ລິ້ງ ສຳຫລັບເຂົ້າຫາ

logo-print

ປະມານ 18,000 ຄົນ ຈະຖືກເນລະເທດ ເມື່ອໃດລາວຫາກ ເຊັນຂໍ້ຕົກລົງກັບ ສຫລ ຮັບເອົາ ເຂົາເຈົ້າກັບໄປ


ທ່ານນາງ ຈັນພອນ ສິນລະປະ-ໄຊ ໂອຄາມູຣາ, ທະນາຍຄວາມທີ່ຊ່ຽວຊານໃນການວິໄຈດ້ານການກໍ່ອາຊະຍາກໍາ ແລະຊ່ວຍຜູ້ໄດ້ຮັບເຄາະຮ້າຍທີ່ກໍາລັງຢູ່ໃນຂັ້ນຕອນການຖືກເນລະເທດ ແລະເປັນເຈົ້າຂອງຮ່ວມ ບໍລິສັດທີ່ປຶກສາດ້ານກົດໝາຍ ມາແຣນດັສ ສິນລະປະໄຊ ກາເຊຍ ທີ່ຕັ້ງຢູ່ໃນລັດອໍເຣກອນ

ຄົນລາວປະມານ 18 ພັນຄົນທີ່ບໍ່ແມ່ນສັນຊາດອາເມຣິກາ ໄດ້ຮັບຄໍາສັ່ງ ຂັ້ນສຸດທ້າຍກໍາລັງລໍຖ້າການເນລະເທດ ອອກຈາກສະຫະລັດ ເມື່ອໃດ ຫາກມີ ການເຊັນສົນທິສັນຍານໍາກັນລະຫວ່າງສະຫະລັດກັບລັດຖະບານລາວ. ບົວສະຫວັນ ມີການສໍາພາດ ກັບທະນາຍຄວາມດ້ານຄົນເຂົ້າເມືອງ ຈັນພອນ ສິນລະ- ປະໄຊ ໂອຄາມູຣາ (Chanpone Sinlapasai-Okamura) ທີ່ຈະໃຫ້ລາຍລະ ອຽດກ່ຽວກັບເລື້ອງນີ້ ມາສະເໜີທ່ານໃນອັນດັບຕໍ່ໄປ.

ນອກຈາກປະເຊີນກັບຄວາມບໍ່ແນ່ນອນຂອງຊີວິດ ແລະຄວາມເປັນຫ່ວງ ນໍາຜົນ ກະທົບຈາກການລະບາດທີ່ນັບມື້ ນັບຮ້າຍແຮງຂຶ້ນຂອງພະຍາດໂຄວິດ-19 ໃນຫລາຍພາກຂອງ ສະຫະ ລັດແລ້ວ ຄົນລາວປະມານ 18,000 ຄົນ ຢູ່ທົ່ວປະເທດນີ້ ທີ່ບໍ່ແມ່ນສັນຊາດອາ ເມຣິກາ ຍັງດໍາລົງຊີວິດ ຢູ່ກັບຄວາມບໍ່ແນ່ ນອນຂອງອະນາຄົດ ຍ້ອນໄດ້ຮັບຄໍາ ສັ່ງຂັ້ນສຸດທ້າຍ ໃຫ້ຖືກເນລະເທດ, ອີງຕາມ ທ່ານນາງ ຈັນພອນ ສິນລະປະ-ໄຊ ໂອຄາມູຣາ (Chanpone Sinlapasai-Okamura) ທະນາຍຄວາມດ້ານຄົນເຂົ້າເມືອງ ແລະເຈົ້າຂອງຮ່ວມ ບໍລິສັດທີ່ປຶກສາດ້ານກົດໝາຍ ມາແຣນດັສ ສິນລະປະໄຊ ກາເຊຍ (Marandas Sinlapasai Garcia) ໃນນະຄອນປອດ ແລນ, ລັດອໍເຣກອນ. ທ່ານນາງບອກວ່າ ຕົວເລກນີ້ແມ່ນເປີດເຜີຍອອກມາໂດຍຫ້ອງປະຕິບັດກົດໝາຍດ້ານຄົນເຂົ້າເມືອງ ແລະພາສີ ຫລື ICE ໃນເດືອນມີນາຜ່ານມາ ຊຶ່ງໃນນັ້ນບໍ່ເອົາພວກທີ່ຖືກຈັດເຂົ້າ ໄປຢູ່ໃນຂັ້ນຕອນຖືກພິຈາລະນາໃຫ້ສົ່ງກັບປະເທດ ຊຶ່ງອາດຈະມີອີກ ຫລາຍໆພັນຄົນ ແລະ ກຸ່ມຄົນທີ່ຢູ່ໃນຂັ້ນທີ່ວ່ານີ້ ມີບາງຄົນກໍຢູ່ໃນຂັ້ນຕອນ ການຂຶ້ນສານ ເພື່ອຕໍ່ສູ້ຄະດີຢູ່ຂຶ້ນກັບວ່າ ຜູ້ໃດມີເງິນຈ້າງທະນາຍຄວາມ ຫລືບໍ່. ແລະ ຂັ້ນຕອນນີ້ອາດຈະແກ່ຍາວເປັນເວລາ 3 ຫາ 10 ປີ. ສໍາລັບພວກທີ່ກໍາລັງລໍຖ້າການເນລະເທດນັ້ນທ່ານນາງອະທິບາຍວ່າ:

“ທຸກຄົນທີ່ບໍ່ມີສັນຊາດອາເທຣິກາ. ທຸກຄົນທີ່ໄດ້ຮັບຄໍາສັ່ງສຸດທ້າຍໃຫ້ເນລະເທດ. ຖ້າເຈົ້າໄດ້ຮັບຄໍາສັ່ງຂັ້ນສຸດທ້າຍໃຫ້ຖືກເນລະເທດ ກໍໝາຍຄວາມວ່າ ເຈົ້າໄດ້ໄປຜ່ານການຮັບຟັງຄະດີດ້ານຄົນເຂົ້າເມືອງຢູ່ໃນສານ ຫລືເຈົ້າເຊັນບອກວ່າ ເຈົ້າ ບໍ່ ຢາກຕໍ່ສູ້ໃນຄະດີຂອງເຈົ້າແລ້ວ, ເຈົ້າຍິນດີທີ່ຈະກັບປະເທດ. ແລະເຂົາເຈົ້າບໍ່ ສາ ມາດເອົາເຈົ້າອອກປະເທດໄດ້ ເພາະວ່າ ລາວຈະບໍ່ເອົາຄົນກັບໄປ.ເມື່ອເຈົ້າມີສິ່ງທີ່ ເອີ້ນວ່າ ຄໍາສັ່ງສຸດຂັ້ນທ້າຍໃນການເນລະເທດແລ້ວ ເມື່ອໃດເຂົາ ເຈົ້າ ທໍາການ ຕັດສິນໃຈວ່າ ຢາກເອົາຄົນກັບປະເທດ ແລະມີການເຊັນຂໍ້ຕົກລົງກັນ ແລ້ວ ພວກເຂົາເຈົ້າກໍສາມາດເລີ້ມສົ່ງຄົນກັບໄດ້ໂລດ.”

ທ່ານນາງກ່າວເຖິງເລື້ອງຄວາມເປັນໄປໄດ້ໃນການເນລະເທດນີ້ອີກວ່າ ປັດຈຸບັນນີ້ທາງການລາວ ແລະສະຫະລັດ ຍັງບໍ່ທັນໄດ້ເຊັນສົນທິສັນຍາກັນເທື່ອ ມີແຕ່ການຕົກລົງນໍາກັນແບບປາກເປົ່າ ຊຶ່ງທ່ານບາງຊີ້ແຈງວ່າ: “ອັນນັ້ນແມ່ນ ຄົນສົນທະນາກັນຫລາຍ ແລະອັນນັ້ນຫລະເຮັດໃຫ້ຄົນຢ້ານກົວ.”

ໃນເລື້ອງສິດທິໃນການເຮັດວຽກງານ ແລະຂັບລົດຢູ່ໃນສະຫະລັດ ຂອງພວກທີ່ ໄດ້ຮັບຄໍາສັ່ງຂັ້ນສຸດທ້າຍ ທີ່ລໍຖ້າການເນລະເທດຢູ່ນີ້ ທ່ານນາງໃຫ້ຄໍາເຫັນວ່າ ບໍ່ແມນຄົນໃດກໍຈະສາມາດມີສິດເຮັດເຊັ່ນນັ້ນໄດ້ ມັນຂຶ້ນກັບກໍລະນີໂທດໃນສະ ຖານໜັກຫລືເບົາຂອງແຕ່ລະຄົນ ຊຶ່ງທ່ານນາງອະທິບາຍດັ່ງນີ້:

“ເມື່ອເຈົ້າ ໄດ້ຮັບຄໍາສັ່ງຂັ້ນສຸດທ້າຍໃນການເນລະເທດແລ້ວ ແລະເຂົາເຈົ້າບໍ່ສາມາດເອົາເຈົ້າ ອອກປະເທດໄດ້, ເຂົາເຈົ້າປົກກະຕິແລ້ວ, ຈະໃຫ້ສິດແກ່ເຈົ້າ ແລະປົກກະຕິແລ້ວ, ຄົນຜູ້ນັ້ນ ສາມາດລົມນໍາພວກເຈົ້າໜ້າທີ່ ທີ່ເອີ້ນວ່າ ICE ຊຶ່ງແປ ວ່າ ເຈົ້າໜ້າທີ່ປະຕິບັດກົດໝາຍດ້ານຄົນເຂົ້າເມືອງ ແລະພາສີ ຢູ່ໃນລັດຂອງ ເຂົາເຈົ້າ. ແລະເຈົ້າໜ້າທີ່ມີອໍານາດທີ່ຈະມອບສິດໃຫ້ເຂົາເຈົ້າຢູ່ຕໍ່ໄປ ແລະເຮັດວຽກໄດ້. ສະນັ້ນ, ແຕ່ລະຄົນຕ້ອງໄດ້ລົມນໍາເຈົ້າໜ້າທີ່ໂດຍກົງ.”

ເມື່ອຖາມວ່າທຸກຄົນທີ່ມີຄໍາສັ່ງສຸດທ້າຍໃຫ້ເນລະເທດລ້ວນແຕ່ໄດ້ຮັບອະນຸຍາດ ໃຫ້ເຮັດວຽກຢູ່ໃນສະຫະລັດໄດ້ບໍ່, ທ່ານນາງຕອບວ່າ:

“ທຸກຢ່າງມັນຂຶ້ນກັບວ່າເຂົາເຈົ້າມາທີ່ນີ້ແບບໃດ. ຖ້າຫາກວ່າເຂົາເຈົ້າມີບັດຂຽວ ແຕ່ວ່າຖືກຢຶດໄປ, ຫລືເຈົ້າກໍ່ອາດຊະຍາກໍາບໍ່. ແຕ່ວ່າ ສິ່ງເຫລົ່ານີ້ ເປັນປະ ເດັນຫລາຍຢ່າງທີ່ແຕກຕ່າງກັນ ແລະ ທີ່ພວກເຈົ້າໜ້າທີ່ ICE ຈະນໍາເອົາ ມາພິຈາລະນາ. ແຕ່ເນື່ອງ ຈາກວ່າ ເຂົາເຈົ້າບໍ່ສາມາດເນລະເທດພວກນີ້ໄດ້, ປົກກະຕິແລ້ວ, ເກືອບໝົດທຸກກໍລະນີ ພວກເຂົາເຈົ້າໄດ້ຮັບໃບອະນຸຍາດ ໃຫ້ເຮັດວຽກ ແລະໂດຍທີ່ມີໃບອະນຸຍາດເຮັດວຽກທີ່ເຮັດໃຫ້ລາວສາມາດມີ ນໍ້າເບີ ປະກັນໄພສັງຄົມ ຫລື Social Security ທີ່ເຊື່ອມໂຍງໃສ່ກັບ ບັດອະນຸຍາດ ເຮັດວຽກເບີ Social Security ນີ້ແມ່ນສາມາດໃຊ້ໄດ້ແຕ່ໃນການເຮັດວຽກ ເທົ່ານັ້ນ. ສະນັ້ນ, ຖ້າໃບອະນຸຍາດ ບອກວ່າປີດຽວ ມັນກໍໃຊ້ໄດ້ແຕ່ປີດຽວເທົ່ານັ້ນ. ແລະ ຢູ່ໃນໄລຍະນັ້ນ ໂດຍທີ່ວ່າບັດອະນຸຍາດນັ້ນ ແມ່ນເອົາໃຫ້ຢູ່ພາຍໃຕ້ ກົດ ໝາຍ ບັດປະຈໍາຕົວແທ້ ຊຶ່ງເປັນກົດໝາຍຂອງລັດຖະບານກາງ ຫລື ເປັນບັດ ປະຈໍາຕົວ ສະ ນັ້ນ ເຂົາເຈົ້າຈະໄດ້ຮັບອະນຸຍາດໃຫ້ໄປເອົາໃບຂັບຂີ່ໄດ້. ແຕ່ວ່າມັນກໍຂຶ້ນກັບ ກໍລະນີຂອງແຕ່ລະຄົນອີກ.”

ສໍາລັບພວກທີ່ມີໃບຂັບຂີ່ນັ້ນ ກໍຖືວ່າມີບັດປະຈໍາຕົວ ສະນັ້ນ ທ່ານນາງເວົ້້າວ່າ:

“ພວກເຂົາເຈົ້າສາມາດເດີນທາງໄດ້ ແຕ່ຢູ່ພາຍໃນສະຫະລັດເທົ່ານັ້ນ. ຖ້າຫາກ ຜູ້ກ່ຽວອອກຈາກຊາຍແດນຂອງສະຫະລັດໄປ ຕົວຢ່າງເຊັ່ນຂ້າມຊາຍແດນໄປ ຍັງການາດາ ແມ່ນແຕ່ 1 ວິນາທີ ກໍໝາຍຄວາມວ່າ ຜູ້ກ່ຽວສະໝັກໃຈເນລະ ເທດຕົນເອງໂລດ ແລະກໍບໍ່ສາມາດກັບເຂົ້າມາໄດ້. ຖ້າຜູ້ໃດອອກຈາກສະຫະ ລັດໄປ ຈະດ້ວຍຄວາມສະໝັກໃຈ ຫລືືຖືກສົ່ງກັບປະເທດຂອງຕົນ ກໍຕາມ ການ ທີ່ຈະໄດ້ກັບເຂົ້າມາສະຫະລັດໄດ້ອີກນັ້ນ ທ່ານນາງບອກວ່າມັນຂຶ້ນກັບປະຫວັດ ດ້ານການກະທໍາຜິດທາງອາຍາຂອງແຕ່ລະຄົນ ເຊັ່ນວ່າ ຄົນຜູ້ນັ້ນ ກໍ່ອາດ ຊະຍາ ກໍາອັນຮ້າຍແຮງບໍ່ ຫລືວ່າ ມີຄວາມຜິດຖານຢູ່ເກີນກໍານົດວີຊາເທົ່ານັ້ນບໍ. ສ່ວນຫລາຍແລ້ວ ຜູ້ໃດຖືກເນລະເທດຫລື ອອກຈາກປະ ເທດໄປ ກໍຕ້ອງລໍຖ້າ ຫລາຍກວ່າສິບປີ ຈຶ່ງກັບເຂົາມາໄດ້ ແຕ່ວ່າ ໃນກໍລະນີ ທີ່ ເຄີຍມີໂທດ ອັນຮ້າຍແຮງ ຫລືຫລອກລວງເຊັ່ນຕົວະວ່າ ຕົນມີສັນຊາດອາເມຣິກາ ແຕ່ທີ່ຈິງ ແລ້ວຕົນເອງບໍ່ມີ ດັ່ງນີ້ ແມ່ນອາດຖືກຫ້າມບໍ່ໃຫ້ເຂົ້າມາ ສະຫະລັດຕະຫລອດຊີວິດເລີຍ.”

ທ່ານນາງອະທິບາຍອີກວ່າ ໃນກຸ່ມຄົນທີ່ໄດ້ຮັບຄໍາສັ່ງສຸດທ້າຍໃຫ້ຖືກ ເນລະ ເທດນັ້ນ ບໍ່ແມ່ນຈະເປັນຜູ້ກະທໍາຜິດທາງອາດຍາແບບໜັກ ຫລື ຮ້າຍແຮງ ສະເໝີໄປ. ຄົນລາວຜູ້ໃດທີ່ມາຢ້ຽມຢາມພີ່ນ້ອງແລ້ວ ຢູ່ເກີນກໍານົດເວລາ ໃນວີຊາກໍອາດຈະຕົກໃນກໍລະນີຖືກເນລະເທດເຊັ່ນກັນ ເພາະຖືວ່າ ເຂົາເຈົ້າ ຢູ່ໃນສະຫະລັດແບບບໍ່ຖືກກົດໝາຍ. ແຕ່ທ່ານນາງກໍອະທິບາຍວ່າ:

“ກໍລະນີສ່ວນໃຫຍ່ແລ້ວອົງການຕ່າງໆ ແມ່ນຊອກຫາຈັບ ໃນສິ່ງທີ່ເອີ້ນວ່າ ‘ໂຄງການຄົນຕ່າງດ້າວທີ່ກໍ່ອາດຊະຍາກໍາ’ ຊຶ່ງເປັນຄົນທີ່ກໍ່ອາດຊະຍາກໍາ ຫລື ກະທໍາແບບໃດແບບນຶ່ງ ທີ່ພາໃຫ້ຕົນຕົກໄປຢູ່ໃນຂັ້ນຕອນພິຈາລະນາໃຫ້ຖືກເນ ລະເທດ ເຊັ່ນວ່າ ຂັບລົດໃນຂະນະມືນເມົາບໍ ຫລື ກະທໍາຮຸນແຮງຢູ່ໃນຄອບຄົວ, ຫລື ເຂົາເຈົ້າໄປບາ ແລະບັງເອີນມີເຈົ້າໜ້າທີ່ ICE ເຂົ້າໄປຫັ້ນ ສະນັ້ນ ໃນເກືອບ ທຸກກໍ ລະນີແລ້ວ ແມ່ນໄດ້ມີການພົວພັນກັບເຈົ້າໜ້າທີ່ປະຕິບັດກົດໝາຍ.”

ສໍາລັບພວກທີ່ຢູ່ເກີນກໍານົດຂອງວີຊານັ້ນແລະບໍ່ຖືກຈັບໄດ້ນັ້ນ ກໍຍັງມີຄວາມສ່ຽງຢູ່ ແຕ່ວ່າ ໃນປັດຈຸບັນນີ້ທາງເຈົ້າໜ້າທີ່ຍັງບໍ່ທັນໄດ້ຊອກຫາເຂົາເຈົ້າເທື່ອ.

ທ່ານນາງຈັນພອນໄດ້ເຮັດວຽກເປັນທະນາຍຄວາມດ້ານຄົນເຂົ້າເມືອງມາໄດ້ 19 ປີແລ້ວ ແລະ ໄດ້ຮັບອະນຸຍາດໃຫ້ເປັນທະນາຍຄວາມດ້ານຄົນເຂົ້າເມືອງມາໄດ້ 13 ປີແລ້ວ. ທ່ານນາງບອກວ່າ ທ່ານນາງເຮັດວຽກໃນທຸກປະເພດ ທີ່ກ່ຽວຂ້ອງ ກັບເລື້ອງຄົນເຂົ້າເມືອງ ແຕ່ວ່າທ່ານນາງ ມີຄວາມຊ່ຽວຊານເປັນພິເສດໃນການວິໄຈດ້ານການກໍ່ອາຊະຍາກໍາ ແລະຊ່ວຍຜູ້ໄດ້ຮັບເຄາະຮ້າຍທີ່ກໍາລັງຢູ່ໃນຂັ້ນຕອນການຖືກເນລະເທດ ຊຶ່ງກ່ຽວພັນກັບກໍລະນີຂອງພວກທີ່ຕົກເປັນເຫຍື່ອ ຂອງການ ຄ້າມະນຸດ ຫລື ພວກຄົນເຂົ້າເມືອງທີ່ຖືກທາລຸນຂົ່ມເຫັງ ຫລືລວນລາມ ທາງເພດ ແລ້ວຖືກຈັບ ແລະຖືກພິຈາລະນາໃຫ້ເນລະເທດນັ້ນ. ສະນັ້ນທ່ານນາງ ຈຶ່ງມີ ຄວາມເປັນຫ່ວງ ແລະເຂົ້າໃຈດີ ກ່ຽວກັບເລື້ອງເນລະເທດຄົນ ໂດຍສະເພາະ ແມ່ນຄົນລາວອອກຈາກສະຫະລັດ.

ເບິ່ງຄວາມເຫັນ (1)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG