ໄທສົ່ງພວກອົບພະຍົບມົ້ງລາວກັບຄືນປະເທດ :ໃນວັນຈັນມື້ນີ້ ພວກທະຫານໄທ ໄດ້ເລີ້ມທຳການສົ່ງພວກລາວເຜົ່າມົ້ງປະມານ 4 ພັນຄົນທ່ີກຳລັງລີ້ໄພຢູ່ໃນໄທກັບຄືນປະເທດ ເຖິງແມ່ນນາໆຊາດມີຄວາມເປັນຫ່ວງກັງ ວົນກໍຕາມທີ ວ່າພວກມົ້ງເຫລົ່ານີ້ຈະປະເຊີນກັບການຖືກປະຫັດປະຫານຢູ່ໃນບ້ານ ເກີດເມືອງນອນຂອງເຂົາເຈົ້າ. ກະຊວງການຕ່າງປະເທດສະ ຫະຣັດໄດ້ອອກຄຳຖະແຫລງສະບັບນຶ່ງໃນຕອນແລງວັນອາທິດວານ ນີ້ ເອີ້ນການບັງຄັບຈົດສົ່ງພວກອົບພະຍົບມົ້ງກັບຄືນປະເທດລາວນັ້ນວ່າ ເປັນງການລະເມີດຢ່າງຮ້າຍແຮງຕໍ່ຫລັກການດ້ານມະນຸດສະທັມ ຂອງສາກົນ.” ຄຳຖະແຫລງຍັງໄດ້ຮຽກຮ້ອງໃຫ້ພວກເຈົ້າໜ້າທ່ີໄທ ໂຈະການປະຕິບັດງານດັ່ງກ່າວໄວ້ ແລະຮຽກຮ້ອງໄປຍັງປະເທດລາວໃຫ້ ປະຕິບັດຕໍ່ພວກທ່ີບໍ່ໄດ້ສມັກໃຈກັບຄືນປະເທດໄປນັ້ນ ຢ່າງ ມີມະນຸດສະທັມ. ໂຄສົກຣັຖບານໄທໄດ້ອອກມາປະຕິເສດວ່າ ພວກມົ້ງບໍ່ໄດ້ຖືກບັງຄັບໃຫ້ກັບຄືນໄປ ແລະວ່າ ພາຍໃຕ້ກົດໝາຍຂອງໄທ ພວກມົ້ງເຫລົ່ານັ້ນເປັນຄົນເຂົ້າເມືອງຜິດກົດໝາຍ ແລະໄດ້ຮັບການປະຕິບັດຕໍ່ຢ່າງຖືກຕ້ອງຕາມກົດໝາຍຂອງໄທ. ຜູ້ແທນອົງການສິດທິມະນຸດ Human Rights Watch ທ່ີປະເທດໄທ ໄດ້ເອີ້ນການສົ່ງຊາວອົບພະຍົບມົ້ງກັບຄືນປະເທດນັ້ນວ່າ ເປັນການລະເມີດມາດຕະຖານສາກົນຢ່າງຮ້າຍແຮງ.
ພວກມົ້ງ ທ່ີໄດ້ພາກັນອາໄສຢູ່ໃນສູນອົບພະຍົບໃນຈັງຫວັດເພັດສະບຸນ
ໃນພາກເໜືອຂອງໄທມານັ້ນ ກ່າວວ່າ ເຂົາເຈົ້າຈະຖືກແກ້ແຄ້ນຄືນຈາກ ຣັຖບານຄອມມີວນິດລາວ. ຝ່າຍຣັຖບານລາວ ກໍໄດ້ປະຕິເສດຕໍ່ຄຳກ່າວຫາທ່ີວ່າ ຊາວມົ້ງຈະປະເຊີນກັບການແກ້ແຄ້ນນັ້ນ.
ທີ່ອິຣ່ານ: ຜູ້ນຳອະວຸໂສຝ່າຍຄ້ານທ່ານນຶ່ງໃນອິຣ່ານໄດ້ຕຳໜິຕິຕຽນການປາບປາມ
ຂອງຣັຖບານຕໍ່ພວກປະທ້ວງຂອງຝ່າຍຄ້ານໃນທົ່ວປະເທດ ທ່ີໄດ້ເອົາຊີວິດຜູ້ຄົນໄປຢ່າງນ້ອຍ 8 ຄົນໃນວັນອາທິດວານນີ້. ນັກບວດຫົວປະຕິຮູບຂອງອິຣ່ານທ່ານ Mahdi Karroubi ອອກຖະແຫລງ ການສະບັບນຶ່ງໃນວັນຈັນມື້ນີ້ ໂດຍຕັ້ງຄຳຖາມຂຶ້ນມາວ່າ ເຮັດແນວໃດອຳນາດປົກຄອງທາງສາດສະໜາຂອງອິຣ່ານຈຶ່ງສາມາດອອກຄຳສັ່ງໃຫ້ເຂັ່ນຂ້າປະຊາຊົນຂອງຕົນເອງໄດ້ໃນຍາມບຸນ Ashura ນີ້.
ຂ່າວໂທຣະພາບທາງການຂອງອິຣ່ານກ່າວວ່າ ປະຊາຊົນ 8 ຄົນເສັຍຊີວິດໃນວັນອາທິດວານນີ້ໃນການປະທ້ວງຕໍ່ຕ້ານຣັຖບານທ່ີມີຂຶ້ນໃນຍາມບຸນAshura ທ່ີກຳລັງດຳເນີນໄປຢ່າງເຕັມສ່ວນ ຊຶ່ງເປັນບຸນມະ ໂຫລານຂອງຊາວມຸສລິມນິກາຍ Shi’ite ນັ້ນ. ແຕ່ຂ່າວໂທຣະພາບທ່ີວ່ານີ້ບໍ່ໄດ້ໃຫ້ລາຍລະອຽດເພີ່ມຕື່ມ. ບາງແຫລ່ງຂ່າວເວົ້າວ່າ ຈຳນວນຜູ້ເສັຍຊີວິດແມ່ນຫລາຍກວ່າ 8 ຄົນ.
ບັນດາກຸ່ມຝ່າຍຄ້ານກ່າວວ່າ ຕຳຫລວດໄດ້ຍິງພວກປະທ້ວງຕາຍໃນກຸງ Tehran ແລະເຂັ່ນຂ້າຕື່ມອີກ 4 ຄົນໃນເມືອງ Tabriz ໃນພາກຕາເວັນຕົກສຽງເໜືອຂອງອິຣ່ານ.
ພວກຝ່າຍຄ້ານແຈ້ງໃຫ້ຊາບເຊັ່ນກັນວ່າ ມີການປະທະກັນຫລາຍຄັ້ງໃນຫົວເມືອງໃຫຍ່ແຫ່ງຕ່າງໆໃນຂະນະທ່ີພວກນັກເຄື່ອນໄຫວຝ່າຍຄ້ານຫລາຍພັນຄົນພາກັນໂຮມຊຸມນຸມທຳການທ້າທາຍຕໍ່ຄຳເຕືອນຂອງຣັຖ
ບານທ່ີວ່າບໍ່ໃຫ້ໃຊ້ຍາມບຸນ Ashura ນີ້ເປັນຂໍ້ແກ້ໂຕເພື່ອທຳການປະທ້ວງນັ້ນ. ຄວາມວຸ້ນວາຍທ່ີເກີດຂຶ້ນໃນວັນອາທິດວານນີ້ ນັບວ່າເປັນຄັ້ງຮ້າຍແຮງທ່ີສຸດໃນອິຣ່ານໃນຮອບເຄິ່ງປິຜ່ານມາ.
ກ່ຽວກັບເຫດການເກີດຂຶ້ນໃນເຮືອບິນໂດຍສານໃນສະຫະຣັດ:ຜູ້ຊາຍ ໄນເຈເຣັຍ ຄົນນຶ່ງທ່ີຖືກກ່າວຫາວ່າພະຍາຍາມທຳລາຍເຮືອບິນໂດຍສານລຳນຶ່ງ ໃນສະຫະຣັດໃນວັນຄຣີສມາສ ຄືວັນສຸກຜ່ານມານັ້ນ ມີກຳນົດຈະໄປປາກົດໂຕຢູ່ໃນສານແຫ່ງນຶ່ງໃນຣັດ Michigan ໃນວັນຈັນມື້ນີ້. ວັນອາທິດວານນີ້ ເຈົ້າໜ້າທ່ີສະຫະຣັດໄດ້ຍົກຍ້າຍນາຍ Umar Farook Abdulmutallah ໄປຍັງຄຸກຣັຖບານກາງແຫ່ງນຶ່ງຈາກໂຮງໝໍ ບ່ອນທ່ີຜູ້ ກ່ຽວໄດ້ຮັບການປິ່ນປົວຈາກໄຟໄໝ້.
ນາຍ Umar ຄົນໄນເຈເຣັຍ ວັຍ23 ປີອ້າງວ່າຜູ້ກ່ຽວໄດ້ຮັບການຝຶກອົບຮົມຈາກພວກສາຍລັບ al-Qaida ທ່ີເຢເມນ. ທາງການກ່າວວ່າ ຜູ້ກ່ຽວ ພະຍາຍາມຈະຈູດຂະນວນລະເບີດທ່ີມັດຕິດຂາໄວ້ນັ້ນໃນເວລາ ກ່ອນໜ້າ ທ່ີຖ້ຽວບິນໂດຍສານ 253 ຂອງສາຍການບິນ Northwest Airlines ທ່ີບິນມາຈາກນະຄອນ Amsterdam ຈະລົງຈອດທ່ີສະ ໜາມບິນເມືອງ Detroit ທ່ີບິນມາຈາກນະຄອນ Amsterdam ໃນວັນສຸກຜ່ານມາ. ລະເບີດບໍ່ແຕກຂຶ້ນແຕ່ໄຟໄດ້ໄໝ້ຂາຂອງນາຍ Abdulmutallah ກ່ອນທ່ີພວກຄົນ ໂດຍສານອື່ນໆແລະພວກລູກເຮືອໃນຖ້ຽວບິນຄວບຄຸມໂຕຜູ້ກ່ຽວໄວ້. ຜູ້ຕ້ອງຫາຄົນນີ້ມີຊື່ຢູໃນຖານຂໍ້ມູນ ສືບລັບຂອງຣັຖບານສະຫະຣັດ ແຕ່ບໍ່ໄດ້ຢູ່ໃນບັນຊີລາຍຊື່ຂອງພວກທ່ີເອີ້ນວ່າ ຫ້າມບິນ . ເວລານີ້ບັນດາເຈົ້າໜ້າທ່ີສະຫະຣັດກຳລັງທົບທວນເບິ່ງການຮັກສາຄວາມປອດໄພຂອງຕົນ ແລະພະຍາຍາມລົງຄວາມເຫັນວ່າ ນາຍ Abdulmutallahສາມາດຂຶ້ນເຮືອບິນທ່ີມຸ້ງໜ້າມາຍັງສະຫະຣັດໂດຍມີວັດຖຸລະເບີດຕິດໂຕມານັ້ນໄດ້ແນວໃດ.
ອັງກິດແລະຈີນ: ລູກອ້າຍລູກນ້ອງກັນ 2 ຄົນຂອງພົນລະເມືອງອັງກິດຄົນນຶ່ງທ່ີກຳລັງປະເຊີນໜ້າກັບ ການລົງໂທດປະຫານຊີວິດໃນຈີນໃນຂໍ້ຫາຖານທຳການລັກລອບຄ້າຢາເສບຕິດ ໄດ້ທຳການອຸທອນຄັ້ງສຸດທ້າຍຕໍ່ສານເພື່ອບໍ່ ໃຫ້ປະຫານຊີວິດຜູ້ກ່ຽວ ແລະໄດ້ພາກັນໄປຢ້ຽມຢາມຜູ້ກ່ຽວໃນວັນຈັນມື້ນີ້.ນາຍ Akmal Shaik ວັຍ 53 ປີ ທ່ີມີລູກ 3 ຄົນ ໄດ້ຖືກ
ສານຕັດສິນວ່າມີຄວາມຜິດໃນປີ2008 ໃນຂໍ້ຫາພະຍາຍາມລັກລອບຢາເຮໂຣອິນ 4 ກິໂລເຂົ້າໄປໃນເມືອງ Urumqi ໃນ ຂົງເຂດຊິນຈຽງທາງພາກຕາເວັນຕົກສຸດຂອງຈີນ. ຜູ້ກ່ຽວກຳນົດ ຈະຖືກປະຫານຊີວິດ ໃນວັນອັງຄານມື້ອື່ນນີ້. ຄອບຄົວຂອງນາຍ Shaik ກ່າວວ່າ ຜູ້ກ່ຽວມີບັນຫາທາງສຸກຂະພາບຈິດ ແລະໄດ້ຖືກຫລອກໃຫ້ເຂົ້າຮ່ວມໃນວົງການລັກລອບຄ້າຢາເສບ ຕິດນີ້. ນາຍົກຣັຖມຸນຕີອັງກິດ ທ່ານ Gordon Brown ກໍເປັນຄົນນຶ່ງທ່ີຮວມຢູ່ໃນພວກທ່ີອຸທອນໃຫ້ຈີນໃຫ້ຄວາມເມດຕາຜ່ອນຜັນໂທດນັ້ນ. ສານສູງສຸດແຫ່ງນຶ່ງຂອງຈີນເຄີຍປະຕິເສດຕໍ່ຄຳອຸທອນມາຄັ້ງນຶ່ງແລ້ວ.
ໂຈນທະເລທີ່ໂຊມາເລັຍປ່ອຍກຳປັ່ນຈີນ:ອົງການຂ່າວທາງການຈີນ ກ່າວວ່າ ກຳປັ່ນ ບັນທຸກສິນຄ້າຂອງຈີນລຳນຶ່ງທ່ີຖືກພວກໂຈນທະເລຍຶດເອົາຫວ່າງ 2 ເດືອນຜ່ານມາຢູ່ນອກຝັ່ງທະເລຂອງໂຊມາເລັຍນັ້ນ ໄດ້ຖືກປ່ອຍແລ້ວພ້ອມທັງພວກລູກເຮືອ 25 ຄົນຢ່າງປອດໄພ.
ອົງການຂ່າວຊິນຫົວຂອງຈີນອ້າງຄຳເວົ້າສູນກາງຊອກຄົ້ນແລະຊ່ອຍ
ກູ້ໄພທາງທະເລຂອງຈີນ ວ່າ ກຳປັ່ນບັນທຸກສິນຄ້າລຳນີ້ແມ່ນກຳລັງຢູ່ພາຍໃຕ້ການອາຣັກຂາຂອງກອງທັບເຮືອຈີນ.
ລາຍງານສະບັບນີ້ບໍ່ໄດ້ກ່າວເຖິງເຣື່ອງທ່ີໄດ້ມີການຈ່າຍຄ່າໄຖ່ຈຳນວນເກືອບ4 ລ້ານດອນລານັ້ນ. ກ່າວກັນວ່າ ເຮືອບິນເຮລີຄອບເຕີລຳນຶ່ງໄດ້ເອົາຄ່າໄຖ່ໄປຖິ້ມລົງ ໃສ່ດາດຟ້າຂອງກຳປັ່ນລຳນີ້ໃຫ້ພວກໂຈນສລັດ.
ທີ່ວຽດນາມ : ສານແຫ່ງນຶ່ງຂອງວຽດນາມໄດ້ຕັດສິນໂທດອະດີດນາຍທະຫານທ່ານນຶ່ງໃຫ້ຈຳຄຸກ 5 ປີເຄິ່ງໃນວັນຈັນມື້ນີ້ ທ່ີມີຄວາມຜິດຖານວາງແຜນໂຄ່ນລົ້ມຣັຖບານ. ອະດີດນາຍພັນໂທ Tran Anh Kim ຖືກກ່າວຫາວ່າ ດຳເນີນການເພື່ອໂຄ່ນລົ້ມຣັຖບານຄອມມີວນິດວຽດນາມໂດຍໄດ້ ເຂົ້າຮ່ວມພັກປະຊາທິປັດວຽດນາມແລະພວກອົງການທ່ີເອີ້ນວ່າ “Bloc 8406” ທ່ີສົ່ງເສີມໃຫ້ມີຫລາຍພັກການເມືອງໃນວຽດນາມນັ້ນ.
ອະດີດນາຍທະຫານວັຍ 60 ປີ ທ່ານນີ້ສາມາດປະເຊີນກັບການລົງໂທດປະຫານຊີວິດໄດ້ ແຕ່ພວກໄອຍະການຂໍຮ້ອງໃຫ້ລົງໂທດສະຖານເບົາກວ່ານັ້ນ ໂດຍອ້າງເຖິງປວັດທ່ີດີຂອງຜູ້ກ່ຽວໃນກອງທັບ.