ທາງການລາວແລະໄທຢືນຢັນວ່າຈະສົ່ງ ແລະ ຮັບເອົາຊາວມົ້ງຈາກບ້ານຫວ້ຍນ້ຳຂາວ,ກັບ,ຄືນໄປລາວ ໃຫ້ໄດ້ທັງໝົດພາຍໃນທ້າຍປີນີ້ ຢ່າງແນ່ນອນ ໂດຍບໍ່ມີການເລື່ອນກຳນົດ. ສ່ວນຊາວມົ້ງກໍຢືນຢັນວ່າທາງການໄທ ໄດ້ກົດດັນພວກຕົນຢ່າງໜັກ ໃນຂະນະທີ່ຜູ້ຕາງໜ້າ ຂອງ,ສະພາສະຫະຣັດອາເມລິກາ ກໍໄດ້ເດີນ ທາງໄປກວດຢ້ຽມຊາວມົ້ງຢູ່ບ້ານຜາຫລັກ.
ຄະນະອານຸກຳມະການຮັກສາຄວາມສະຫງົບຮຽບຮ້ອຍໃນຊາຍແດນທົ່ວໄປລະຫວ່າງລາວກັບໄທ ໄດ້ຕົກລົງຮວ່ມກັນອີກຄັ້ງໃໝ່ ໃນກອງປະຊຸມວາລະພິເສດທີ່ນະຄອນຫລວງວຽງ ຈັນເມື່ອຕົ້ນເດືອນກໍລະກົດນີ້ວ່າ ຈະຮ່ວມກັນດຳເນີນການໃນທຸກວິທີທາງ ເພື່ອເຮັດໃຫ້ ການສົ່ງ ແລະ ຮັບເອົາຊາວມົ້ງຈາກ ສູນຮອງຮັບຊົ່ວຄາວບ້ານຫ້ວຍນ້ຳຂາວ, ໃນເຂດອຳ,ເພີເຂົາຄໍ້ ຈັງຫວັດເພັດຊະບູນ ທາງພາກເໜືອຕອນຫລ່າງຂອງປະເທດໄທນັ້ນ ກັບຄືນໄປລາວໃຫ້ໄດ້ທັງໝົດ ຕາມເປົ້າໝາຍທີ່ວາງເອົາໄວ້ພາຍໃນທ້າຍປີນີ້ຢ່າງແນ່ນອນ.
ທັງນີ້, ວິທີການທີ່ທາງການລາວ ແລະ ໄທ ໄດ້ ຮ່ວມກັນປະຕິບັດຕໍ່ບັນດາຊາວມົ້ງຢູ່ບ້ານຫ້ວຍ ນ້ຳຂາວ,ໃນ,ປະຈຸ,ບັນນີ້, ກໍມີທັງປະຕິບັດການ,ໃນດ້ານກາຍຍະພາບ ແລະ ໃນດ້ານຈິດຕະວິດ ທະຍາ ເຊັ່ນ ການຈຳກັດໃນດ້ານສະບຽງອາ ຫານ ແລະ ການຮັກສາໂຣກ ເພື່ອເຮັດໃຫ້ຊາວມົ້ງຮູ້ສຶກເຖິງຄວາມຍາກລຳບາກ ໃນການທີ່ຈະພັກອາໃສ ຢູ່ສູນຮອງຮັບຊົ່ວຄາວບ້ານຫ້ວຍນ້ຳ,ຂາວ, ໃນປະເທດໄທຕໍ່,ໄປ.
ພ້ອມໆ ກັບການຈຳກັດດ້ານສະບຽງອາຫານ ແລະ ການຮັກສາໂຣກດັ່ງກ່າວ ທາງການໄທ ກໍຍັງໄດ້ພະຍາມໃຫ້ຂໍ້ມູນ ແລະ ຂ່າວສານແກ່ບັນດາຊາວມົ້ງ ກ່ຽວກັບການ ທີ່ພວກເຂົາເຈົ້າຈະໄດ້ຮັບການເບິ່ງແຍງເປັນຢ່າງດີຈາກທາງການລາວ ເມື່ອຖືກສົ່ງກັບຄືນໄປລາວແລ້ວນັ້ນ. ຫາກແຕ່ກໍປາກົດວ່າ ຍັງມີຊາວມົ້ງເປັນສ່ວນໜ້ອຍເທົ່ານັ້ນ ທີ່ໄດ້ສະໝັກໃຈເດີນທາງກັບຄືນໄປລາວ ເນື່ອງຈາກວ່າຊາວມົ້ງສ່ວນໃຫຍ່ ຍັງຄົງບໍ່ໝັ້ນໃຈວ່າພວກຕົນຈະມີຄວາມປອດໄພຈິງ ເມື່ອຖືກສົ່ງກັບຄືນໄປປະເທດລາວແລ້ວນັ້ນ.
ທັງນີ້, ທ້າວ ຫລີສື ແກນນຳຄົນສຳຄັນຂອງຊຸມຊົນຊາວມົ້ງຢູ່ບ້ານຫ້ວຍນ້ຳຂາວ ກໍໄດ້ໃຫ້ ການອະທິບາຍວ່າ,ເປັນຍ້ອນກອງທັບປະຊາຊົນລາວຍັງຄົງດຳເນີນມາດຕະການປິດລ້ອມ, ແລະ ປາບປາມຊາວມົ້ງຢ່າງຕໍ່ເນື່ອງ ນັບຈາກປີ 1975 ເປັນຕົ້ນມາ ໂດຍມີສາເຫດມາຈາກທີ່ທາງການລາວ ຖືວ່າພວກເຂົາເຈົ້າເປັນອາດີດ ຫລື ເປັນລູກຫລານຂອງ CIA ຂອງສະຫະຣັດ ອາເມຣິກາ ໃນໄລຍະສົງຄາມອິນດູຈີນນັ້ນເອງ.
ແຕ່ຢ່າງໃດກໍ,ຕາມ ທາງການລາວ ກໍ,ໄດ້ຖະແຫລງການປະຕິເສດຕໍ່ກໍລະນີດັ່ງກ່າວນີ້ ມາໂດຍຕະຫລອດເຊັ່ນ,ດຽວກັນ ແລະ ເມື່ອສັບປະດາທີ່ຜ່ານມານີ້, ກໍຍັງໄດ້ນຳພາຄະນະ, ຂອງທ່ານ ນາງ ແຈັດຊີຄາ ລີ (Jessica Lee) ກຳມາທິການຕ່າງປະເທດ ຂອງຣັດຖະ ສະພາສະຫະຣັດອາເມຣິກາ ເດີນທາງໄປກວດຢ້ຽມ ເບິ່ງສະພາບຊີວິດຄວາມເປັນຢູ່ ຂອງບັນດາ ຊາວມົ້ງທີ່ຢູ່ຈຸດສຸມບ້ານຜາຫລັກ ເມືອງກາສີ ແຂວງວຽງຈັນອີກດ້ວຍ. ໂດຍໃນປະ ຈຸບັນນີ້ມີຊາວມົ້ງຈຳນວນ 446 ຄົນ ໃນ 81 ຄອບຄົວ ທີ່ຖືກສົ່ງກັບຄືນຈາກບ້ານຫ້ວຍນ້ຳຂາວ, ແລະ ທາງການລາວ ກໍໄດ້ສົ່ງພວກເຂົາເຈົ້າໄປຢູ່ບ້ານຜາຫລັກ ນັບແຕ່ປີ 2007 ເປັນຕົ້ນມາ, ໂດຍໄດ້ໃຫ້ການຊ່ອຍເຫລືອ, ທາງດ້ານສະບຽງອາ ຫານ, ທີ່ຢູ່ອາໃສ, ທີ່ດິນທຳກິນ, ການສຶກສາ ແລະ ບໍລິການຂັ້ນພື້ນຖານຕ່າງໆຢ່າງຄົບຊຸດ.
ທັງນີ້ ໂດຍນັບຈາກປີ 2007 ເປັນຕົ້ນມາທາງການ,ໄທໄດ້ດຳເນີນ ການສົ່ງຊາວມົ້ງກັບຄືນໄປໃຫ້ກັບທາງການລາວແລ້ວ ຈຳນວນ 14 ຄັ້ງ ໂດຍມີຊາວມົ້ງຖືກສົ່ງກັບຄືນໄປລາວແລ້ວຈຳນວນທັງໝົດ 2.807 ຄົນ ໃນ 578 ຄອບຄົວ ຊຶ່ງກໍເຮັດໃຫ້ໃນປະຈຸບັນ ຍັງຄົງເຫລືອຊາວມົ້ງຢູ່ບ້ານຫ້ວຍນ້ຳຂາວອີກເກືອບ 5.000 ຄົນ ທີ່ທາງການລາວ ແລະ ໄທ ໄດ້ຕົກລົງຮ່ວມກັນຢ່າງຄັກແນ່ແລ້ວວ່າ ຈະດຳເນີນການສົ່ງ ແລະ ຮັບເອົາຊາວມົ້ງເຫລົ່ານີ້ກັບຄືນ,ໄປລາວທັງໝົດໃຫ້ໄດ້ພາຍໃນທ້າຍປີ 2009 ນີ້ໂດຍຈະບໍ່ມີການຂະຫຍາຍໄລຍະເວ ລາຕໍ່ໄປອີກຢ່າງແນ່ນອນ.