ລັດຖະມົນຕີ ວ່າການຕ່າງປະເທດຂອງສະຫະ ຣັດອາເມຣິກາ ພົບປະກັບຄູ່ຕຳແໜ່ງ 4 ປະ ເທດໃນລຸ່ມແມ່ນ້ຳຂອງຕອນໃຕ້ໃນມື້ນີ້, ວັນ ພະຫັດ ຊຶ່ງລັດຖະມົນຕີການຕ່າງປະເທດລາວ ກ່າວວ່າ ເປັນການລິເລີ້ມ ໂດຍທາງການສະ ຫະຣັດ ທີ່ຕ້ອງການຈະເສີມຂະຫຍາຍຄວາມ ຮ່ວມມືລະຫວ່າງກັນໃຫ້ຫລາຍຂຶ້ນ.
ທ່ານ ທອງລຸນ ສີສຸລິດ ຮອງນາຍົກລັດຖະ ມົນຕີ ແລະ ລັດຖະມົນຕີວ່າການຕ່າງປະ ເທດຂອງລາວ ໄດ້ໃຫ້ການຢືນຢັນໃນໂອ ກາດທີ່ໄດ້ເດີນທາງເຂົ້າຮ່ວມ ໃນກອງປະຊຸມລະດັບລັດຖະມົນຕີ ຄັ້ງທີ່ 42 ຂອງກຸ່ມອາຊຽນໃນລະຫວ່າງ ວັນທີ 19 ຫາ 23 ກໍລະ ກົດນີ້ ຢູ່ຈັງຫວັດພູເກັດທາງພາກໃຕ້ຂອງປະ ເທດໄທ ວ່າການພົບປະເຈລະຈາລະຫວ່າງ ລັດຖະມົນຕີວ່າການຕ່າງປະເທດຈາກ ລາວ, ໄທ, ກຳປູເຈຍ ແລະຫວຽດນາມຫລື 4 ປະເທດໃນເຂດລຸ່ມແມ່ນ້ຳຂອງຕອນ,ຫລ່າງ,ນັ້ນ, ກັບທ່ານ ນາງ ຮີວລາຣີ ຄລິນເຕີ້ນ ລັດຖະ ມົນຕີວ່າການຕ່າງປະເທດຂອງສະຫະຣັດອາເມຣິກາ ທີ່ກຳນົດມີຂຶ້ນໃນ ວັນທີ 23 ກໍລະກົດ, ຊຶ່ງເປັນໂອກາດດຽວກັນກັບການທີ່ ທ່ານ ນາງ ຮີວລາລີ ຄລິນເຕີ້ນ ໄດ້ເດີນທາງເຂົ້າຮ່ວມໃນກອງປະຊຸ່ມວ່າດ້ວຍຄວາມຮ່ວມມືທາງການເມືອງ ແລະ ຄວາມໝັ້ນຄົງ ໃນພູມມີພາກເອເຊຍປາຊີຟິກ ຫລື Asian Regional Forum ຄັ້ງທີ່ 16 ນັ້ນ ນັບເປັນການລິເລີ້ມທີ່ເກີດຂຶ້ນຈາກການສະເໜີຂອງລັດຖະມົນຕີວ່າການຕ່າງປະເທດຂອງສະຫະຣັດອາເມຣິກາເອງ.
ທັງນີ້ ໂດຍມີເປົ້າໝາຍສຳຄັນ ເພື່ອຮ່ວມກັນກຳນົດແນວທາງ ໃນການເສີມຂະຫຍາຍຄວາມຮ່ວມມືລະຫວ່າງກັນ ໃຫ້ຫລາຍຂຶ້ນໃນທຸກໆດ້ານ ໂດຍສະເພາະແມ່ນ ການຮ່ວມມືເຂົ້າໃນການພັດທະນາທາງເສດຖະກິດ ຊຶ່ງຈະແນໃສ່ ການຮ່ວມມືໃນການພັດທະນາລະ ບົບໂຄງຮ່າງພື້ນຖານທາງເສດຖະກິດລວມ ໄປເຖິງ ການຮ່ວມມືທາງດ້ານສາທາລະນະ ສຸກ ແລະ ການສຶກສາເປັນຕົ້ນນັ້ນ ຖືໄດ້ວ່າ ເປັນພາສ່ວນໜຶ່ງຂອງການເຊື່ອມໂຍງຄວາມຮ່ວມມື ລະຫວ່າງ ສອງລຸ່ມແມ່ນ້ຳທີ່ສຳຄັນ,ຂອງໂລກ ຊຶ່ງກໍຄື ແມ່ນ້ຳຂອງ,ກັບ ແມ່ ນ້ຳມິດຊີ,ຊິບປີ້ ນັ້ນເອງ, ຊຶ່ງ ທ່ານ ທອງລຸນ ໄດ້ໃຫ້ການຊີ້ແຈງໃນຕອນໜຶ່ງວ່າ:
ຂໍ້ລິເລີ້ມຂອງສະຫະຣັດ ອາເມຣິກາ ທີ່ຈະມາພົບກັບ ລັດຖະມົນຕີ ຕ່າງປະເທດຂອງ 4 ປະເທດລຸ່ມແມ່ນ້ຳຂອງຕອນໃຕ້. ອັນນີ້ ຂ້າ ພະເຈົ້າຄິດວ່າ ເປັນຂໍ້ລິເລີ້ມທີ່ດີ ເພາະວ່າ ທາງສະຫະຣັດ ຢາກ ໃຫ້ມີການເຊື່ອມໂຍງລະຫວ່າງສອງແມ່ນ້ຳ, ທີ່ມີຄວາມສຳຄັນຂອງ ໂລກ ເປັນຕົ້ນແມ່ນ ມິດຊີຊິບປີ ກັບແມ່ນ້ຳຂອງ. ຂ້າພະເຈົ້າ ຄິດ ວ່າສ່ວນໃຫຍ່ ພວກເຮົາຈະໄດ້ປຶກສາຫາລືກັນກັບ ສະຫະຣັດ ອາ ເມຣິກາ ໂດຍສະເພາະການຮ່ວມມື ທາງເສດຖະກິດ, ທາງດ້ານ ໂຄງຫລ່າງພື້ນຖານ, ການຮ່ວມມືທາງ ສາທາລະນະສຸກ ແລະ ສຶກສາ.
ການພັດທະນາຄວາມຮ່ວມມືລະຫວ່າງ
4 ປະເທດໃນເຂດລຸ່ມແມ່ນ້ຳຂອງ,ຕອນຫລ່າງ ໄດ້ເລີ້ມຂຶ້ນດ້ວຍການທີ່ ລາວ, ໄທ, ກຳປູເຈຍ
ແລະ ຫວຽດນາມ ໄດ້ຮ່ວມກັນຈັດຕັ້ງຄະ ນະກຳມາທິການແມ່ນ້ຳຂອງ, ຫລື, Mekong River
Commission ຂຶ້ນຢ່າງເປັນທາງການໃນຊຸມປີ 1990 ດ້ວຍຄວາມຊ່ວຍເຫລືອຈາກນາໆຊາດ.
ໂດຍໃນໄລຍະທີ່ຜ່ານມາ ນັ້ນ ກໍໄດ້ເນັ້ນໜັກໃນການກຳນົດລະບຽບວ່າດ້ວຍການໃຊ້ປະໂຫຍດຈາກແມ່ນ້ຳຂອງ, ຢ່າງຍືນຍົງ
ແລະ ບໍ່ສົ່ງຜົນກະທົບຕໍ່ສະພາບແວດລ້ອມຂອງປະເທດທີ່ເປັນພາຄີຮ່ວມກັນ.
ສຳລັບໄລຍະທີ່ຜ່ານມາກໍປາກົດວ່າ ໄດ້ມີການລິເລີ້ມຄວາມຮ່ວມມືໃນລັກສະນະສາມຝ່າຍເກີດຂຶ້ນອີກດ້ວຍ ຊຶ່ງກໍຄື ໂຄງການສາມຫລຽ່ມ ມໍລະກົດຢູ່ເຂດຕິດຕໍ່ຊາຍແດນລະຫວ່າງ ລາວ ກັບ ໄທ ແລະ ກຳປູເຈຍ ສ່ວນອີກໂຄງການໜຶ່ງນັ້ນ ກໍຄື ການພັດທະນາສາມຫລ່ຽມເສດຖະກິດຢູ່ຊາຍແດນທາງພາກໃຕ້ຂອງລາວ ຕິດຕໍ່ກັບພາກກາງຂອງຫວຽດນາມ ແລະ ພາກເໜືອຂອງກຳປູເຈຍ ຊຶ່ງຈົນເຖິງປະຈຸບັນນີ້ ກໍຍັງຄົງບໍ່ມີຄວາມຄືບໜ້າພໍເທົ່າໃດ. ດ້ວຍເຫດນີ້ ຈຶ່ງເຮັດໃຫ້ທາງການລາວ, ໄທ, ກຳປູເຈຍ ແລະ ຫວຽດນາມ ຄາດຫວັງວ່າ ທາງການສະຫະຣັດຈະເຂົ້າມາມີບົດບາດຢ່າງສໍາຄັນໃນໂຄງການພັດທະນາເຫລົ່າ ນີ້ຫລາຍຂຶ້ນໃນໄລຍະຕໍ່ໄປນັ້ນເອງ.
ຊົງຣິດ ໂພນເງິນ ລາຍງານ ຈາກບາງກອກ ໃນວັນທີ 23 ກໍລະກົດ, 2009
