ມີຕຳຫຼວດ ອັຟການິສຖານ ແລະ ເຈົ້າໜ້າທີ່ຮັກສາເຂດຊາຍ
ແດນຢ່າງໜ້ອຍ 100 ຄົນໄດ້ໂຕນໜີເຂົ້າໄປຮ່ວມນຳ ກຸ່ມພວກ
ຕາລີບານ ໃນການຍອມແພ້ຄັ້ງໃຫຍ່ທີ່ສຸດ ຕັ້ງແຕ່ກຳລັງທະຫານ
NATOແລະ ສຫລ ໄດ້ສິ້ນສຸດພາລະກິດ ການຕໍ່ສູ້ໃນທ້າຍຂອງ
ປີທີ່ຜ່ານມາ.
ກຳລັງຮັກສາຄວາມປອດໄພ ອັຟການິສຖານ ໄດ້ຍອມຈຳນົນໃນ
ຕອນແລງຂອງວັນເສົາທີ່ຜ່ານມາ ຫຼັງຈາກໄດ້ປະທະກັນກັບພວກ
ທະຫານ ຕາລິບານ ເປັນເວລາ 3 ມື້ ຢູ່ທີ່ຖານທີ່ໝັ້ນ Tirgara
ໃນແຂວງ Badakshan, ຢູ່ເຂດຊົນນະບົດຂອງພາກຕາເວັນອອກ
ສຽງເໜືອ ຂອງປະເທດ. ຜູ້ບັນຊາການຕຳຫຼວດທ້ອງຖິ່ນແມ່ນໜຶ່ງໃນບັນດາຜູ້ທີ່ໄດ້ໂຕນໜີ, ມອບອາວຸດ ແລະ ລູກກະສຸນຕ່າງໆທັງໝົດໃຫ້ພ້ອມ.
ຫົວໜ້າສະພາຂອງແຂວງ ທ່ານ Abdullah Naji Nazari ໄດ້ກ່າວວ່າ, “ບໍ່ມີກຳລັງເສີມຖືກສົ່ງໄປຊ່ວຍເຫຼືອຕຳຫຼວດຢູ່ຖານທີ່ໝັ້ນເປັນເວລາສາມມື້ ໃນເວລາທີ່ພວກເຂົາຕົກຢູ່ພາຍໃຕ້ການໂຈມຕີ ແລະ ໃນທີ່ສຸດພວກເຂົາກໍບໍ່ມີທາງເລືອກອື່ນ: ພວກເຂົາຈຶ່ງໄດ້ເຂົ້າຮ່ວມກັບພວກ ຕາລິບານ.”
