ສານແຫ່ງນຶ່ງ ຢູ່ໃນນະຄອນຫລວງ Kabul ໄດ້ຕັດສິນລົງໂທດ
ເຈົ້າໜ້າທີ່ຕຳຫລວດ 11 ຄົນ ຮວມທັງຫົວໜ້າຕຳຫລວດປະຈຳ
ເຂດຄົນນຶ່ງ ໃຫ້ຄິດຄຸກເປັນເວລານຶ່ງປີ ໃນຂະນະທີອີກແປດ
ຄົນຖືກປ່ອຍໂຕໃຫ້ເປັນອິດສະຫລະກ່ຽວກັບການທີ່ຝູງຊົນທຸບ
ຕີແມ່ຍິງຄົນນຶ່ງເຖິງຕາຍ ທີ່ນະຄອນຫຼວງ Kabul ເມື່ອຕົ້ນປີນີ້.
ຜູ້ພິພາກສາ ໄດ້ພົບເຫັນວ່າ ເຈົ້າໜ້າທີ່ຕຳຫລວດ 11 ຄົນມີ
ຄວາມຜິດໃນຖານ ບໍ່ຫົວຊາຕໍ່ໜ້າທີ່ ເພື່ອປ້ອງກັນນາງ
Farkhunda ອາຍຸ 27 ປີຈາກການໂຈມຕີທີ່ຮ້າຍແຮງເມື່ອ
ວັນທີ 19 ເດືອນມີນາ ທີ່ເກີດຂຶ້ນຍ້ອນຖືກກ່າວຫາຢ່າງຜິດ
ພາດວ່າ ນາງໝິ່ນປະໝາດຄຳພີ Koran ທີ່ສັກສິດຂອງສາສະໜາອິສລາມ.
ວີດີໂອ ທີ່ຖ່າຍຈາກມືຖືໄດ້ສະແດງໃຫ້ເຫັນຜູ້ຄົນພາກັນຫຸ້ມທຸບຕີນາງ ດ້ວຍໄມ້ຄ້ອນ ຊຸກ
ນາງລົງຈາກຫລັງຄາເຮືອນ ແລະເອົາລົດແລ່ນຢຽບຂ້າມໄປມາ ກ່ອນຈະແກ່ໄປຕາມ
ຖະໜົນໃນນະຄອນຫຼວງ Kabul ຫລັງຈາກນັ້ນກໍໄດ້ເອົາໄຟເຜົາ ແລະໂຍນລົງແມ່ນໍ້າ.
ການໂຈມຕີນີ້ ໄດ້ພາໃຫ້ເກີດມີການປະທ້ວງ ຢູ່ໃນອັຟການິສຖານ ແລະຄວາມ ໂກດແຄ້ນ
ແຜ່ລາມອອກໄປແຫ່ງອື່ນໆ ຮວມທັງການປະນາມຈາກ ປະທານາທິບໍດີອັຟການິສຖານ
ທ່ານ Ashraf Ghani ແລະອົງການສະຫະປະຊາຊາດ.
ບັນດາເຈົ້າໜ້າທີ່ອັຟການິສຖານ ໄດ້ໃຫ້ຄຳໝັ້ນສັນຍາ ທີ່ຈະນຳເອົາພວກຮັບຜິດ ຊອບມາ
ລົງໂທດຢ່າງວ່ອງໄວ.
ພົນລະເຮືອນສາມສິບຄົນ ແລະບັນດາເຈົ້າໜ້າທີ່ຕຳຫລວດ 19 ຄົນ ໄດ້ຖືກຈັບ ແລະກ່າວ
ຫາວ່າ ເຂົ້າຮ່ວມໃນການໂຈມຕີຫຼືບໍ່ສາມາດຍຸດຕິການໂຈມຕີດັ່ງກ່າວ.
ໃນຕົ້ນເດືອນນີ້ ສານໄດ້ຕັດສິນລົງໂທດປະຫານຊີວິດ ສີ່ໃນຈຳນວນພວກພົນລະເຮືອນ
ທີ່ເຂົ້າຮ່ວມ ຮວມທັງຜູ້ສອນສາສະໜາ Mullah Zainul Abideen ທີ່ໄດ້ກ່າວຫານາງ Farhunda ຢ່າງຜິດພາດວ່າ ໝິ່ນປະໝາດຕໍ່ຄຳພີ Quran. ແປດຄົນໄດ້ຖືກຕິດຄຸກ
ເປັນເວລາ 16 ປີ.
ສະມາຊິກສະພາຜູ້ຍິງ ຈາກເຂດນະຄອນຫລວງ Kabul ຜູ້ທີ່ມີຊື່ຄືກັນກັບຜູ້ຍິງທີ່ເສຍຊີວິດ
ໄປ ຄືນາງ Farkhunda Zahra Nadiri ໄດ້ສະແດງຄວາມບໍ່ພໍໃຈຕໍ່ການຕັດສິນ. ທ່ານ
ນາງ ກ່າວວ່າ ນີ້ເປັນເລື້ອງການເມືອງ ແລະບໍ່ເປັນການຕັດສິນທາງດ້ານກົດໝາຍ ເພາະ
ວ່າ ມັນພົວພັນພຽງແຕ່ເຈົ້າໜ້າທີ່ຕຳຫລວດຊັ້ນຕໍ່າ. ທ່ານນາງ ກ່າວວ່າ ຜູ້ບັນຊາການຕຳ
ຫລວດ ໃນນະຄອນຫລວງ Kabul ແລະຫົວໜ້າຮັບຜິດຊອບເລື້ອງຄະດີອາຍາຂອງ
ກະຊວງພາຍໃນ ຄວນທີ່ຈະຖືກດຳເນີນຄະດີເຊັ່ນກັນ ພ້ອມທັງຄວາມປະພຶດຂອງຕຳຫລວດນຳດ້ວຍ.
