ຕາມການລາຍງານຂອງອົງການ Feeding America, ເຊິ່ງແມ່ນ ເຄືອຂ່າຍ ທະນາຄານອາຫານໃນສະຫະລັດ, ຄົນອາເມຣິກາຖິ້ມອາຫານປະມານ 41 ພັນລ້ານກິໂລກຣາມໃນທຸກໆປີ... ຄິດໄລ່ເປັນອາຫານປະມານ 145 ພັນລ້ານ ຄາບອາຫານ. ແຕ່ມີວິທີໃໝ່ໆ ທີ່ທາງເຕັກໂນໂລຊີສາມາດຊ່ວຍໃຫ້ແນ່ໃຈວ່າ ອາຫານເຫຼົ່ານັ້ນຈະໄປຮອດມືຂອງຜູ້ທີ່ຕ້ອງການ. ວາລາຢາ ບາຣາປູຕຣີ ນັກຂ່າວວີໂອເອ ມີລາຍງານເພີ່ມຕື່ມ, ເຊິ່ງ ພຸດທະສອນ ຈະນຳສະເໜີລາຍລະອຽດ.
ມັນແມ່ນເວລາກາງຄືນໃນນະຄອນຫຼວງ ວໍຊິງຕັນ ແລະ ພະນັກງານທີ່ຮ້ານ Rasa ເຊິ່ງແມ່ນຮ້ານອາຫານອິນເດຍ, ກຳລັງກະກຽມອາຫານສັ່ງກັບບ້ານ. ແຕ່ທີ່ແປກປະຫຼາດຄື, ລູກຄ້າບໍ່ຮູ້ວ່າພວກເຂົາຈະໄດ້ຫຍັງ... ພວກເຂົາສັ່ງໂດຍ ອີງໃສ່ລາຄາເທົ່ານັ້ນ, ບໍ່ແມ່ນລາຍການອາຫານທີ່ສະເພາະເຈາະຈົງ.
ທ່ານ ຣາຮຸດ ວິນອດ ເປັນຜູ້ບໍລິຫານໃຫຍ່ຮ່ວມຂອງ Rasa
ທ່ານ ຣາຮຸດ ວິນອດ ກ່າວວ່າ "[ພວກເຮົາໃຫ້] ອາຫານຮ້ອນຫຼາຍຂຶ້ນ, ໂດຍສະເພາະໂປຣຕີນບາງຢ່າງ ທີ່ບໍ່ສົດປານໃດເມື່ອນຳໄປອຸ່ນຄືນໃໝ່ໃນມື້ຕໍ່ໄປ, ດັ່ງນັ້ນລູກຄ້າຈະໄດ້ຮັບ ສ່ວນປະສົມທີ່ຫຼາກຫຼາຍຂອງວັດຖຸດິບເຫຼົ່ານັ້ນ."
ອາຫານຖືກສັ່ງຜ່ານແອັບມືຖືຊື່ວ່າ Too Good To Go ເຊິ່ງເຊື່ອມຕໍ່ຮ້ານ ອາຫານ, ຮ້ານກາເຟ ແລະ ຮ້ານສະດວກຊື້ ກັບຜູ້ໃຊ້ທີ່ຕ້ອງການຊື້ອາຫານ - ມັກຈະໃກ້ກັບວັນໝົດອາຍຸ - ໃນລາຄາທີ່ຫຼຸດລົງຢ່າງຫຼາຍ.
ຖ້ວຍນີ້ຈາກ Rasa ປົກກະຕິລາຄາ 10 ເຖິງ 13 ໂດລາ. ຜ່ານແອັບນີ້ ລາຄາແມ່ນ 6 ໂດລາ 50 ເຊັນ.
ທ່ານ ວິນອດ ກ່າວວ່າເຈົ້າຂອງຮ້ານອາຫານບໍ່ໄດ້ກຳໄລຫຼາຍຈາກການໄດ້ຮັບ ຄຳສັ່ງຊື້ເຫຼົ່ານີ້, ແຕ່ກໍ່ດີກວ່າຖິ້ມອາຫານ ແລະ ມີປະໂຫຍດເພີ່ມຕື່ມ... ຄືການນຳລູກຄ້າໃໝ່ເຂົ້າມາ.
ທ່ານ ຣາຮຸດ ວິນອດ ກ່າວວ່າ
"ເຮົາໄດ້ລູກຄ້າໜ້າໃໝ່ຫຼາຍ ທີ່ເຫັນເຮົາໂດຍການເປີດແອັບເທົ່ານັ້ນ, ແລະ ພວກເຂົາເຫັນວ່າມີຫຍັງຢູ່ໃກ້ໆ."
Too Good To Go ເລີ່ມຕົ້ນໃນປະເທດເດັນມາກ ໃນປີ 2015, ແຕ່ຕອນນີ້ກຳລັງດຳເນີນການໃນຢູໂຣບ ແລະ ອາເມຣິກາເໜືອ ຕາມທີ່ຮອງປະທານຂອງບໍລິສັດປະຈຳອາເມຣິກາເໜືອກ່າວ, ຕອນນີ້ມີຜູ້ໃຊ້ງານໃນສະຫະລັດ ປະມານ 8 ລ້ານຄົນ.
ທ່ານ ຄຣິສ ແມັກອໍເລ, ຮອງປະທານພາກພື້ນອາເມຣິກາເໜືອ Too Good To Go ກ່າວວ່າ
"ພວກເຮົາມີກຸ່ມຜູ້ໃຊ້ຈຳນວນຫຼາຍ ທີ່ແທ້ຈິງແລ້ວກຳລັງຫາອາຫານມາລ້ຽງ ຄອບຄົວ ແລະ ເຮົາຍັງມີຜູ້ໃຊ້ທີ່ມັກລັກສະນະການເປີດກ່ອງເບິ່ງວ່າ ຈະໄດ້ຫຍັງຂ້າງໃນ."
ແຕ່ເມື່ອຕ້ອງຖິ້ມອາຫານ ກໍ່ມີແອັບສຳລັບເລື່ອງນັ້ນດ້ວຍ. ຖັງເຮັດປຸຍອັດສະລິ ຍະທີ່ຄວບຄຸມດ້ວຍແອັບປະມານ 400 ຖັງຢູ່ໃນນະຄອນ ນິວຢອກ. ພວກມັນ ຖືກໃຊ້ເພື່ອນຳເອົາອາຫານເກົ່າມານຳໃຊ້ຄືນໃໝ່ (recycle) ແລະ ປ້ອງກັນບໍ່ ໃຫ້ໄປຢູ່ໃນຂຸມຂີ້ເຫຍື້ອ.
ກະຊວງກະສິກຳຂອງສະຫະລັດ ກ່າວວ່າອາຫານທີ່ກິນໄດ້ປະມານໜຶ່ງໃນ ສາມໃນ ສະຫະລັດ ບໍ່ໄດ້ກິນ ແລະ ຖືກຖິ້ມລົງຖັງຂີ້ເຫຍື້ອ.
ທ່ານ ຄຣິສ ແມັກອໍເລ ຈາກ Too Good To Go ກ່າວວ່າການໃຊ້ ຫຼື ນຳກັບມາໃຊ້ຄືນໃໝ່ຂອງອາຫານທີ່ກິນໄດ້ ແຕ່ບໍ່ໄດ້ໃຊ້ໃຫ້ຫຼາຍທີ່ສຸດ ຕ້ອງເປັນເປົ້າໝາຍລະດັບຊາດ.
ທ່ານ ຄຣິສ ແມັກອໍເລ ກ່າວວ່າ
"ມັນຈະບໍ່ແມ່ນແຕ່ຄຳຕອບຈາກນະໂຍບາຍເທົ່ານັ້ນ. ມັນຈະບໍ່ແມ່ນແຕ່ທຸລະກິດ ທີ່ເຮັດໃຫ້ມີການປ່ຽນແປງເທົ່ານັ້ນ. ມັນຈະບໍ່ແມ່ນແຕ່ຜູ້ບໍລິໂພກທີ່ເຮັດບາງຢ່າງ ແຕກຕ່າງອອກໄປເທັ້ານັ້ນ. ມັນຈະເປັນການທີ່ເຮົາສ້າງຄວາມກ້າວໜ້າໃນ ທຸກດ້ານເຫຼົ່ານັ້ນ."
ເສດອາຫານບໍ່ແມ່ນພຽງການສູນເສຍ... ອາຫານທີ່ເນົ່າເປື່ອຍມີສ່ວນເຮັດໃຫ້ ເກີດການປ່ຽນແປງສະພາບດິນຟ້າອາກາດ ໂດຍການຜະລິດແກັສມີເທນ, ເຊິ່ງເປັນໜຶ່ງໃນແກັສເຮືອນແກ້ວທີ່ມີປະສິດທິພາບຫຼາຍທີ່ສຸດ.
ອ່ານລາຍງານນີ້ເປັນພາສາອັງກິດ
It’s nighttime in Washington and employees at Rasa, an Indian restaurant, are preparing takeout orders. But in a unique twist, the customers don’t know what they’re getting… they ordered based only on price, not on a specific menu item.
“[We give] more of the hot food, especially some of the proteins that aren’t as fresh when you reheat them the next day, so the customers get a mix and match of those ingredients.”
The food was ordered via a mobile app called Too Good To Go, which connects restaurants, cafes, and supermarkets with users who want to buy food – often close to its expiration date – at deeply discounted prices.
This bowl from Rasa normally costs 10- to 13 dollars. Through the app, it cost six-and-a-half dollars.
Vinod says the restaurant owners aren’t making a lot of money on these orders, but that it’s better than throwing food away. And an added benefit…bringing in new customers.
“We get a lot of first-time guests who found us by just opening the app, and they’re seeing what’s nearby.”
Too Good To Go started in Denmark in 2015, but now operates in Europe and North America.
According to the company’s vice president for North America, there are now around eight million U.S. users.
“We have a big group of users who really are putting food on their table for their family. And then we also have users who really love the unboxing nature of if.”
But when food does have to be thrown away there’s an app for that as well. About 400 of these app-operated smart composting bins are in New York. They are being used to recycle old food and keep it out of landfills.
The U.S. Department of Agriculture says about one-third of all edible food in the U.S. goes uneaten and into the garbage.
Chris MacAulay from Too Good To Go says using or reusing as much of that edible but unused food must be a national goal.
“It’s not going to be purely a policy answer. It’s not going to be purely businesses making changes. It’s not going to be simply consumers doing something different. It’s going to be us making progress across all those fronts.”
Food waste isn’t just a waste… rotting food contributes to climate change by producing methane, one of the most potent greenhouse gases.
ຟໍຣັມສະແດງຄວາມຄິດເຫັນ