ຄໍາເວົ້າທີ່ສະແດງຄວາມຄຽດຊັງ ກໍາລັງກາຍມາເປັນບັນທັດຖານໃໝ່ຢູ່ໃນມາເລເຊຍ, ກ່າວໂດຍອົງການສື່ມວນຊົນ ທີ່ໄດ້ຕິດຕາມກວດກາການພິມເຜີຍແຜ່ລົງສື່ສັງຄົມອອນລາຍ ໃນລະຫວ່າງການເລືອກຕັ້ງລັດຖະບານໃນເດືອນນີ້.
ໃນນະຄອນຫຼວງກົວລາລໍາເປີ, ຢູ່ທີ່ສູນກາງທາງດ້ານການຂ່າວທີ່ເປັນອິດສະຫຼະ ຫຼື CIJ ໄດ້ຈັດຕັ້ງທີມງານຕິດຕາມເວັບໄຊທ໌ສື່ສັງຄົມໃນຊ່ວງເວລາ 4 ອາທິດທີ່ຜ່ານມາ.
ໂດຍມີຈຸດເປົ້າໝາຍສໍາຄັນໃສ່ດ້ານເຊື້ອຊາດ, ສາສະໜາ, ກະສັດ, ເພດ, ລົດນິຍົມທາງເພດ, ແລະ ການອົບພະຍົບ, ທີມງານ CIJ ໃຊ້ເວລາຫຼາຍຊົ່ວໂມງເພື່ອເອົາໃຈໃສ່ດ້ານກິດຈະກໍາຈາກບັນດານັກການເມືອງ, ພັກການເມືອງຕ່າງໆສື່ສັງຄົມອື່ນໆ, ໜ່ວຍງານພາກລັດ ແລະຜູ້ນໍາທາງດ້ານຄວາມຄິດທັງຫຼາຍ.
ໃນການຄົ້ນພົບເບື້ອງຕົ້ນຂອງພວກເຂົາເຈົ້າ: ຄໍາເວົ້າໃນລັກສະນະຄຽດຊັງ ໄດ້ກາຍມາເປັນເລື້ອງ “ປົກກະຕິ” ໄປແລ້ວ.
ດ້ານນຶ່ງ ທີ່ບັນດານັກຄົ້ນຄວ້າ ພົບເຫັນຢູ່ເລື້ອຍໆແມ່ນ ການນໍາໃຊ້ພາສາທາງອາລົມທີ່ຮຸນແຮງ ຫຼື ໃນລັກສະນະຂອງການເລືອກປະຕິບັດ, ກ່າວໂດຍຜູ້ອໍານວຍການໃຫຍ່ຂອງທີມ CIJ ທ່ານວາສລະ ນາຍດູ (Wathshlah Naidu).ທ່ານນາຍດູ ກ່າວຕໍ່ VOA ວ່າ “ນັ້ນເປັນສິ່ງທີ່ໜ້າກັງວົນຫຼາຍ ເນື່ອງຈາກວ່າ ປັດຈຸບັນພວກເຮົາເຮັດໃຫ້ມັນເປັນເລື້ອງປົກກະຕິ, ແລະ ຍ້ອນຄວາມເປັນປົກ ກະຕິນີ້ ມັນຈຶ່ງຈະກາຍມາເປັນເລື້ອງໃຫຍ່ເພີ້ມຂຶ້ນ.”
ໃນໂຄງການຕິດຕາມກວດກາ “ກ່າວປະຕິເສດ ຕໍ່ຄໍາເວົ້າທີ່ຄຽດຊັງ” ເປັນເວລາຍາວ 1 ເດືອນ, ເຊິ່ງໄດ້ເລີ້ມຕົ້ນຂຶ້ນໃນວັນທີ 24 ກໍລະກົດ ໃນລະຫວ່າງທີ່ລັດຖະບານມາເລຍເຊຍ 6 ຄົນ ກຽມພ້ອມແລ້ວສໍາລັບການເລືອກຕັ້ງ.
