ບັນດາຜູ້ນຳຂອງອາຟຣິກາ ຈຳນວນນຶ່ງ ບໍ່ໄດ້ໄປຮ່ວມກອງປະຊຸມສຸດຍອດ ຂອງອິນໂດເນເຊຍ ຫາກໄປຢ້ຽມຢາມຈີນ ແທນ

ອິນໂດເນເຊຍ ໃນອາທິດນີ້ ເບິ່ງຄືວ່າ ຈະສົ່ງເສີມສາຍສຳພັນດ້ານການຄ້າກັບ ບັນດາປະເທດຂອງອາຟຣິກາ ໃນລະຫວ່າງກອງປະຊຸມສຸດຍອດ ຢູ່ໃນນະຄອນ ບາລີ ເຖິງແມ່ນວ່າ ບັນດາຜູ້ນຳຫຼາຍຄົນຈາກທະວີບດັ່ງກ່າວ ຈະບໍ່ໄດ້ເຂົ້າຮ່ວມກໍຕາມ ແລະແທນທີ່ວ່າ ຈະໄປຢ້ຽມຢາມຈີນ ສຳລັບກອງປະຊຸມເວທີປາໄສທີ່ໄດ້ຮັບຄວາມສົນໃຈຢ່າງສູງ ຢູ່ໃນນະຄອນຫຼວງປັກກິ່ງນັ້ນ.

ບັນດາຜູ້ຕາງໜ້າ 29 ຄົນ ຈາກປະເທດຂອງທະວີບອາຟຣິກາ ໄດ້ພາກັນມຸ້ງ
ໜ້າໄປຍັງເກາະແຫ່ງຣີຊອດ ຂອງອິນໂດເນເຊຍ ເຊິ່ງຖືວ່າ ເປັນສ່ວນນ້ອຍສ່ວນນຶ່ງຂອງຈຳນວນ 47 ປະເທດທີ່ໄດ້ເຂົ້າຮ່ວມໃນກອງປະຊຸມເວທີປາໄສ ອິນໂດເນເຊຍແລະອາຟຣິກາ ຂັ້ນປະຖົມມະເລີກ ໃນຊ່ວງປີ 2018.

ເຖິງຢ່າງໃດກໍຕາມ ປະເທດໃນເຂດເອເຊຍຕາເວັນອອກແຫ່ງນີ້ ແມ່ນຫວັງວ່າ ຈະສາມາດບັນລຸຂໍ້ຕົກລົງທາງດ້ານທຸລະກິດ ມູນຄ່າ 3,500 ລ້ານໂດລາ ຈາກກອງປະຊຸມໄລຍະ 3 ມື້ດັ່ງກ່າວນັ້ນ ອີງຕາມ ປະທານາທິບໍດີ ໂຈໂກ ວີໂດໂດ.

ໃນຂະນະທີ່ ກອງປະຊຸມສຸດຍອດ ກໍຈະໄດ້ສິ້ນສຸດລົງໃນວັນອັງຄານມື້ວານນີ້ ບັນດາຜູ້ແທນບາງສ່ວນ ໄດ້ມຸ້ງໜ້າໄປຍັງນະຄອນຫຼວງປັກກິ່ງ ເພື່ອເຂົ້າຮ່ວມກັບບັນດາຜູ້ນຳຂອງອາຟຣິກາ ທີ່ໄດ້ໄປຮ່ວມໃນກອງປະຊຸມເວທີປາໄສໃນການຮ່ວມມືລະຫວ່າງຈີນແລະອາຟຣິກາ.

ປະເທດຕ່າງໆໃນເຂດອາຟຣິກາ ຈຳນວນ 50 ປະເທດໄດ້ມີກຳນົດຈະເຂົ້າຮ່ວມກອງປະຊຸມເວທີປາໄສ ຢູ່ໃນນະຄອນຫຼວງຂອງຈີນ ເຊິ່ງໄດ້ຖືກຈັດຂຶ້ນທຸກສາມປີ.

“ລະຫວ່າງອິນໂດເນເຊຍ ແລະ ຈີນ ບັນດາຜູ້ນຳຂອງອາຟຣິກາໂດຍສ່ວນໃຫຍ່ ເລືອກເອົາຈີນ ທີ່ຈະໄປເຂົ້າຮ່ວມນຳ” ທ່ານຄຣິສໂຕຟ ໂດຣຽນ-ທອມສັນ ນັກວິຊາການດ້ານການຕ່າງປະເທດ ທີ່ມີຫ້ອງການຢູ່ໃນອິນໂດເນເຊຍ ກ່າວ.

ທ່ານໂດຣຽນ-ທອມສັນ ໄດ້ກ່າວຕໍ່ວີໂອເອ ວ່າ “ອັນນັ້ນ ກໍບໍ່ໝາຍຄວາມວ່າ ການປະສານງານກັບອິນໂດເນເຊຍ ແລະກອງປະຊຸມເວທີປາໄສ ຈະບໍ່ມີການປຶກສາຫາລືທີ່ສຳຄັນ ແລະຄວາມສຳຄັນຂອງຜົນທີ່ອອກມານັ້ນ. ແຕ່ໃນດ້ານສັນຍາລັກແລ້ວ ແນ່ນອນ ທາງເລືອກກໍແມ່ນ ຈີນ.”

Indonesia has looked this week to boost trade ties with African nations during a summit in Bali, although many leaders from the continent stayed away, instead opting to visit China for a high-profile forum in Beijing.

Representatives from 29 African nations headed to the Indonesian resort island, well-short of the 47 countries that were represented during the inaugural Indonesia-Africa forum in 2018.

Despite this, the Southeast Asian country is hoping to have sealed $3.5 billion worth of business deals from the three-day forum, according to President Joko Widodo.

As the summit concluded Tuesday, some of the delegates headed to Beijing to join a larger representation of African leaders for the Forum on China-Africa Cooperation.

Fifty African countries are slated to be represented at the forum in the Chinese capital, which takes place every third year.

"Between Indonesia and China, the major African leaders chose China to be present at," said Christophe Dorigne-Thomson, an Indonesia-based foreign affairs academic.

"That doesn't mean that the collaboration with Indonesia and the forum does not have important discussions and important outcomes. But symbolically, for sure, the choice was made for China," Dorigne-Thomson told VOA.