ລິ້ງ ສຳຫລັບເຂົ້າຫາ

ລມຕ ປ້ອງກັນປະເທດສະຫະລັດ ຢ້ຽມຢາມອັຟການິສຖານ

  • ວັນນະສອນ ແກ້ວດາຣາ

ລັດຖະມົນຕີປ້ອງກັນປະເທດສະຫະລັດທ່ານ Robert
Gates ພວມຢ້ຽມຢາມອັຟການິສຖານ ເພື່ອພົບປະກັບ
ປະທານາທິບໍດີຮາມິດ ກາໄຊ ແລະນາຍພົນ David
Petraeus ຜູ້ບັນຊາການອົງການເນໂຕ້ໃນອັຟກາ​ນິສຖານ.

ທ່ານ Gates ເດີນທາງໄປເຖິງນະຄອນຫຼວງກາບູລໃນ
ວັນພະຫັດມື້ນີ້ ຫຼັງຈາກໄດ້ໄປຮ່ວມພິທີ ຊຶ່ງຈັດຂຶ້ນເພື່ອ
ເປັນຂີດໝາຍໃນການສິ້ນສຸດລົງຂອງການປະຕິບັດງານ
ສູ້ລົບທີ່ໄດ້ດຳເນີນມາເປັນເວລາ 7 ປີ ຂອງກຳລັງສະຫະ
ລັດຢູ່ໃນອີຣັກ ໃນມື້ວັນພຸດວານນີ້.

ປະທານາທິບໍດີສະຫະລັດ ທ່ານບາຣັກ ໂອບາມາກ່າວໃນມື້ວັນອັງຄານຜ່ານມານີ້ວ່າ ການຫຼຸດກຳລັງຂອງສະຫະລັດໃນອີຣັກລົງ ເຮັດໃຫ້ສະຫະລັດມີຊັບພະຍາກອນ ໃນ
ການບຸກໂຈມຕີພວກກະບົດໃນອັຟການິສຖານ ທີ່ພວມຫາທາງໂຄ່ນລົ້ມ ລັດຖະບານ
ຂອງທ່ານກາໄຊ.

ທ່ານໂອບາມາເວົ້າອີກວ່າ ທ່ານຈະເລີ້ມໂອນຄວາມຮັບຜິດຊອບ​ໃນການຮັກສາຄວາມ
ປອດໄພໃຫ້ແກ່ອັຟການິສຖານ ໃນເດືອນສິງຫາປີໜ້າ.

ແລະ​ໃນ​ມື້​ນີ້ ອົງການເນໂຕ້ກ່າວວ່າ ການສູ້ລົບກັນເທື່ອລ່າສຸດໃນອັຟການິສຖານເຮັດໃຫ້ ທະຫານອະເມຣິກັນ 2 ຄົນ ແລະຜູ້ບັນຊາການຂອງກຸ່ມຫົວຮຸນແຮງທາລີບານຄົນນຶ່ງ ເສຍຊີວິດ.

XS
SM
MD
LG