ຈຸດໝາຍປາຍທາງຂອງການທ່ອງທ່ຽວເພື່ອເກີດລູກ ສໍາລັບແມ່ມານຊາວຈີນ

ສິ່ງທີ່ວ່າ ການທ່ອງທ່ຽວເພື່ອເກີດລູກ ບໍ່ໄດ້ມີຢູ່ແຕ່ໃນແຜ່ນດິນໃຫຍ່ຂອງ ສະຫະລັດ ເທົ່ານັ້ນ. ແມ່ມານຊາວຈີນ ໄດ້ເດີນທາງໄປຍັງດິນແດນຂອງ ສະຫະລັດ ທີ່ຢູ່ໃກ້ປະເທດຫຼາຍກວ່າເກົ່າ ເພື່ອເກີດລູກຂອງພວກເຂົາເຈົ້າ ແລະຂໍສັນຊາດສະຫະລັດ ໃຫ້ກັບພວກເຂົາ. ຢູ ຢາວ (Yu Yao) ແລະ ຈີລ ດາວ (Jiu Dao) ນັກ​ຂ່າວ​ VOA ພາກພາສາຈີນກາງ ມີ​ລາຍ​ລະ​ອຽດຈາກ​ເມືອງ ໄຊປານ (Saipan) ເຊິ່ງເປັນເມືອງຫຼວງຂອງ​ໝູ່​ເກາະ ມາເຣຍອານາເໜືອ (Northern Mariana).

ບັນດານັກ​ທ່ອງ​ທ່ຽວ​ອາດ​ຈະເດີນທາງ​ມາຍັງ​ເກາະ ໄຊປານ, ເຊິ່ງເປັນເມືອງ​ຫຼວງ​ຂອງ​ໝູ່​ເກາະ ​ມາເຣຍອານາເໜືອ ສໍາລັບ​ຄວາມງົດ​ງາມ​ຂອງ​ເກາະໃນມະຫາສະໝຸດ​ປາ​ຊີ​ຟິກແຫ່ງນີ້, ແຕ່​ບໍ່ແມ່ນ​ແມ່ຜູ້​ນີ້. ນາງຢູ່ທີ່ນີ້ ເພື່ອໃຫ້ລູກສາວຂອງນາງສາມາດໄດ້ຮັບເອກະສານທີ່ບອກວ່າ ລູກຂອງນາງເປັນພົນລະເມືອງຂອງສະຫະລັດ.

ແມ່ຜູ້ນີ້ຢູ່ເກີນກໍານົດທີ່ນາງອະນຸຍາດໃຫ້ຢູ່ໃນດິນແດນຂອງສະຫະລັດ ຮອດ 14 ມື້ແລ້ວ. ນາງໃຊ້ພຽງແຕ່ນາມສະກຸນ ເຢ (Ye) ຂອງນາງ ເພື່ອປົກປ້ອງຕົວຕົນຂອງນາງເອງ.

ນາງ ເຢ, ພົນລະເມືອງຊາວຈີນ ກ່າວເປັນພາສາຈີນກາງວ່າ:

“ບໍ່ວ່າຈະເປັນລະບົບການສຶກສາ ຫຼື ສະພາບແວດລ້ອມປະຈໍາວັນ ໃນປະເທດຈີນ, ທັງໝົດແມ່ນມີຄວາມກົດດັນຫຼາຍເກີນໄປ. ແມ່ນແຕ່ຂ້ອຍເອງ ຍັງຕ້ອງການທີ່ຈະໜີ. ຂ້ອຍບໍ່ຢາກຢູ່ທີ່ນັ້ນແລ້ວ.”

ນາງ ເຢ ເດີນທາງ​ໄປ​ຮອດ​ເມືອງ​ໄຊ​ປັນ​ ໃນ​ເດືອນ​ກັນຍາ, ​ເຊິ່ງນາງເຂົ້າ​ສູ່​ປະເທດພາຍໃຕ້ໂຄງການ​ຍົກ​ເວັ້ນວີ​ຊາ 14 ມື້​ສຳລັບ​ພົນລະ​ເມືອງ​ຊາວຈີນ ​ທີ່ເລີ້ມປະຕິບັດມາແຕ່ປີ 2019. ໃນກ່ອນໜ້າ​ນັ້ນ, ​ເມື່ອ​ການທ່ອງທ່ຽວ​ເພື່ອເກີດລູກ​ຈາກປະເທດ​ຈີນ ເພີ້ມ​ສູງ​ຂຶ້ນ, ປະຊາຊົນຊາວ​ຈີນ​ ໄດ້​ຮັບ​ອະນຸຍາດ​ໃຫ້​ຢູ່​ໂດຍ​ບໍ່​ມີ​ວີ​ຊາ​ເປັນ​ເວລາຮອດ 45 ວັນ.

ທ່ານ ອາຣ໌ໂນລ ພາລາຊີອົສ (Arnold Palacios), ຜູ້ປົກ​ຄອງໝູ່​ເກາະ​ມາ​ຣີອາ​ນາ​ເໜືອ ກ່າວວ່າ:

“ມັນເຖິງຈຸດສູງສຸດໃນປີ 2017 ແລະ ປີ 2018.”

ທ່ານ ພາລາຊີອົສ ກ່າວ​ວ່າ ໃນແຕ່ລະປີ ມີລູກ​ນ້ອຍທີ່ເກີດຈາກແມ່ຊາວຈີນຫຼາຍກວ່າ 500 ​ຄົນ​, ເຊິ່ງມີຈໍານວນ​ຫຼາຍ​ກວ່າລູກນ້ອຍທີ່​ເກີດ​ຈາກ​ແມ່​ຍິງຊາວໄຊປັນ. ຈຳ​ນວນ​ການ​ເກີດ​ລູກ​ຂອງຊາວ​ຈີນ​ຢູ່​ເກາະແຫ່ງນີ້ ຫຼຸດ​ລົງ​ໃນ​ລະ​ຫວ່າງ​ການລະ​ບາດ​ໃຫຍ່.

ທ່ານ ພາລາຊີອົສ ກ່າວວ່າ ໃນປີ 2024 ມີລູກນ້ອຍທີ່ເກີດຈາກແມ່ຊາວຈີນ ຈໍານວນ 55 ຄົນ. ການເບິ່ງແຍງດູແລແມ່ລູກອ່ອນ ທີ່ບິນມາພຽງເພື່ອເກີດລູກເຫຼົ່ານີ້ ແມ່ນສິ່ງທ້າທາຍສໍາລັບພະນັກງານໂຮງໝໍ, ແລະກໍມີຄວາມສ່ຽງສໍາລັບໂຕຂອງບັນດາແມ່ຍິງເຫຼົ່ານັ້ນເອງ.

ທ່ານ ອາຣ໌ໂນລ ພາລາຊີອົສ, ຜູ້ປົກ​ຄອງ​ໝູ່ເກາະ​ມາ​ຣີອາ​ນາ​ເໜືອ ກ່າວວ່າ:

“ເມື່ອບັນດາແມ່ຍິງເຫຼົ່ານີ້ເດີນທາງເຂົ້າມາ, ພວກນາງບໍ່ມີບັນທຶກການຖືພາ, ດັ່ງນັ້ນ ພວກເຂົາເຈົ້າຈຶ່ງບໍ່ຮູ້ວ່າ ມັນເປັນການເກີດທີ່ມີຄວາມສ່ຽງສູງ ຫຼື ບໍ່.”

ຈາກບົດບັນທຶກຂອງລັດຖະບານ ນັບຕັ້ງ​ແຕ່​ປີ 2009 ​ເປັນ​ຕົ້ນ​ມາ, ມີ​ລູກນ້ອຍ​ທີ່ເກີດຈາກແມ່ຊາວຈີນຢູ່ໃນເກາະແຫ່ງນີ້ ປະມານ 3,300 ຄົນ​. ນາງ ເຢ ກ່າວວ່າ ນາງຄົ້ນພົບເກາະ ໄຊປັນ ໃນສື່ສັງຄົມອອນໄລນ໌ ໃນຂະນະທີ່ນາງຄົ້ນຫາສະຖານທີ່ສໍາລັບເກີດລູກ.

ນາງ ເຢ, ປະຊາຊົນຊາວຈີນ ກ່າວເປັນພາສາຈີນກາງວ່າ: “ຂ້ອຍບໍ່ມີເວລາຍື່ນຂໍວີຊາ ເນື່ອງຈາກມັນຕ້ອງໄດ້ລໍຖ້າ. ການຖືພາ ເປັນເລື້ອງທີ່ປະຫຼາດໃຈ. ຂ້ອຍເລືອກສະຖານທີ່ແຫ່ງນີ້ ເພາະວ່າ ມັນເປັນບ່ອນທີ່ຂ້ອຍສາມາດໄປໄດ້ຢ່າງໄວວາ ເພື່ອບັນລຸໃນສິ່ງທີ່ຂ້ອຍຕ້ອງການ.”

ນາງ ເຢ ທໍາການຍື່ນຂໍໜັງສືຜ່ານແດນສະຫະລັດ ໃຫ້ກໍາລູກສາວອາຍຸ 1 ເດືອນຂອງນາງ. ນາງຍັງໄດ້ຈ່າຍເງິນຕື່ມອີກ ເພື່ອໃຫ້ໜັງສືກຽມພ້ອມພາຍໃນໄລຍະເວລາສາມອາທິດ.

ນາງ ເຢ, ປະຊາຊົນຊາວຈີນ ກ່າວເປັນພາສາຈີນກາງວ່າ: “ຂ້ອຍຢ້ານວ່າ ນະໂຍບາຍຈະໄດ້ຮັບຜົນກະທົບ ໃນປັດຈຸບັນທີ່ ທ່ານ ດໍໂນລ ທຣໍາ ດໍາລົງຕໍາແໜ່ງເປັນປະທານາທິບໍດີ, ສະນັ້ນ ຂ້ອຍຈຶ່ງໄດ້ຈ່າຍເງິນເພີ້ມ ເພື່ອໃຫ້ໜັງສືຜ່ານແດນ ແລ້ວໄວຂຶ້ນ.”

ບັນດານັກອະນຸລັກນິຍົມໃນສະຫະລັດ ໄດ້ໂຕ້ແຍ້ງວ່າ ສິດທິພົນລະເມືອງໂດຍກຳເນີດ ສົ່ງເສີມໃຫ້ມີການເຂົ້າເມືອງທີ່ຜິດກົດໝາຍ ແລະຖືກສວຍໃຊ້ໃນທາງທີ່ບໍ່ຖືກຕ້ອງ.

ໃນ​ມື້​ທຳ​ອິດ​ທີ່​ເຂົ້າ​ດຳລົງ​ຕຳ​ແໜ່​ງ, ປະທານາທິບໍດີ ດໍໂນລ ທຣໍາ ​ໄດ້​ລົງ​ນາມ​ໃນ​ຄຳ​ສັ່ງ​ຝ່າຍບໍລິຫານ ​ເພື່ອ​ໃຫ້ມັນສິ້ນສຸດລົງ.

ທ່ານ ດໍໂນລ ທຣໍາ, ປະທານາທິບໍດີສະຫະລັດ ກ່າວວ່າ: “ພວກເຮົາເປັນພຽງປະເທດດຽວໃນໂລກ ທີ່ເຮັດສິ່ງນີ້ ດ້ວຍການຖືສິດໂດຍກໍາເນີດ, ດັ່ງທີ່ພວກເຈົ້າຮູ້, ແລະມັນກໍເປັນເລື່ອງທີ່ບໍ່ມີສາລະ ອີຫຼີ.”

ໃນຂະນະທີ່ຄໍາສັ່ງນີ້ ຖືກທ້າທາຍຢູ່ໃນສານ, ນາງ ເຢ ຫວັງວ່າ ຈະມີຜົນດີສໍາລັບລູກສາວຂອງນາງ ແລະອາດເປັນຜົນດີສໍາລັບໂຕຂອງນາງເອງ ອີກດ້ວຍ.

ນາງ ເຢ, ປະຊາຊົນຊາວຈີນ ກ່າວເປັນພາສາຈີນກາງວ່າ: “ຂ້ອຍຮູ້ສຶກວ່າ ເມື່ອຂ້ອຍມາຮອດນີ້, ມັນເປັນສະຖານທີ່ທີ່ມີມະນຸດສະທໍາຫຼາຍກວ່າເກົ່າ. ແນ່ນອນວ່າ ມັນຈະຕ້ອງມີວິທີທາງໃນການແກ້ໄຂສິ່ງທ້າທາຍຕ່າງໆ ທີ່ຂ້ອຍກໍາລັງປະເຊີນຢູ່ນີ້.”

ນັບ​ຕັ້ງ​ແຕ່​ທ້າຍ​ປີທີ່ຜ່ານມາ, ບັນດານັກ​ທ່ອງ​ທ່ຽວ​ຈາກ​ປະ​ເທດ​ຈີນ ​ຕ້ອງ​ຍື່ນ​ຄໍາຮ້ອງຂໍການຍົກເວັ້ນທາງ​ອອນ​ໄລ​ນ໌ ​ແລະ​ໄດ້​ຮັບ​ການ​ກວດ​ສອບ​ໂດຍ​ຜ່ານການ​ກວດ​ສອບເບື້ອງຕົ້ນທາງ​ອີ​ເລັກ​ໂທຣ​ນິກ ​ກ່ອນ​ທີ່ພວກເຂົາ​ຈະໄດ້ຮັບ​ການອະ​ນຸ​ຍາດ​ໃຫ້​ເຂົ້າປະເທດໄດ້​.

ອ່ານບົດລາຍງານດ້ານລຸ່ມນີ້ເປັນພາສາອັງກິດ

So-called birth tourism is not only happening on the U.S. mainland. Pregnant Chinese mothers have been heading to a U.S. territory much closer to home to have their babies and obtain for them coveted U.S. citizenship. VOA Mandarin’s Yu Yao and Jiu Dao have the details from Saipan, capital of the Northern Mariana Islands. Elizabeth Lee narrates.

Tourists may come to Saipan, the capital of the Northern Mariana Islands, for its Pacific Island beauty, but not this mother. She’s here so her daughter can acquire a piece of paper that says she’s a U.S. citizen.

The mother has overstayed the 14 days she’s allowed to be in this U.S. territory. She only uses her surname, Ye, to protect her identity.

((Ye, Chinese Citizen (female, Mandarin))

“Whether it’s the education system or the everyday environment within China, there’s too much pressure. Even I want to escape. I don’t want to be there.”

Ye arrived in Saipan in September, entering under a 14-day visa waiver program for Chinese citizens implemented in 2019. Before that, when birth tourism from China was at its highest, Chinese nationals were allowed to stay without a visa for 45 days.

((Arnold Palacios, Governor of the Northern Mariana Islands))

“It peaked in 2017 and [20]18.”

With more than 500 babies born to Chinese mothers in each of those years, Palacios says those births surpassed the number born to Saipan women. The number of Chinese births on the island dropped during the pandemic.

Palacios says that in 2024, 55 babies were born to Chinese mothers. Taking care of mothers who fly in just to give birth has been a challenge for the hospital staff and a risk for the women themselves, he says.

((Arnold Palacios, Governor of the Northern Mariana Islands))

“When these women come in, they don’t have any prenatal records, so they have no idea whether it’s a high-risk birth or what.”

Since 2009, government records show, about 3,300 babies have been born here to Chinese mothers. Ye says she found Saipan on social media while researching places to give birth.

((Ye, Chinese Citizen (Female, Mandarin)))

“I didn’t have time to apply for a visa because it involves a wait time. // The pregnancy was a surprise. I picked this place because it was the place I could get to quickly to achieve what I wanted.”

Ye is applying for her 1-month-old daughter’s U.S. passport. She’s also paying more to have it ready within three weeks.

((Ye, Chinese Citizen)) ((Female)) ((Mandarin))

“I’m afraid the policy will be impacted now that [Donald] Trump is president, so I paid extra to get the passport quicker.”

Conservatives in the U.S. have argued that birthright citizenship encourages illegal immigration and is being exploited.

On his first day in office, President Donald Trump signed an executive order to end it.

((President Donald Trump))

“We’re the only country in the world that does this with birthright, as you know, and it’s just absolutely ridiculous.”

While this order is being challenged in court, Ye hopes there will be a good outcome for her daughter and maybe even herself.

((Ye, Chinese Citizen (Female, Mandarin)))

“I feel once I get here, it’s a more humane place here. For sure there will be a way to solve the challenges I’m facing.”

Since the end of last year, travelers from China have to apply online for a waiver and be vetted through an electronic pre-screening process before they are allowed to enter.