ລິ້ງ ສຳຫລັບເຂົ້າຫາ

logo-print

ວັນໂຣກເອດສ໌ໂລກ ແມ່ນວັນທີ່ສະທ້ອນ ໃຫ້ເຫັນຄວາມກ້າວໜ້າ ໃນການຕໍ່ຕ້ານ ໂຣກທີ່ເປັນຕາຢ້ານນີ້


ຊົມວິດີໂອ ກ່ຽວກັບ ລາຍງານນີ້.

ວັນສຸກທີ 1 ທັນວາມື້ນີ້ ເປັນຂີດໝາຍວັນໂຣກເອດສ໌ຂອງໂລກ, ແລະ ອົງການອະນາ
ໄມໂລກ ໄດ້ສະໜັບສະໜູນການໂຄສະນາ ກ່ຽວກັບການປະກັນສຸຂະພາບ ເພື່ອຊ່ວຍ
ປະຊາຊົນ 36 ລ້ານ 7 ແສນຄົນໃນທົ່ວໂລກ ທີ່ດຳລົງຊີວິດ ດ້ວຍການຕິດເຊື້ອ HIV
ແລະໂຣກເອດສ໌. ກາບຣີແອລ ວາຍສ໌ ມີລາຍງານສຳລັບວີໂອເອ ກ່ຽວກັບຄວາມພະ
ຍາຍາມຂອງຄລີນິກ ວິທ໌ແມນ ວອກເກີ ແຮລທ໌ ໃນນະຄອນຫຼວງ ວໍຊິງຕັນ. ໃນອັນດັບ
ຕໍ່ໄປ ພຸດທະສອນ ຈະນຳລາຍລະອຽດ ມາສະເໜີທ່ານເພີ່ມເຕີມ.

ທ່ານ ໂທນີ ເບີນສ໌ ຜູ້ປ່ວຍ ຂອງຄລີນິກ ວິທ໌ແມນ ວອກເກີ ແຮລທ໌ ກ່າວວ່າ ການທີ່
ເປັນຄົນຜິວດຳ ແລະ ຕິດເຊື້ອ HIV ໃນນະຄອນຫຼວງ ວໍໍຊິງຕັນ ບໍ່ແມ່ນສິ່ງທີ່ງ່າຍເລີຍ.
ເລື່ອງຂອງຂ້າພະເຈົ້າໄດ້ເລີ່ມຕົ້ນຢູ່ທີ່ນີ້ຢູ່ຄລີນິກ ວິທ໌ແມນ ວອກເກີ. ວັນທີ 13 ເດືອນ
ກໍລະກົດ 1990 ຂ້າພະເຈົ້າຖືກກວດພົບວ່າ ຕິດເຊື້ອ HIV. ແລະ ຂ້າພະເຈົ້າຈື່ທ່ານ
ໝໍໄດ້ບອກຂ້າພະເຈົ້າວ່າ ເຈົ້າອາດມີຊີວິດຮອດ 50 ປີ, ແຕ່ເຈົ້າຈະບໍ່ມີອາຍຸຮອດ 60
ປີ. ແລະ ໝູ່ເພື່ອນທີ່ຂ້າພະເຈົ້າຮັກ ແລະ ເປັນຫ່ວງແທ້ໆ, ພວກເຂົາເຈົ້າຫຼາຍຄົນ ແລະ
ສ່ວນຫຼາຍແມ່ນໄດ້ເສຍຊີວິດແລ້ວ. ແລະ ຂ້າພະເຈົ້າໄດ້ວາງແຜນສຳລັບງານສົ່ງສະ
ການຂອງຂ້າພະເຈົ້າສອງຄັ້ງ. ຂ້າພະເຈົ້າໄດ້ເລືອກຂຸມຝັງສົບຂອງຂ້າພະເຈົ້າ. ສະນັ້ນ
ຂ້າ ພະເຈົ້າໄດ້ເຫັນສິ່ງທີ່ດີ ແລະ ບໍ່ດີ, ຄວາມຂີ້ຮ້າຍ ແລະ ຄວາມໝົດຫວັງຂອງເຊື້ອ
HIV. ຂ້າພະເຈົ້າຮູ້ວ່າ ຂ້າພະເຈົ້າຈະຮູ້ສຶກສະບາຍໃຈທີ່ມາບ່ອນນີ້. ຂ້າພະເຈົ້າຈະບໍ່
ຖືກລັງກຽດໃນການເປັນຜູ້ຊາຍທີ່ຮັກຄົນເພດດຽວກັນ.”

ທ່ານນາງ ເມແກນ ໂຄລ໌ແມນ ຜູ້ອຳນວຍການ ການຄົ້ນຄວ້າຊຸມຊົນ ກ່າວວ່າ “ ຄລີ
ນິກ ວິທ໌ແມນ ວອກເກີ ໄດ້ຍ້າຍອອກຈາກ ຄລີນິກ VD ໃນຫ້ອງໃຕ້ດິນຂອງໂບດ, ໄດ້
ຕອບສະໜອງຕໍ່ວິກິດການຕິດເຊື້ອ HIV ແລະ ສາມາດໄປມີໜ້າເມື່ອຄອບຄົວຂອງ
ເຂົາເຈົ້າ, ຄົນຮັກ ແລະ ຄົນອື່ນໆໄດ້ລັງກຽດ ແລະ ຫັນໜີຈາກເຂົາເຈົ້າ. ແລະ ຄວາມ
ຮັບຜິດຊອບໃນທຸກມື້ນີ້ ເພື່ອໃຫ້ກຽດແຕ່ ລະຄົນ ຜູ້ທີ່ບໍ່ໄດ້ຢູ່ກັບພວກເຮົາອີກແລ້ວ,
ແມ່ນສິ່ງສຳຄັນທີ່ສຸດທີ່ພວກເຮົາເຮັດ.”

ທ້າວ ເດຣິກ ສຕຣໍເບີຣີ ຄັອກສ໌ ຄົນໄຂ້ ແລະ ອາສາສະໝັກ ຄລີນິກ ວິທ໌ແມນ ວອກເກີ
ກ່າວວ່າ “ຂ້າພະເຈົ້າເລີ່ມມາຄລີນິກ ວິທ໌ແມນ ວອກເກີ ປະມານສອງປີກ່ອນ ເພາະວ່າ
ຂ້າພະເຈົ້າຢາກໄປບ່ອນໃດບ່ອນນຶ່ງ ທີ່ຂ້າພະເຈົ້າຮູ້ສຶກສະບາຍໃຈສຳລັບພວກໄວໜຸ່ມ,
ຊາວໜຸ່ມຮັກຮ່ວມເພດ. ຂ້າພະເຈົ້າຕິດ ເຊື້ອ HIV ມາໄດ້ 6 ປີແລ້ວ. ແລະກໍກວດບໍ່ພົບ
ເປັນເວລາອີກ 6 ປີດ້ວຍ.”

ທ່ານນາງ ເມແກນ ໂຄລ໌ແມນ ກ່າວວ່າ “ໄດ້ມີຄວາມກ້າວໜ້າທາງການແພດທີ່ໜ້າ
ມະຫັດສະຈັນ ໃນການໃຫ້ການຮັກສາສຳລັບຄົນໄຂ້ຜູ້ຕິດເຊື້ອ HIV. 20 ຫາ 25 ປີ ທີ່
ຜ່ານມາ ພວກເຮົາມີຢາພຽງໜ້ອຍດຽວ ແລະນັ້ນກໍແມ່ນນຶ່ງໃນສິ່ງສຳຄັນແທ້ໆ ກ່ຽວກັບ
ການມີການຄົ້ນ ຄວ້າ ແລະ ລັດຖະບານກາງ ແລະ ສະຖາບັນການສຶກສາ ທີ່ໃຫ້ການສະໜັບສະໜູນໃນການພັດທານາຢາຊະນິດໃໝ່ຂຶ້ນມາ, ເພາະວ່າຕອນນີ້ ພວກເຮົາມີ
ໂຄງການກິນຢານຶ່ງເມັດຕໍ່ມື້ ທີ່ຄົນສາມາດກິນໄດ້, ມີພິດ ແລະ ຜົນຂ້າງຄຽງໜ້ອຍທີ່ສຸດ,
ແລະ ເຂົ້າເຈົ້າກໍສາມາດມີສຸຂະພາບທີ່ແຂງແຮງ ແລະ ມີຄວາມສຸກ ແລະ ດຳລົງຊີວິດ
ຕາມປົກກະຕິໄດ້ທຸກມື້ ດັ່ງກັບຄົນອື່ນໆ ແລະ ທຸກຄົນກໍສາມາດມີຊີວິດຢູ່ໄດ້.”

ທ້າວ ເດຣິກ ສຕຣໍເບີຣີ ຄັອກສ໌ ກ່າວວ່າ “ຂ້າພະເຈົ້າກິນຢາເມັດນຶ່ງ, ມັນເອີ້ນວ່າ
ເຈັນໂວຢາ ຂ້າພະເຈົ້າກິນມັນທຸກຄືນກ່ອນນອນ. ແລະ ມັນກໍຄືຢາໄວຕາມິນ ສຳລັບ
ຂ້າພະເຈົ້າ.”

ທ້າວ ໂທນີ ເບີນສ໌, ຄົນໄຂ້ຄລີນິກ ກ່າວວ່າ “ຂ້າພະເຈົ້າໄດ້ເຂົ້າຮ່ວມໃນການກິນຢາ
ຊະນິດທຳອິດສຳລັບເຊື້ອ HIV ເຊິ່ງແມ່ນຢາ AZT. ເຂົາເຈົ້າບໍ່ໄດ້ເຮັດໃຫ້ມັນເປັນຢາ
ວິທະຍາສາດທີ່ ມີຄຸນນະພາບດີ ແລະ ຫຼາຍຄົນກໍບໍ່ສະບາຍຍ້ອນວ່າ ເຂົາເຈົ້າທົນມັນບໍ່
ໄດ້. ຂ້າພະເຈົ້າກໍແມ່ນນຶ່ງໃນຄົນພວກນັ້ນ.ແລະ ປັດຈຸບັນນີ້ມັນດີຂຶ້ນຫຼາຍແລ້ວ. ຄົນທີ່
ໜຸ່ມກວ່າແມ່ນສາມາດກິນໄດ້ເມັດລະມື້ແລ້ວ. ໝາຍຄວາມວ່ານັ້ນແມ່ນເລື່ອງປະຕິຫານ,
ທ່ານຮູ້ບໍ່. ແລະ ຕອນນີ້ ດ້ວຍການກິນຢາແຕ່ເລີ່ມຕົ້ນນັ້ນ ພວກເຮົາແມ່ນໄດ້ມີຄວາມ
ກ້າວໜ້າ ເມື່ອການລົບລ້າງເຊື້ອ HIV ທີ່ຂ້າພະເຈົ້າມີຄວາມເຊື່ອນັ້ນ ຈະກາຍເປັນ
ຄວາມຈິງ ສຳລັບພວກຜູ້ຄົນທັງຫຼາຍ.”

ທ້າວ ເດຣິກ ສຕຣໍເບີຣີ ຄັອກສ໌ ກ່າວວ່າ “ມັນບໍ່ແມ່ນການເຈັບປ່ວຍທີ່ຮ້າຍແຮງອີກຕໍ່
ໄປແລ້ວ ແລະເຈົ້າກໍສາມາດຢູ່ກັບມັນໄດ້. ແລະ ຖ້າພວກເຮົາທຸກຄົນສາມັກຄີກັນ ໃນ
ຖານະທີ່ເຮົາເປັນຜູ້ບໍ່ຕິດ ຫຼື ໄດ້ຕິດເຊື້ອ HIV ນັ້ນ ພວກເຮົາສາມາດຫລຸດຜ່ອນ ການ
ຖືກລັງກຽດນັ້ນ ແລະຜູ້ຄົນຫຼາຍກວ່ານີ້ ກໍຈະສາມາດມາກວດ ແລະພວກເຮົາກໍຈະສາ
ມາດທຳລາຍການແຜ່ລະບາດ ຂອງເຊື້ອນີ້ໄດ້ທັງໝົດແທ້ໆ.”

ທ່ານນາງ ເມແກນ ໂຄລ໌ແມນ ກ່າວວ່າ “ຂ້າພະເຈົ້າຄິດວ່າ ໂດຍສະເພາະສຳລັບວັນ
ໂຣກເອດສ໌ໂລກ ແລະ ວັນໂຣກເອດສ໌ໂລກ ມີຄວາມໝາຍແນວໃດໃນວັນທີ 1 ທັນວາ
2017 ນີ້. ຂ້າພະເຈົ້າຄິດວ່າສິ່ງສຳຄັນທີ່ສຸດກໍແມ່ນໃຫ້ປະຊາຊົນຮັບຮູ້ວ່າເຊື້ອ HIV ຍັງ
ແມ່ນສິ່ງທີ່ຢູ່ອ້ອມຮອບເຮົາຢູ່ ແລະ ຍັງຕ້ອງການຄວາມເອົາໃຈໃສ່ ແລະ ຍັງຕ້ອງ ການ
ແຫຼ່ງຊັບພະຍາກອນຕ່າງໆ ແລະ ຕ້ອງການໆສະໜັບສະໜູນ. ພວກເຮົາສາມາດປ່ຽນ
ແປງການພັນລະນາ ແລະ ພວກເຮົາສາມາດປ່ຽນແປງວິທີທີ່ພວກເຮົາເວົ້າ ກ່ຽວກັບ ມັນ.
ພວກເຮົາສາມາດເວົ້າ ກ່ຽວກັບມັນ ດັ່ງກັບສິ່ງທີ່ເຈົ້າຕ້ອງກິນຢາທຸກມື້ເພື່ືອມັນ. ການທີ່
ກວດບໍ່ພໍ້ເຊື້ອໄວຣັສ ກໍໝາຍເຖິງມັນບໍ່ສາມາດຕິດຕໍ່ຈາກເຈົ້າ ແລະປ່ຽນແປງສິ່ງຕ່າງໆ
ທີ່ພວກເຮົາໄດ້ເຮັດໃນການປ້ອງກັນ ແລະ ການພົວພັນ ແລະ ສິ່ງທີ່ເບິ່ງຄືແງ່ບວກ ແລະ
ແງ່ລົບ. ແລະ ຄວາມຮັກ ແລະ ສາຍພົວພັນ, ເພດສຳພັນ ແລະ ຄວາມສະໜິດສະໜົມ
ເບິ່ງເປັນຄືແນວໃດໃນປີ 2017. ແຕ່ພວກເຮົາຕ້ອງເວົ້າກ່ຽວກັບ ມັນ. ນັ້ນແມ່ນຄວາມ
ສຳຄັນຂອງວັນທີ 1 ທັນວາ ໃນການສົນທະນາກ່ຽວກັບເລື່ອງນັ້ນ. ແລະ ກ່ານມີການສົນ
ທະນາຢ່າງເປີດເຜີຍ ແລະ ຢ່າງຊື່ສັດ ແລະຍິ່ງເຈົ້າເວົ້າຫຼາຍເທົ່າໃດ ເຈົ້າກໍຍິ່ງຈະຫຼຸດ
ຜ່ອນການລັງກຽດລົງຫຼາຍເທົ່ານັ້ນ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG