ລິ້ງ ສຳຫລັບເຂົ້າຫາ

ຊາວອາເມຣິກັນ ຕຽມຊົມ ການແຂ່ງຂັນ Super Bowl ວັນອາທິດມື້ນີ້


ທ້າວ Ron (ຊ້າຍ) ແລະນາງ Tammy Chu ຈາກນະຄອນ Boston ກຳລັງກວດເບິ່ງ ຕາຕະລາງທີ່ນັ່ງ ຫຼັງຈາກທີ່ໄດ້ຮັບ ປີ້ເຂົ້າຊົມ Super Bowl ຈາກຫ້ອງການຈຳໜ່າຍປີ້, ວັນທີ 31 ມັງກອນ 2015, ໃນນະຄອນ Phoenix ລັດ Arizona.

ວັນ​ອາທິດ​ມື້​ນີ້ ເທົ່າ​ກັບ​ເປັນ​ວັນ​ບຸນ​ຢ່າງ​ບໍ່​ເປັນ​ທາງ​ການ ຢູ່​ໃນ
​ສະຫະລັດ ​ຊຶ່ງຊາວ​ອາ​ເມ​ຣິກັນຫຼາຍໆລ້ານຄົນ ຈະພາກັນ​ເຕົ້າ​
ໂຮມ​ຢູ່​ໜ້າ​ຈໍ​ໂທລະ​ພາບ​ ​ເພື່ອ​ຊົມ​ການ​ແຂ່ງຂັນ​ຊິງ​ຊະນະ​ເ​ລີດ
​ປະຈຳ​ປີ​ ຂອງສະຫະພັນ​ກິລາ​ຟຸດ​ບອລ​ແຫ່ງ​ຊາດ ຫຼື
Super Bowl ນັ້ນ.

​ການ​ແຂ່ງ​ຂັນດັ່ງກ່າວ​ ​ແມ່ນ​ເປັນ​ເຫດການຖ່າຍ​ທອດ​ທາງ​
ໂທລະພາບ ທີ່​ມີ​ຄົນ​ເບິ່ງຫຼາຍທີ່ສຸດ ​ໃນ​ແຕ່ລະ​ປີ​ ຢູ່​ສະຫະລັດ
​ໂດຍ​ມີ​ອີກຫຼາຍລ້ານຄົນ​ຮ່ວມ​ຊົມ ຢູ່​ໃນ​ເຂດຕ່າງໆ​ໃນ​ທົ່ວ​ໂລກ.

ການ​ແຂ່ງ​ຂັນ​ຂອງປີ​ນີ້ ​ແມ່ນ​ຄັ້ງທີ 49 ໂດຍມີ ທີມປ້ອງ​ກັນ​ແຊັມປີ​ກາຍ​ນີ້ Seattle Seahawks ຈາກ ​ລັດ​ Washington ທາງ​ຝັ່ງ​ປາຊີ​ຟິກ ​ປະຊັນກັບ ທີ​ມ New England Patriots ​ແຊັມສາມ​ສະ​ໄໝ ຈາກລັດ​ Massachusetts ທາງ​ຝັ່ງ​ແອດ​ແລນ​ຕິກ ອີກ​ຟາກ​ນຶ່ງ​ຂອງ​ປະ​ເທດ​.

ວີດີໂອ ກ່ຽວກັບການໂຄສະນາສິນຄ້າໃນລະຫວ່າງການແຂ່ງຂັນ Super Bowl :


ທີ​ມ Patriots ກຳລັງ​ທຳ​ສະຖິຕິ ​ໃນ​ການເຂົ້າແຂ່ງ​ຂັນ Super Bowl ເປັນຄັ້ງທີ 8.

ຄ່າ​ປີ້​ເຂົ້າຊົມ​ການ​ແຂ່ງຂັນ​ຂອງ​ທາງ​ການ ​ແມ່ນ ລະຫວ່າງ 800 ຫາ 1,900 ດອນ​ລ່າ
​ແຕ່​ຫາກ​ວ່າ ເກືອບ​ວ່າ​ບໍ່​ສາມາດ​ຈະຫາຊື້​ໄດ້​ໃນ​ລາຄາ​ດັ່ງກ່າວ. ບັນດາບໍລິສັດນາຍ​ໜ້າ ຈຳໜ່າຍ​ປີ້ ​ໃນລາຄາຫຼາຍພັນ​ດອນ​ລ່າ ຕໍ່​ປີ້​ນຶ່ງ ​ໃນ​ຊ່ວງ​ເວລາບໍ່​ເທົ່​າໃດ​ຊົ່ວ​ໂມງ ກ່ອນ​ໜ້າ
ການ​ແຂ່ງຂັນ​ ທີ່​ຈະ​ມີ​ຂຶ້ນ ​ໃນ​ເວລາ 23 ​ໂມງ​ 30 ​ແລງ​ມື້​ນີ້ ຕາມເວລາສາກົນ ຄື​ອີກ​ປະມານ
11 ຊົ່ວ​ໂມງ​ຂ້າງ​ໜ້າ ຊຶ່ງ​ໃນ​ເມືອງ​ລາວ ​ແມ່ນ​ກົງ​ກັບ 6:30 ​ເຊົ້າ​ວັນ​ຈັນ.

XS
SM
MD
LG