້ເພື່ອ
ແລກປ່ຽນກັບພວກນັກລົບທາລິບານຫ້າຄົນ ທີ່ຖືກຄຸມຂັງໄວ້ຢູ່
ຄຸກ ສະຫະລັດ ທີ່ ອ່່າວ Guantanamo ປະເທດຄິວບາ.
ຖ້າຫາກຖືກພົບເຫັນວ່າມີຄວາມຜິດ ສິບໂທ Bergdahl ອາດ
ຈະຮັບໃຊ້ໂທດຕະຫລອດຊີວິດ ຢູ່ໃນຄຸກທະຫານ.
ຄະນະທະນາຍຄວາມ ທີ່ຕໍ່ສູ້ຄະດີໃຫ້ສິບໂທ Bergdahl ໄດ້ໂຕ້ຖຽງຢູ່ໃນການຮັບຟັງໃນ
ຕົ້ນປີນີ້ວ່າ ລາວສົມຄວນຖືກກ່າວຫາ ໃນຄວາມຜິດທີ່ບໍ່ຮ້າຍແຮງ ຊຶ່ງໝາຍຄວາມວ່າ ປົດ
ຊັ້ນລົງ ຕິດຄຸກເປັນເວລາສັ້ນໆ ແລະໄລ່ອອກຈາກທະຫານຢ່າງໜ້າອັບອາຍ. ເຂົາເຈົ້າ
ກ່າວວ່າ ສິບໂທ Bergdhal ບໍ່ແມ່ນເປັນໃຈພວກ ທາລິບານ ແລະບໍ່ມີໃຜຖືກຂ້າຕາຍ
ເວລາພວກທະຫານອອກໄປຊອກຫາລາວ. ບັນດາທະນາຍຄວາມ ຍັງກ່າວວ່າ ລູກ
ຄວາມຂອງເຂົາເຈົ້າ ໄດ້ຮັບຄວາມທໍລະ ມານຢູ່ໃນກຳມືຂອງທາລິບານ.
ແຕ່ບັນດາໄອຍະການທະຫານ ກ່າວວ່າ ສິບໂທ Bergdahl ໄດ້ເຮັດໃຫ້ບັນດາໝູ່ເພື່ອນ
ທະຫານຂອງລາວຕົກຢູ່ໃນອັນຕະລາຍ ເວລາເຂົາເຈົ້າຕ້ອງໄດ້ຊອກຫາລາວ ຢູ່ໃນບາງ
ເຂດຂອງອັຟການິສຖານ ບ່ອນທີ່ພວກກໍ່ການຮ້າຍທາລິບານພາ ກັນລີ້ຊ່ອນຢູ່ນັ້ນ. ເຂົາ
ເຈົ້າໄດ້ໂຕ້ຖຽງວ່າ ສິບໂທ Bergdahl ໄດ້ລັກລອບໜີອອກຈາກໝວດທະຫານຂອງລາວ
ທ່າງກາງຄວາມມືດໃນຕອນກາງຄືນ ແລະໄດ້ວາງແຜນຫລົບໜີໄປເປັນເວລາຫລາຍອາທິດ.
ຢູ່ໃນການສຳພາດເພື່ອນຳອອກເຜີຍແຜ່ທາງ podcast ນັ້ນສິບໂທ Bergdahl ກ່າວວ່າ
ລາວຕ້ອງການຢາກໃຫ້ເປັນທີ່ສົນໃຈ ໃນອັນທີ່ລາວເຫັນວ່າເປັນຄວາມ “ລົ້ມແຫລວ”
ຂອງຜູ້ນຳທະຫານ ຢູ່ໃນໝວກຂອງລາວນັ້ນ.
