ທ່ານ David Cameron ນາຍົກລັດຖະມົນຕີຂອງອັງ
ກິດ ກໍໄດ້ໄປຢ້ຽມຢາມອັຟການິສຖານ ແບບບໍ່ມີປະກາດ
ໃຫ້ຊາບລ່ວງໜ້າເຊ່ນກັນ ຊຶ່ງທ່ານໄດ້ກ່າວຢູ່ທີ່ນັ້ນວ່າ
ກອງທະຫານອັງກິດອາດສາມາດເລີ່ມຖອນອອກຈາກ
ອັຟການິສຖານໄປໄດ້ໃນຕົ້ນປີໜ້າ ຢ່າງໄວທີ່ສຸດ.
ເຮືອບິນຂອງທ່ານ Cameron ໄດ້ໄປລົງທີ່ແຂວງ
Helmand ໃນວັນຈັນມືື້ວານນີ້ ບ່ອນທີ່ກໍາລັງສ່ວນ
ໃຫຍ່ຂອງອັງກິດປະຈໍາການຢູ່.
ທ່ານ Cameron ແລະຜູ້ບັນຊາການສູງສຸດຂອງອັງກິດ, ນາຍພົນ David Richards
ກ່າວວ່າ ສະຖານະການດ້ານຄວາມປອດໄພທີ່ດີຂຶ້ນເມື່ອໄວໆມານີ້ ສາມາດອໍານວຍໃຫ້
ອັງກິດລົດກອງກໍາລັງຂອງຕົນໃນອັຟການິສຖານລົງໄດ້ໃນປີ 2011.
ບັນດາສະມາຊິກຂອງອົງການເນໂຕໄດ້ຕົກລົງກັນໃນເດືອນແລ້ວນີ້ ທີ່ຈະມອບໂອນການ
ຄວບຄຸມທາງທະຫານໃຫ້ແກ່ກອງກໍາລັງຂອງອັຟການິສຖານໃນປີ 2014.
ທ່ານ Cameron ກ່າວໃນວັນຈັນວານນີ້ວ່າ ເປົ້າໝາຍຂອງທ່ານ ກໍຄື ຖອນກອງກໍາລັງ
ທະຫານຂອງອັງກິດ ອອກຈາກອັຟການິສຖານໄປໃຫ້ໝົດພາຍໃນປີ 2015.
ອັງກິດມີທະຫານປະມານ 9,500 ຄົນ ຢູ່ໃນອັຟການິສຖານ ຊຶ່ງເປັນກໍາລັງທີ່ໃຫ່ຽອັນດັບ
2 ທີ່ສົມທົບເຂົ້າກັບກອງກໍາລັງຂອງເນໂຕ ແລະກໍໄດ້ມີທະຫານອັງກິດເສຍຊີວິດໄປ ເຖິງ
340 ຄົນແລ້ວ ໃນການປະຕິບັດງານຢູ່ອັຟການິສຖານນັ້ນ.
