ອີຣ່ານໄດ້ຮັບຮູ້ກ່ຽວກັບການສົ່ງເງິນໄປໃຫ້ລັດຖະບານອັຟການິສຖານ ເພື່ອຊ່ອຍບູລະນະ
ສ້າງສາປະເທດດັ່ງກ່າວ.
ໂຄສົກກະຊວງການຕ່າງປະເທດອີຣ່ານທ່ານ Ramin Mehmanparast ກ່າວ ໃນວັນ
ອັງຄານມື້ນີ້ວ່າອີຣ່ານມີຄວາມວິຕົກກັງວົນກ່ຽວກັບສັນຕິພາບແລະສະເຖຍລະພາບຢູ່ໃນ
ອັຟການິສຖານທີ່ເປັນເພື່ອນບ້ານນັ້ນ ແລະຈະໃຫ້ການຊ່ອຍເຫຼືອສືບຕໍ່ໄປ.
ປະທານາທິບໍດີອັຟການິສຖານ ທ່ານຮາມິດ ກາໄຊ ກ່າວໃນມື້ວັນຈັນວານນີ້ວ່າ ຫ້ອງການ
ຂອງທ່ານໄດ້ຮັບເງິນເປັນໄຖ່ໆຈາກອີຣ່ານ ຊຶ່ງທ່ານເວົ້າວ່າເປັນການ ຊ່ອຍເຫຼືອໃນຮູບແບບ
ທີ່ໂປ່ງໃສ ແລະວ່າເງິນເຫຼົ່ານີ້ບໍ່ແມ່ນເງິນລັບ ຫຼືເງິນທີ່ໃຫ້ແບບຜິດປົກກະຕິ.
ສະຫະລັດກ່າວວ່າ ຕົນຍັງມີຄວາມສົງໃສບໍ່ແນ່ໃຈກ່ຽວກັບຈຸດປະສົງຂອງອີຣ່ານ ເມື່ອພິຈາ
ລະນາເຖິງປະວັດຜ່ານມາຂອງອີຣ່ານ ກ່ຽວກັບບົດບາດທີ່ເປັນການສ້າງຄວາມບໍ່ທຸ່ນທ່ຽງ
ຢູ່ໃນຂົງເຂດ.
ໂຄສົກກະຊວງການຕ່າງປະເທດສະຫະລັດ ທ່ານ Philip Crowley ກ່າວໃນວັນຈັນ
ວານນີ້ວ່າ ວໍຊິງຕັນບໍ່ໄດ້ຕັ້ງຄຳຖາມກ່ຽວກັບສິດທິໃນການໃຫ້ຄວາມຊ່ອຍເຫຼືອຂອງອີຣ່ານ
ແກ່ອັຟການິສຖານຫຼືສິດທິຂອງອັຟການິສຖານໃນການຮັບເອົາການຊ່ອຍເຫຼືອຈາກອີຣ່ານ.
ທ່ານ Crowley ກ່າວວ່າ ວໍຊິງຕັນກໍໄດ້ຈັດສົ່ງການຊ່ອຍເຫຼືອເປັນເງິນສົດໄປໃຫ້ເຈົ້າໜ້າ
ທີ່ອັຟການິສຖານ ແຕ່ການກະທຳດັ່ງກ່າວ ໄດ້ຫລຸດນ້ອຍລົງຢ່າງຫລວງຫລາຍໃນໄລຍະ
ສອງສາມປີຜ່ານມານີ້.
