ລິ້ງ ສຳຫລັບເຂົ້າຫາ

ວັນຈັນ, 27 ມິຖຸນາ 2022

ເກົາຫຼີໃຕ້ ແລະຈີນ ຕິຕຽນ ຄຳປາໄສ ຕໍ່ສະພາ ສະຫະລັດ ຂອງທ່ານ Abe


Abe Addresses US Congress, Dogged by Wartime 'Comfort Women' Issue
please wait

No media source currently available

0:00 0:03:39 0:00

ລັດຖະບານ​ຂອງ​ເກົາຫຼີ​ໃຕ້​ແລະ​ຈີນ ​ແມ່ນ​ຕຳ​ນິຕິ​ຕຽນ​ນາຍົກ
ລັດຖະມົນຕີຍີ່ປຸ່ນ ທ່ານ Shinzo Abe ທີ່​ບໍ່​ໄດ້ກ່າວ​ເຖິງ ​ໃນ​ອັນ​ທີ່
​ພວກ​ເຂົາ​ເຈົ້າ​ມອງ​ເຫັນ​ວ່າ ​ເປັນ​ການ​ຂໍອະ​ໄພ ໂທດຢ່າງພຽງພໍ
ໃນການກໍ່ໂທດກຳຕ່າງໆ​ ​ຢູ່ໃນປະ​ເທດ​ຂອງ​ພວກ​ເຂົາ​ເຈົ້າ.

​ໃນ​ການ​ກ່າວ​ຄຳ​ປາ​ໄສ​ໃນ​ວັນ​ພຸດ​ວານ​ນີ້ ຕໍ່​ລັດຖະສະພາ​ສະຫະ
ລັດນັ້ນ ນາຍົກລັດຖະມົນຕີ Abe ​ໄດ້​ສະ​ແດງ​ອອກ​ເຖິງ​ຄວາມ
ສຳນຶກ​ຜິດ​ຢ່າງເລິກເຊິ່ງ ກ່ຽວກັບການກະທຳໃນອະດີດ ຜ່ານມາ
ຂອງ​ຈັກກະພັດນິຍົມຍີ່ປຸ່ນ ​ແລະໄດ້ກ່າວ​ວ່າ ​ໂຕ​ກຽວ ຈະ​ບໍ່​ນິ້​ງເສີຍ
ດູດາຍ​ກ່ຽວ​ກັບ​ພວກ​ທີ່​ໄດ້ຮັບຜົນ​ກະທົບ​ທີ່​ຮ້າຍ​ກາດ ​ເມື່ອ​ປາງ​ສົງຄາມ​ນັ້ນ.

ທ່ານ ​Abe ໄດ້​ກ່າວ​ປິດຄຳ​ປາ​ໄສ​ ທີ່ມີການຕິດຕາມເບິ່ງຢ່າງໃກ້ຊິດນັ້ນວ່າ “ການ​ກະທຳ​ຂອງ​ພວກ​ເຮົາ ​ແມ່ນ​ໄດ້​ກໍ່ໃຫ້ເກີດ​ຄວາມ​ທຸກ​ທໍລະ​ມານ​ຂອງ​ຜູ້​ຄົນ​ໃນ​ບັນດາ​ປະ​ເທດ​ເອ​ເຊຍ. ພວກ​ເຮົາ​ແມ່ນ​ບໍ່​ໄດ້​ລະ​ເລີຍ​ສາຍຕາ​ຈາກ​ເຫດການ​ທີ່​ວ່າ​ນັ້ນ​ເລີຍ.”

​ແຕ່​ວ່າ​ທ່ານ​ບໍ່​ໄດ້ກ່າວ​ຍ້ຳ​ ​ໃນ​ພາສາ ທີ່​ໃຊ້​ໃນ​ການ​ຂໍ​ຂະ​ມາ​ໂທດ​ຢ່າງ​ເປັນທາງ​ການ ​ໂດຍ​ອະດີດນາຍົກລັດຖະມົນຕີຍີ່​ປຸ່ນ ຄົນ​ກ່ອນໆ ​ແຕ່ກັບ​ກ່າວ​ວ່າ ທ່ານຈະ “ຍຶດໝັ້ນ​ຕໍ່​ທັດສະ ນະຄວາມເຫັນ” ​ຂອງ​ພວກ​ອະດີດຜູ້ນຳຄົນກ່ອນໆ.

ຄຳ​ປາ​ໄສ​ທີ່​ວ່າ​ນີ້ ບໍ່​ໄດ້​ເປັນ​ທີ່​ພໍ​ໃຈ​ຕໍ່​ຊາວ​ເກົາຫຼີ​ໃຕ້ ​ແລະ​ຈີນ ຫຼາຍໆ​ຄົນ ຊຶ່ງ​ກ່າວ​ຫາຜູ້ນຳ​ນິຍົມແນວ​ທາງ​ເດີມ​ຂອງ​ຍີ່ປຸ່ນວ່າ ຖື​ເບົາ​ໃນ​ບົດບາດ​ຂອງ​ໂຕ​ກຽວ​ໃນ​ອະດີດ ຊຶ່ງ​ຮວມທັງ​
ການ​ໃຊ້​ພວກແມ່ຍິງເອເຊຍເປັນ​ຂ້າ​ທາດ​ທາງ​ເພດ​ໃນ​ປາງ​ສົງຄາມ​ໂລກ​ຄັ້ງ​ທີ 2 ພຸ້ນ.

ຖະແຫຼງການຂອງ​ກະຊວງ​ການ​ຕ່າງປະ​ເທດເກົາຫຼີ​ໃຕ້ ກ່າວວ່າ ມັນ​ເປັນເລື້ອງ “ທີ່ໜ້າເສຍ ໃຈທີ່ສຸດ” ທີ່ບໍ່ມີ “ການ​ຂໍ​ຂະ​ມາ​ໂທດ​ຢ່າງ​ຈິງ​ໃຈ” ​ໃນ​ຄຳ​ປາ​ໄສ​ນັ້ນ ແລະຖະແຫຼງການ​ກ່າວ​ຕື່ມ​ວ່າ ທ່ານ Shenzo ​ໄດ້​ພາດ​ໂອກາດ​ໃນ​ການ​ທີ່​ຈະ​ສ້າງຄວາມປອງດອງກັນຢ່າງ​ແທ້​ຈິງ.

ສ່ວນກະຊວງ​ການ​ຕ່າງປະ​ເທດຈີນ ​ໄດ້​ກ່າວ​ໃນ​ວັນ​ພະຫັ​ດມື້​ນີ້​ວ່າ “ຕົນ​ຈະ​ສືບຕໍ່​ຮຽກຮ້ອງໃຫ້​ລັດຖະບານ​ຍີ່ປຸ່ນ​ແລະ​ບັນດາ​ຜູ້ນຳທັງຫຼາຍ ເອົາທ່າທີແບບມີຄວາມຮັບຜິດຊອບ​ຕໍ່ປະຫວັດ ສາດ.”

ເບິ່ງຄວາມເຫັນ (1)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ທ່ານອາດຈະມັກເລື້ອງນີ້ຄືກັນ

XS
SM
MD
LG