ບັນດາສະມາຊິກສະພາແຫ່ງຊາດລາວ ພາ ກັນຈັດຕັ້ງເວທີປຶກສາຫາລືກ່ຽວກັບການຕໍ່ ຕ້ານການສໍ້ລາດບັງຫລວງພາຍໃຕ້ເປົ້າໝາຍ ເພື່ອຕິດຕາມ ແລະ ກວດກາການປະຕິບັດ ໜ້າທີ່ຂອງພະນັກງານໃນວົງການລັດຖະ ບານລາວ ແລະ ຫາມາດຕະການລົງໂທດ ຕໍ່ ພະນັກງານທີ່ສໍ້ລາດບັງຫລວງໃຫ້ໄດ້ ຢ່າງມີ ປະສິດທິພາບ.
ກໍລະນີໜຶ່ງທີ່ຖືວ່າເປັນຄວາມແປກໃໝ່ໃນ ກອງປະຊຸມສະໄໝສາມັນຄັ້ງທີ່
7 ຂອງສະ ພາແຫ່ງຊາດ ລາວຊຸດທີ່ 6 ທີ່ກຳລັງຈະ ຈົບການປະຊຸມລົງຢູ່ໃນມື້ນີ້ ວັນທີ 9 ກໍລະກົດ ກໍຄືການທີ່ໄດ້ມີການຈັດຕັ້ງເວທີປຶກສາຫາລືນອກວາລະ ກອງປະຊຸມ ລະຫວ່າງ ສະມາຊິກສະພາແຫ່ງຊາດລາວດ້ວຍກັນ
ແລະ ລະຫວ່າງສະມາ ຊິກສາພາແຫ່ງຊາດລາວ ກັບປະຊາຊົນລາວທົ່ວໆໄປ ທີ່ຕ້ອງການຈະປະກອບຄວາມຄິດ ເຫັນ
ເຂົ້າໃນກອງປະຊຸມຂອງສະພາແຫ່ງຊາດລາວ ໃນກໍລະນີບັນຫາຕ່າງໆ ທີ່ເຫັນວ່າບໍ່ ຖືກຕ້ອງຕາມກົດໝາຍ
ແລະ ລະບຽບການ ແລະ ຈະສົ່ງຜົນກະທົບຕໍ່ເນື່ອງໄປເຖິງຜົນປະ ໂຫຍດສ່ວນຮວມຂອງປະຊາຊົນລາວບັນດາເຜົ່າ ທັງປະເທດຢ່າງກວ້າງຂວາງ.
ທັງນີ້ ໂດຍ ສະເພາະແມ່ນຕໍ່ບັນຫາ ທີ່ກ່ຽວຂ້ອງກັບການສໍ້ລັດບັງຫລວງ ໃນວົງການພະນັກງານຂອງ ລັດຖະບານລາວນັ້ນ
ຖືເປັນບັນຫາທີ່ສຳຄັນ ທີ່ຈະຕ້ອງດຳເນີນມາດຕະການປ້ອງກັນ ແລະ ປາບປາມຢ່າງຮີບດ່ວນ
ເພາະເປັນບັນຫາທີ່ເກີດຂຶ້ນຢ່າງກວ້າງຂວາງ ແລະ ປະຊາຊົນລາວ ກໍໄດ້ພາກັນວິພາກວິຈານ
ແລະ ສະແດງອອກເຖິງຄວາມເປັນຫ່ວງເປັນໃຍຫລາຍທີ່ສຸດບັນ ຫາໜຶ່ງໃນປະຈຸບັນນີ້.
ຊຶ່ງຕໍ່ກໍລະນີບັນຫາດັ່ງກ່າວ ທ່ານ ຖາວອນ ຕັນດາວົງ ສະມາຊິກສະພາແຫ່ງຊາດລາວຈາກແຂວງສາລະວັນ ໃນຖານະທີ່ເປັນສ່ວນໜຶ່ງ ໃນເວທີປຶກສາຫາລືດັ່ງກ່າວນີ້ ກໍໄດ້ໃຫ້ການຢືນຢັນວ່າ ເວທີປຶກສາຫາລື ນອກວາລະ ກອງປະຊຸມສະພາແຫ່ງຊາດລາວ ຈະມີສ່ວນຢ່າງສຳຄັນ ຕໍ່ການປ້ອງກັນ
ແລະ ປາບປາມການສໍ້ລາດບັງຫລວງ ເຖິງແມ່ນວ່າ ໃນຕະຫລອດໄລຍະເວລາທີ່ຜ່ານມາການ ປະຕິບັດວຽກງານໃນດ້ານດັ່ງກ່າວນີ້
ຂອງສະພາແຫ່ງ ຊາດລາວ ແລະ ລັດຖະບານລາວເອງຈະບໍ່ມີປະສິດທິ ພາບແຕ່ຢ່າງໃດກໍຕາມ.
ຫາກແຕ່ວ່າ ດ້ວຍການຈັດຕັ້ງເວທີປຶກສາຫາລືດັ່ງກ່າວນີ້ ຊຶ່ງກໍເຮັດໃຫ້ ມີທັງການຕິດຕາມກວດກາ ການກວດສອບຕາມທີ່ໄດ້ຮັບຂໍ້ມູນຈາກປະຊາ ຊົນທີ່ກ່ຽວຂ້ອງກັບບັນຫາການສໍ້ລາດບັງຫລວງໄດ້ຢ່າງກວ້າງຂວາງນັ້ນ ກໍຈະເປັນຜົນ ເຮັດໃຫ້ການປະຕິບັດວຽກງານ ແລະ ປ້ອງກັນປາບປາມການສໍ້ລາດບັງຫລວງໃນ ລາວ ສາມາດທີ່ຈະດຳເນີນການໄດ້ຢ່າງມີປະສິດທິພາບຫລາຍຂຶ້ນ. ຫາກບໍ່ສະນັ້ນແລ້ວ ກໍຍ່ອມ ທີ່ຈະສົ່ງ ຜົນກະທົບຕໍ່ການນຳພາຂອງພັກປະຊາຊົນປະຕິບັດລາວໃນໄລຍະຕໍ່ໄປ ຢ່າງ ຫລີກລ້ຽງບໍ່ໄດ້.
ກ່ອນໜ້ານີ້ ທະນາຄານ ພັດທະນາເອເຊຍ ຫລື ADB ໄດ້ປະເມີນສະຖານະການທີ່ ກ່ຽວຂ້ອງກັບການສໍ້ລາດ ບັງຫລວງຢູ່ໃນລາວວ່າ ສຳລັບການຮັບສິນບົນຂອງເຈົ້າໜ້າທີ່ ພາສີ ເພື່ອອຳນວຍຄວາມສະດວກໃຫ້ແກ່ການ ຄ້າໜີພາສີນັ້ນ ໄດ້ເຮັດໃຫ້ລັດຖະບານ ລາວ ຕ້ອງສູນເສຍລາຍໄດ້ຈາກພາສີ ເປັນມູນຄ່າຫລາຍກວ່າ 100 ລ້ານ ໂດລາ ສະຫະ ຣັດ ໃນແຕ່ລະປີ ແລະຍັງລວມທັງການສູນເສຍລາຍຮັບຈາກ ການລັກລອບຕັດ ແລະ ຄ້າໄມ້ເຖື່ອນ ອີກດ້ວຍ.
ອົງການເພື່ອຄວາມໂປ່ງໃສ ລະຫວ່າງປະເທດ ຫລື Transparency International ນັ້ນ ກໍໄດ້ຈັດໃຫ້ລາວຢູ່ໃນອັນດັບທີ່ 151 ຈາກທັງໝົດ 180 ປະເທດ ໃນທົ່ວໂລກ ທີ່ມີການສໍ້ລາດບັງຫລວງໂດຍທີ່ລາວໄດ້ຮັບຄະແນນຄວາມເຊື່ອຖືພຽງແຕ່ 2 ຄະແນນເທົ່ານັ້ນ ຈາກຄະແນນເຕັມ 10 ຄະແນນ ຊຶ່ງກໍໝາຍຄວາມວ່າ ລາວໄດ້ຖືກຈັດໃຫ້ຢູ່ໃນ ກຸ່ມປະເທດທີ່ມີລະດັບການສໍ້ລາດບັງຫລວງຫລາຍທີ່ສຸດໃນໂລກ ໃນຂະນະທີ່ສິງກະໂປ ທີ່ມີ ການສໍ້ລາດບັງຫລວງໜ້ອຍທີ່ສຸດ ເປັນອັນດັບທີ່ 4 ຂອງໂລກ ແລະ ໜ້ອຍທີ່ສຸດໃນເອເຊຍນັ້ນ ໄດ້ຮັບຄະແນນຄວາມເຊື່ອຖືເຖິງ 9.2 ຄະແນນ, ສ່ວນປະເທດໄທ ໄດ້ 3.5 ຄະແນນ.
ຊົງຣິດ ໂພນເງິນ ລາຍງານຈາກບາງກອກໃນວັນທີ 09 ກໍລະກົດ, 2009
