ອົງການນິລະໂທດກຳສາກົນ ກ່າວວ່າ ສະພາບການດ້ານສິດທິ
ມະນຸດຢູ່ໃນທົ່ວໂລກໄດ້ເຊື່ອມໂຊມລົງໃນປີ 2015 ຍ້ອນລະບົບ
ທີ່ອອກແບບເພື່ອປົກປ້ອງສິດທິ ຂັ້ນພື້ນຖານນັ້ນ ໄດ້ຖືກໂຈມຕີ
ໂດຍລັດຖະບານເອງ.
ຢູ່ໃນລາຍງານປະຈຳປີຂອງອົງການນິລະໂທດກຳສາກົນ ທີ່ນຳ
ອອກເຜີຍແຜ່ໃນວັນພຸດມື້ນີ້ ບັນດານັກຄົ້ນຄວ້າໄດ້ກ່າວເນັ້ນເຖິງ
ສະຖານະການໃນຊີເຣຍວ່່າເປັນວິກິດການອັນຮີບດ່ວນທີ່ສຸດຂອງ
ໂລກ ໂດຍສະເພາແມ່ນເລື້ອງອົບພະຍົບ.
ທ່ານນາງ Tirana Hassan ຜູ້ອຳນວຍການຝ່າຍຮັບມືກັບວິກິດ
ການ ຂອງອົງ ການນິລະໂທດກຳສາກົນ ກ່າວວ່າ “ພວກເຮົາໄດ້ບັນທຶກກໍລະນີການໂຈມຕີ
ທາງອາກາດ ຕໍ່ບັນດາໂຮງຮຽນ ຕໍ່ໂຮງໝໍແລະຕໍ່ບ້ານເຮືອນຂອງພົນລະເຮືອນ. ຣັດເຊຍ ແລະຊີເຣຍ ແນເປົ້າໝາຍໃສ່ພວກພົນລະເຣືອນ ແລະແນ່ນອນທີ່ສຸດເປັນອາຊະຍາກຳສົງຄາມ.”
ຫວ່າງມໍໆມານີ້ ທ່ານນາງ Hassan ໄດ້ໄປຢ້ຽມຢາມຊາຍແດນເທິກີທີ່ຕິດກັບຊີເຣຍ ທີ່ເມືອງ Kilis ບ່ອນທີ່ອົບພະຍົບຫາກໍມາຮອດໃໝ່ 58,000 ຄົນອາໄສຢູ່ ໄດ້ພາກັນລໍຖ້າ ທີ່ຈະຂ້າມເຂົ້າສູ່ເທີກີເປັນຈຳນວນຫຼວງຫຼາຍ. Ankara ໄດ້ປະຕິເສດທີ່ຈະເປີດຊາຍແດນຂອງຕົນ.
ທ່ານນາງກ່າວວ່າ “ຢູໂຣບ ຕາມທຳມະດາແລ້ວ ພະຍາຍາມເຮັດໃຫ້ ຊາຍແດນເທີກີ ເປັນ
ປ້ອມຍາມຊາຍແດນແກ່ເຂົາເຈົ້າ ແລະນັ້ນບໍ່ສາມາດແກ້ໄຂໄດ້. ຜູ້ຄົນທີ່ຢູ່ຊາຍແດນເທິກີ
ປັດຈຸບັນນີ້ ກຳລັງພາກັນຮ້ອນຮົນທີ່ສຸດ ແລະເຂົາເຈົ້າຊອກຫາການໃຊ້ເສັ້ນທາງລັກລອບ
ທີ່ຜິດກົດໝາຍ. ແລະພວກເຮົາໄດ້ບັນທຶກຫລາຍໆກໍລະນີ ບ່ອນທີ່ພວກຍາມຊາຍແດນ
ໄດ້ໃຊ້ລູກປືນແທ້ຍິງໃສ່ອົບພະຍົບ.”
ໃນຂະນະທີ່ຊີເຣຍເປັນແນວໜ້າຂອງບັນຫາຂັດແຍ້ງໃນໂລກ ເລຂາທິການໃຫຍ່ ຂອງ
ອົງການນິລະໂທດກຳສາກົນ ທ່ານ Salil Shetty ກ່າວວ່າ ມີທ່າອຽງຢ່າງ ແຜ່ກວ້າງກ່ຽວ
ກັບການເຊື່ອມໂຊມລົງໃນດ້ານສິດທິມະນຸດ.
