ເຈົ້າໜ້າທີ່ກະຊວງພາຍໃນອັຟການີສຖານ ໄດ້ກ່າວວ່າ ການປະທະ
ກັນທີ່ບ້ານພັກໃນະຄອນ ຫຼວງຂອງອັຟການີສຖານ ໄດ້ສິ້ນສຸດລົງ
ໃນເຊົ້າວັນພຸດມື້ນີ້ ທີ່ຍັງຜົນໃຫ້ມີ 4 ຄົນເສຍຊີວິດ.
ການຍິງຕໍ່ສູ້ກັນຢ່າງໜັກໜ່ວງແລະລະເບີດ ໄດ້ມີຂຶ້ນທີ່ຄຸ້ມຄົນຮັ່ງມີ
Wazi Akbar Khan ໃນນະຄອນຫຼວງ Kabul ໃນຂະນະທີ່ກອງ
ກຳລັງຮັກສາຄວາມປອດໄພອັຟການີສຖານ ປະທະກັບພວກ
ໂຈມຕີໃນຄຸ້ມທີ່ບ້ານເຮືອນສ່ວນໃຫຍ່ ແມ່ນເປັນຕຶກອາຄານຂອງ
ສະຖານທູດຕ່າງໆແລະໂຮງການລັດຖະບານ.
ຮອງລັດຖະມົນຕີກະຊວງພາຍໃນ ທ່ານ Mohammad Ayub
Salangi ໄດ້ກ່າວວ່າ ບໍ່ມີພົນລະເຮືອນຫຼືທະຫານບາດເຈັບລົ້ມຕາຍແຕ່ຢ່າງໃດ ແລະວ່າ ພວກໂຈມຕີ ແມ່ນມີປືນອັດຕະໂນມັດ ແລະປືນຍິງລະເບີດມື ນຳດ້ວຍ.
ກຸ່ມຕາລີບັນ ໄດ້ອ້າງເອົາຄວາມຮັບຜິດຊອບໃນການໂຈມຕີຄັ້ງນີ້ ຊຶ່ງໄດ້ມີຂຶ້ນ ໃນຂະນະທີ່
ກຸ່ມຫົວຮຸນແຮງດັ່ງກ່າວເພີ້ມທະວີການບຸກໂຈມຕີປະຈຳປີໃນລະດູບານໃໝ່ຫາລະດູຮ້ອນ.
ພວກນັກຕໍ່ສູ້ຂອງກຸ່ມຕາລີບັນ ໄດ້ໂຈມຕີບ້ານພັກອີກແຫ່ງນຶ່ງຕ່າງຫາກ ໃນຕົ້ນເດືອນນີ້
ໃນນະຄອນຫຼວງກາບູລ ຊຶ່ງໄດ້ສັງຫານຊາວອາເມຣິກັນ ຊາວອັງກິດ ອີຕາລີ ຊາດລະນຶ່ງຄົນແລະຊາວອິນເດຍ 4 ອີກ 5 ຄົນເປັນຊາວອັຟການີສຖານ ແລະ 2 ຄົນເປັນຊາວປາ
ກີສຖານ.
ກອງກຳລັງຮັກສາຄວາມປອດໄພອັຟການີສຖານ ແມ່ນພວມດີ້ນຮົນທີ່ຈະປົກປ້ອງການ
ໂຈມ ຕີຂອງກຸ່ມຕາລີບັນ ນັບຕັ້ງແຕ່ສະຫະລັດ ແລະກອງກຳລັງເນໂຕ ທີ່ໄດ້ສິ້ນສຸດການ
ປະຕິບັດງານສູ້ລົບຢ່າງເປັນທາງການໃນທ້າຍປີກາຍນີ້.
